1 Thimiththaoc 1:20 - LON ILOPOROT LOKAPIK NATHAM NꞌREK NNONATHAM NOMAꞌROT

²⁰ Ana okin theꞌra nti iul wen oIminauic ana Alekenther mpethet kin pul pothopulut ana okin thonu itti okin thakannokattakot akin oul ioccokothe lon loIeccuo nomïkït, menik akin ina itti okin thacoꞌro nti ilon ilakin ocungkwo Kapik ngngin ilokithak.

1 Thimiththaoc 1:20 Iomraidhean Croise

Maththa 18:17

Ana amma kwꞌrat occïkot kin, iꞌrethe ul ioccokothe lon loIeccuo iaꞌrntakothe, ana amma kwꞌrat occïkot manna ul ioccokothe lon loIeccuo iaꞌrntakothe, okathak ere pul ipomma lon loKapik ana ammakka pul ipaꞌrntot akucci.

Ngre 13:45

Anakka ul woIouth wimmat cungkut coul ana okin thonyirakathe ana okin thikkatheik akin aꞌrettakot nolon ilakin theret ana ocungkwo oPoluc llon lokithak.

Ngre 19:33

Ul woIouth wothïathe Alekenther tokït koul itti akwere lon ilaik ana kwomekathekin itti okin thangkoik akwina akka akworrot nolon.

1 Kurunthuc 11:32

Amma oron thakkmakot nIli, laka itti akwocimittoron okorronno akkmako ncapu ncik appik.

2 Kurunthuc 10:6

Ana amma ngkwoccïkothe lon loMiccie pꞌrin, onïn thakkma okkwion ithakorronno occïkot lon loMiccie.

2 Kurunthuc 13:10

Ilen akka anokurrine non lon elli ampella othakka itti amma mpaat anokorronno aꞌretto nanon mpuꞌran ipaIeccuo pethin. Akka ngili iaoIeccuo pethin itti mpupothonon ngngin ana okorronno oka itti mpapettot non cik ngngin.

2 Thocculunukkia 3:15

Nokorronno okkothok lon karkko pul ipa nthꞌrat anaruk naꞌretto naak karkko opang pon.

1 Thimiththaoc 5:15

Muruma mꞌrek moththet nolon loKapik ana momakothe pul pothopulut.

2 Thimiththaoc 2:14

Okwarikiethekin lon ila mperenung. Erenet kin tokït koKapik akin okorronno othattot nolon nuthuk akka lakannothikkie lon loporot. Anaruk lakïtto ul iaik waccïkot lon.

2 Thimiththaoc 2:17

Ana thongkene then thappaththat cik ere utha wopapu ipokuttat, ul iongkenet thongkene then okin oIminauic ana oPiliththoc.

2 Thimiththaoc 3:2

Ul wathongat ka ken ana ongat akucci. Okin thipot ka thoura ana ocungko Kapik. Okin thakannoccïkot oththangon, okin thakannopirane ul noka iakkinthet kin lon iloporot ana okin thakannoka thupupure.

Ipranin 12:5

Ana ngkuret nolon lothittararot ilerenenon karkko nyukul itti, “Ukul win, okku kunu ncik amma Ili ocimittong, kirrnni apo ka ntit amma akwocimittong.

Thitto 13:1

Ana papu ipokithak ipungkot pre pocoꞌrathe nocarkan corok irapangka. Ana mpimmakathe papu poripira apanthan nti irok irapangka. Ponat ma meꞌreꞌrapuruk ana lipil attul, ana mupul monili attul nolipil. Ana noma men mokurrakot ꞌran nan wathocungko Kapik.

Thitto 3:19

Mpaꞌretto nakkwion itha mpongothe ana ocimitto kin akin omakot lon iloporot. Ittina occothe kït noꞌron apaꞌranthet lon ilokithak cik.