1 Poththuruc 5:6 - LON ILOPOROT LOKAPIK NATHAM NꞌREK NNONATHAM NOMAꞌROT

⁶ Nothikkie ka kon tharran okorronno ipot ka thoura, ana Kapik mpuꞌran pung kanekothung tothiꞌrot mpuꞌran pothrïk thonyaun nyung nocaꞌri cung.

1 Poththuruc 5:6 Iomraidhean Croise

Maththa 23:12

Akka okkwi ipathikkie ka kung prïk, kwathikkietta potte ana okkwi ipathikkie ka kung potte kwathikkietta prïk.

Lukka 1:52

Kworpethe nili cik nnorrok wen anaruk kwoꞌrumot noul ia ul wella kït ken.

Lukka 14:11

Akka okkwi ipathikkie ka kung prïk kwathikkietta potte, ana okkwi ipathikkie ka kung potte kwathikkietta prïk.”

Lukka 18:14

Ittina aIeccuo iꞌrekat itti, “Mpiꞌret non itti pul ipaꞌrntot akucci akkeot tuan poporot tokït koKapik, akka okkwi ipathikkie ka kung prïk kwathikkietta potte ana okkwi ipathikkie ka kung potte kwathikkietta prïk.”

Roma 5:6

Akka caꞌri icaron thellat puꞌran cik, oMiccie piinet ton othakka itti akwittarot ton ithella puꞌran cik ana ithakkot lon ilokithak.

1 Kurunthuc 10:22

Oron thongothe itti oron thuet Ili kaiki? Oron thonthomat naaki?

1 Thimiththaoc 2:6

Ook iponat ka kung itti akwio othakka itti aul iponyi appik oka nuthuk nti ilon ilokithak. Kwokkothe lon elli nocaꞌri ica Kapik kongothe othakka itti akwokene ul itti Kapik kongothe itti kaꞌret kin.

Thiththoc 1:3

Ana nocaꞌri icaKapik konekketheik, kwokenet lon lung ila mperenet ul appik ila Kapik kothoꞌret thonnon kiꞌrethin itti mpakkot.

Iakup 4:10

Nothikkie ka kon tharran tokït koIli Kapik ana wathikkienon thïttïttïk.

Iakup 4:7

Nethet Kapik ka kon, nꞌra lon lopul pothopulut ana pallo paththe nanon.

Iakup 5:10

Pangkingon, nantoneko lon lothoccokot cïkït ilon ithoccokot thiak noul wothernte lon loKapik, ierentet ngkꞌran koIli.