1 Thimiththaoc 6:20 - LON ILOPOROT LOKAPIK NATHAM NꞌREK NNONATHAM NOMAꞌROT

²⁰ Thimiththaoc, oꞌrumi nolon papenang ila ngkwoccot itti ngkwangkene. Opaꞌrinet lon cik ilakannoka loKapik ana thopllarot llon itha ul ome itti thina cik anaruk lakannoka ïcat.

1 Thimiththaoc 6:20 Iomraidhean Croise

Ngre 16:1

OPoluc ana oCcila thoingkathe nokaꞌran koTherpa ana nokaꞌran koLicththra na oThimiththaoc pul ipammakot oIeccuo pokat ngkaman. Onnan pokat poul woIouth ipoccokothe lon loIeccuo anaruk oththan pokat poul iannoka woIouth.

Ngre 17:18

Okin thopllarathe llon ncungkut coul inaik nti ica wApikkurin ana woRoakkin ana opilingon thipittathe itti, “Pempi paik papo thon taththa?” Pilingon iꞌre itti, “Kwaik peret Kapik ikaik prek.” Okin thiꞌret elli akka oPoluc pokat akweret lon iloporot loIeccuo thuro nti ithio.

Ngre 17:21

Ul wonokaꞌran kAthina ana ul wokwat iokat cik nokaꞌran kAthina wokat akorronno okkot ngre ngꞌrek, anaruk wokat aikkoik cinang aeret lon ilie ana occïkot.

Roma 1:22

Antoka manna itti nthinnikothe itti okin thinaik anaruk okin thothakkakathe thommaik.

Roma 3:2

Loporot llon loppot itti lon loKapik lerettanet ul woIouth cittokït.

1 Kurunthuc 2:6

Onïn theret lon lothinaik nti ica iul ina lon loKapik kicce anaruk okorronno oka thinaik nti ica tholuput elli ana manna okorronno oka thonili enni inamattat.

1 Kurunthuc 3:19

Akka thinaik nti ica thonocapu thaththommaik tokït kung. Ammakka lokurrakot itti, “Kapik kina thinaik nti ica then amma okin okkot ngre ngen.”

Kulucci 2:18

Nokorronno okorronno pul ipinnikot itti poporot ana aꞌrane uꞌrupa wothothïlettat woKapik ngaꞌrama itti pakkma non. Akka pul ammakka pen perenthet non lon ila kwimmat ngkït kung ana kwipot ka thoura nolon ilella lon cik.

Kulucci 2:8

Nokorronno okorronno itti opilin papaꞌrenon ma cik nti ilon loMiccie, nthinaik nti ica thopul iponyi, llon ilella lon cik ilanthan nopul iponyi ana nolon lonocapu ncik appik ana okonnoka naMiccie.

2 Thocculunukkia 1:4

Ilen akka anïn othïngkakinenon ngngin onon ithoccokothe lon loIeccuo nthoꞌrungkot cik thon ilon loKapik ana thoccokot lon loKapik nomïkït thon ithiak ana nthantoka manna thaik thakkiettat thiak ikkitheththak.

2 Thocculunukkia 2:15

Ittina, pangkingon, onoccokot kït ana oꞌrumo nothongkene ithanïn thongkenet non, antoka manna llon ana nthokurro.

1 Thimiththaoc 1:11

Thongkene enthi thaat nnolon iloporot loIeccuo ilethiettat, ilaat noKapik ikekkot nan itti kamerekettat ana kwethin itti anothongkene ul wꞌrek.

1 Thimiththaoc 1:2

Mpakurrinung oThimiththaoc oung ukul win ïcarïcat akka orit aththeꞌra thoccokothe lon loIeccuo nomïkït. Athoporot ana thiak ana thomicco thoKapik oNgappa ana oMiccie oIeccuo Ili wonnon oka naung.

1 Thimiththaoc 1:4

Iꞌrethekin itti akin ocoꞌro nti itharttot lon lotheret ꞌran wothiki akka lon len lereket thopllarot ana lakannittarot lon ila Kapik konekketheik itti laccokittat nomïkït.

1 Thimiththaoc 1:6

Ul iangkene ngkarra wocottakot nti ilon len akin opakkinthet lon ilella lon cik.

1 Thimiththaoc 1:9

Oron thina cakuruk itti lon lothonceꞌret lon cik lokat lakannokkattanthet ul iakkot lon ila Kapik kongothe anaruk lokkattanthet ul iomma lon iakannoccïkot lon ana iakïtto lon iloporot ana iꞌrat lon loKapik, ana ionu lon ilokithak, iakannoka wupupure ana iakatha itti lon lella ilupupure ana ieret lon ilokithak noKapik. Lon lothonceꞌret lon cik lokkattanthet ul iangwo oththangon ana onangon ana ul iangwaro wꞌrek,

1 Thimiththaoc 4:7

kirrnni occïkot lon lokerung lokarra ilakannoka loKapik ana ilella lon cik anaruk okuccekiethe ka kang cik athakka pul polon loKapik.

1 Thimiththaoc 6:11

Anaruk Thimiththaoc oung pul poKapik, kirrinni elli appik, ommakothe lon iloporot ana ngkathar ikapirie Kapik noka ana thoccokot lon loIeccuo nocïkït ana thongat ana opoꞌrathan ana oka poporot lon.

1 Thimiththaoc 6:14

itti ngkwaꞌrumo nan ana aꞌrungkwot pupure ella lon nan ilokithak puccuk acaꞌri akkakat ica Ili wonnon oIeccuo oMiccie ao nan.

2 Thimiththaoc 2:1

Ukul win, oꞌrungkwothe opoꞌrathan ithoporot thoIeccuo oMiccie.

2 Thimiththaoc 2:16

kirrnni okkwo kunu ncik nolon ilella lon cik, ilakorronno opirie Kapik noka, akka lon len lanekot ul ciththan noKapik.

Thiththoc 1:14

Ana okorronno okkwine lon lokerung koul woIouth unu ncik ana lon loul ionyi iꞌrat occïkot lon ilaik ïcat.

Thiththoc 1:4

Mpakurrinung oThiththoc oung ukul win ïcarïcat akka orit aththeꞌra thoccokothe lon loIeccuo nomïkït lulukku. AKapik oNgappa ana oMiccie oIeccuo pothoꞌret thonnon ethet non thoporot ana thomicco thung.

Thiththoc 1:9

Kwonu itti kwaccokot ana oꞌrumo nolon ilaik ïcat loIeccuo ammakka kwongkenettat othakka itti akwittarot opilingon nthongkene thoporot ana okene okkwion ithaik thaꞌretto nolon loIeccuo.

Thiththoc 3:9

Anaruk nopaꞌrine lon cik lothopllarot thoꞌran wothiki ana thaꞌrettot nolon lothonceꞌret lon cik loul woIouth akka lella lon cik ana lakannittararot.

Thitto 3:3

Nokwarttikot, thongkene ithanon thongkenettat ana kathar ikanon thoccïkothe ngngin, noccokot kiththik ana opaꞌrine lon len cik ilokithak. Anaruk amma onon thakannoꞌrumoik ana mpanthan ere pul pothuꞌran ana onon thakinnina itti mpaik panthan nocaꞌri cia.