2 Kurunthuc 11:10 - LON ILOPOROT LOKAPIK NATHAM NꞌREK NNONATHAM NOMAꞌROT

¹⁰ Ana ammakka lon loIeccuo ilaik ïcat ilaik iaun, pul pella noththok poKrik paceꞌren nothipot ka thoura nolon elli.

2 Kurunthuc 11:10 Iomraidhean Croise

Ngre 18:12

Anakka oKkalion pothakkat ili noththok poKrik, ul woIouth waꞌrntakathe ntaPoluc akin onekathok nokaꞌran kothonceꞌret lon cik.

Ngre 18:27

Anakka Apolloc pokat pongothe itti kwaeo noththok poKrik aul ioccokothe lon loIeccuo nokaꞌran kApuccuc okurranthet ul ioccokothe lon loIeccuo noththok poKrik kaꞌrmacak akin othïat Apolloc ngngin akin ikkiek cik papenang. Anakka kweot tentre lalokat loporot cannan akka kwittarothe ul ioccokothe lon loIeccuo nthoporot thoKapik.

Roma 1:9

Kapik ika mpaik parekine ncïkït culukku nthongkene tholon iloporot lokkul wung, iken akkina nan itti mpaik pakwarttikot non

Roma 16:5

Nomicco ul ioccokothe lon loIeccuo ianon thaik thaꞌrntattakot tuan thanen. Nomicco opuruko pin Apiniththoc ook ipoccokothe lon loMiccie cittokït nocik cAccia.

Roma 9:1

Mpaik pere lon ilaik ïcat tokït koMiccie ana mpaik pakannammikkot ana cïkït cin cakene itti lon len laik ïcat ngKanang ikupupure.

1 Kurunthuc 16:15

Onon thina itti ul woruan toCiththippanac wokat ul wocittokït ioccokothe lon loIeccuo noththok poKrik ana okin thangkathe itti okin tharekine ul iupupure woKapik.

2 Kurunthuc 1:1

Lon elli naun oPoluc pul pothothïlettat poMiccie oIeccuo ana llon ammakka Kapik kongothe ana lon napangkin oThimiththaoc, aloine ul ioccokothe lon loIeccuo nokaꞌran koKurunthuc ana ul iupupure woKapik appik noththok poKrik.

2 Kurunthuc 1:23

Kapik kina nolon itti mpocottakot noththok poKurunthuc akain, laik itti amma mpokat peot ana nthaccokot thiak cannan.

2 Kurunthuc 10:15

Onïn thakorronno ipot ka thoura ngngre iokkattathe nul wꞌrek anaruk onïn thongothe itti thoccokot lon nocïkït thon tharttakot nan, angre ngïn appaththat cik ianon

2 Kurunthuc 11:12

Ana mpaꞌrungkot nan okkot lon ila mpaik pakkot anoceꞌre okkwion ithaik thipot ka thoura itti okin thaik thakkot ngre ammakka oron thaik thakkot.

2 Kurunthuc 11:31

Kapik oththan poIli oIeccuo, ipapirakine noka thuput thuput pina itti mpaik pakannammikkot.

2 Kurunthuc 12:19

Onon thikko thame itti onïn thokat anïn orrot noka kini? Annoka ittina onïn thokat anïn eret tokït koKapik ammakka ul woMiccie ana lon ilanïn thokkothe appik othakka itti alopoꞌrienon than.

2 Kurunthuc 9:2

Akka mpina kicce itti onon thongothe cannan itti onon thittarot ana ilen akka mpipothe non ka thoura ngngin tokït koul woMakthonia, aniꞌret kin itti, nci nothuput itheot onon noththok poKrik thokuccekotheik itti onon thittarot ana lon lon elli lokorronnot kin akin ongat cannan itti okin thakkot ngre ngen.

Kalaththia 1:20

Mpiꞌret lon ïcat tokït koKapik ila mpaik piꞌret non lakannoka lokarra.

Kalaththia 2:20

Mpokkuttathe nothapak innoMiccie ana ittina oun akkannokat cik ngka kin anaruk oMiccie akkaik iaun. Ana thikkoik itha mpaik pikkoik inenni mpaik pikkoik nti ithoccokot lon lokkul woKapik nocïkït iongothin ana iiothe nothapak nti iaun.

Atham iaine ul woThocculunukkia 1 2:10

Onon thimmat ana Kapik kimmat cakuruk, tat akka onïn thokat ithoꞌrkït thon ella lon cik ilokithak onon ithoccokothe lon loKapik nomïkït.

Atham iaine ul woThocculunukkia 1 2:5

Onon thina itti onïn thakannere lon lopreththere ngkarra othakka itti annoccïkot nïn, ana onïn thakannere itti anïn aꞌrumot lon than ilaik nomïkït mïn ilokithak lothongat akucci. Kapik akkimmat nïn.

1 Thimiththaoc 2:7

Ilen akka Kapik kakkarorin ana kothïothin ammakka pul pothothïlettat poIeccuo oMiccie itti anongkene ul iakannoka ul woIouth itti akin occokot lon loIeccuo nomïkït ana ina lon ilaik ïcat. Mpaik pakannere karra, mpaik pere lon ilaik ïcat.