1 Thimiththaoc 4:16 - LON ILOPOROT LOKAPIK NATHAM NꞌREK NNONATHAM NOMAꞌROT

¹⁶ Okatha akka aikkoik ana tat akka angkene. Oreki llon len akka amma ngkworekot llon len, ngkwaꞌret ka kang ana ul iaik waccïkothung.

1 Thimiththaoc 4:16 Iomraidhean Croise

Markkoc 13:9

Onon thonu itti onon thaꞌrumoik. Onon thikkettat nili ana akin okkwet non nomuththun maꞌrama. Onon thanekittat tokït konili inarran ana inïttïnïttïk nti ilon lin. Anaruk loporot othakka itti annokenekin lon lin.

Lukka 21:34

“Noꞌrumoik akka anon okorronno iꞌrikikke kakon ilon lonocapu ammakka itti thïkko ngapak ana thirro mïkït nti ikarak nolon lothikkoik akka caꞌri canthan anon thomma nan.

Ngre 26:22

Anaruk Kapik kittarothin manna inenni, ana mpaik pacoꞌro anerene okin itharran ana ul ioccokkat cakuruk. Mpaik pere lon ila oMucca peret ana ul wothernte lon loKapik theret itti lathokaik,

Ngre 6:4

Anïn iꞌrikot nothaꞌra ngaꞌrama ana ongkene lon loKapik.”

Roma 11:14

othakka itti anipie ul win wꞌrek noꞌre othakka itti anoꞌret opilingon nti iakin.

Roma 16:17

Pangkingon, mperenenon itti onon thaꞌrumoik nakkwion ithillillo iul ana ongkene lon ilapaꞌre thongkeneik ithanon thongkenettat. Nopaꞌroik nti iccik ken.

Roma 2:7

Ana ul iokat cik akkot lon iloporot wokat cik akwancot thrïk ana thothiakine cik ana thikkoik thothupuththupu ana Kapik kethet kin thikkoik thothupuththuput.

1 Kurunthuc 1:21

Ana Kapik nthinaik nti ica thung kimmat itti capu ncik appik cakarrnninak nthinaik thopul iponyi, koꞌrekathe ul appik ioccokothe lon nthongkene thïn ithakorronno oka thonthomat.

1 Kurunthuc 9:22

Mpothakkanet ul iie ithoccokot lon loIeccuo ere pul ipie ilon loIeccuo othakka itti okkwion itharthuk thian ilon loIeccuo ainin. Mpothakkanet ul lon ncik appik othakka itti anoꞌret opilingon.

1 Kurunthuc 9:27

A a mpakkwe ka kin ana anothikkie piak pin othakka itti amma mpocothothe thongkene ul wꞌrek anokorronno opaꞌrettaik nopapu pothularrttarrnne.

Apuccuc 4:14

Ittina oron thakannoka ammakka nyukul inyarran, inyalon oprtto ere thopangka thoiꞌre ana lon lothongkene thoul ngkarra aukkukkot ere kanang amma akokkurarot cik akin urttakat cik.

Kulucci 4:17

Niꞌret Arkkippic itti, “Ina nan itti ngkwamartto ngre ia ngkwoccot ngkꞌran koIli oIeccuo.”

Atham iaine ul woThocculunukkia 1 2:16

Okin cakuruk manna thenekke itti okin thaꞌramittot nïn nti ithongkene ul iakonnoka woIouth lon loKapik akka akin oꞌrettat. Ittina menik okin thaik akin arttot nolon len ilokithak. Anaruk inenni Kapik kaik kathua ka ken.

1 Thimiththaoc 1:3

Mpiꞌrethung itti ngkwikkoik icarak coman cApuccuc ammakka mpiꞌrethung ampokat aneo noththok poMakthonia. Iꞌrethe ul iangkene ngkarra lon lonthomat itti akin ocoꞌro nti ithongkene thokarra.

1 Thimiththaoc 4:15

Oreki llon elli, ncïkït cang appik othakka itti aul immang appik itti ngkwaik pakkot lon iloporot.

1 Thimiththaoc 4:6

Amma ngkwiꞌrethe opang ponnongon ithoccokothe lon loIeccuo lon elli ngkwaka pul ipareko ipoporot poIeccuo oMiccie ipupothakothe ilon ilaik ïcat lothoccokot lon loKapik nocïkït ana lothongkene ithoporot itha ngkwomakothe.

2 Thimiththaoc 2:10

Ilen akka mpaik panongkwinthet ilon appik nthoccokot cïkït othakka itti aul ia Kapik kakkarot iot thoꞌrettat itha aIeccuo oMiccie ponu akin ikkat cik ithïrïk thung thothupuththuput.

2 Thimiththaoc 3:14

Anaruk oung, omakothe ila ngkwongkenettat ana ila ngkwoccokothe akka ngkwina itti nti inyaun nyokkwen akka ngkwongkenettat.

2 Thimiththaoc 4:2

Okuccekotheik angkene ul lon loKapik oꞌrungkot nan, okin thantꞌra occïkot ana manna okin thongothe. Onceꞌrenthet kin lon cik, othirriethekin cik, ittarothekin accokat cïkït kiththik ilon.

Thiththoc 1:9

Kwonu itti kwaccokot ana oꞌrumo nolon ilaik ïcat loIeccuo ammakka kwongkenettat othakka itti akwittarot opilingon nthongkene thoporot ana okene okkwion ithaik thaꞌretto nolon loIeccuo.

Thiththoc 2:15

Ongkenekin ana omereket kin ana othirriet kin cik ngili ngang ana okorronno okorronno opilin pꞌrek itti kwaccirong ngngin.

Thiththoc 2:7

Ilon appik ngkwonu itti ngkwaka pul ipaul onneko lon nan iloporot. Oka pul ipere lon ïcat ana oka pothiakinet cik amma angkene lon ilella lon tit ilokithak.

Pelemun 1:19

Oun oPoluc akkaik pakurrinung elli nnukun win, “Mpakkekung.” Anaruk kirrinni urenan itti mpokorronnorung accokot lon loIeccuo.

Ipranin 12:15

Noꞌrumoik akka pul omone thoporot thoKapik, annokathakat itti pul pella ipokithak ca akka apokïtto opilingon ma.

Ipranin 13:9

Kirrnni okorronno itti thongkene enthi appik ithaik prek thaprttong cik. Akka loporot itti mïkït monnon mathakka monthomat nthoporot thoKapik ana okorronno oka nthuꞌrit thokamuthe ithella lon cik.

Iakup 5:20

nina itti okkwi ipokkaprttot pul nti ikathar ikokithak, kwaꞌrethok nti ithio ana nti ilon loppot ilokithak.