1 Poththuruc 3:11 - LON ILOPOROT LOKAPIK NATHAM NꞌREK NNONATHAM NOMAꞌROT

¹¹ Kwonu itti kwapaꞌrine lon cik ilokithak akwokkot lon iloporot, kwonu itti kwakwancot thomicco akwoꞌrungkat nan.

1 Poththuruc 3:11 Iomraidhean Croise

Maththa 5:45

Othakka itti anon oka nyukul nyoththe pon ipaik tothiꞌrot akka ook akkummienthet ul cïngkï appik iakkot lon lokithak ana iakkot lon iloporot ana apiene ul kapik iammakot kathar ika Kapik kongothe ana ul iakannommakot kathar ika Kapik kongothe.

Maththa 5:9

Thethïetta thaka noul iakkot kuꞌri, akka okin thamettat itti nyukul nyoKapik.

Maththa 6:13

Kirrnni apiet nïn ithenekketta anaruk oꞌrethenïn nti ilon lopul pothopulut.’

Markkoc 14:7

Ul iaiak iella aꞌrupu wꞌrek wanon thaik annaththungon appinappin ana nthittarot kin nomaꞌri ima nthongothe itti nthittarot kin. Anaruk mpakannoka unaththungon appinappin.

Lukka 1:79

OMiccie pathere lon ilaik ïcat ilaka ere kꞌran kocïngkï ikathocciene ul cik iaik iꞌrïmak ana ionu nꞌre nothille kwakkot lon elli itti akwipot ton ikathar kothikkoik thoporot tokït koKapik.”

Lukka 6:35

Anaruk ongathe ul iꞌrarung ana okkinthet kin lon loporot, ethet kin aꞌrupu akorronno oꞌrïkot cik itti okin thakkarttinung, ittina thocco tholon iloporot thon thaka thrïk ana onon thaka nyukul nyoKapik ikaik cittothiꞌrot akka kwoporot lon noul iakannopiranok noka ana iokithak.

Lukka 6:9

Ittina aIeccuo iꞌrekat kin itti, “Mpipittot non lon, liatha akkocoꞌrotheik itti lakkattat nocaꞌri caCcepith, itti okkot iloporori? Ana amma okorronno okkot iloporot ana ilokithaki? Okkie pul ciki ana amma okorronno okkie cik okkwori?”

Iuanna 17:15

Thaꞌra ngaꞌrama thin annoka itti aneko kin nocapu anaruk othakka itti angwot kin nti inyaun nyopul pothopulut.

Roma 12:18

Amma kathar kaik ammakka akatha ngka kang annoka ikuꞌri nnul appik.

Roma 14:17

Akka ngili ngoKapik ngakannoka thoꞌrko thuꞌrit ana thïkko alepꞌrek tulluk anaruk ngolon ilocoꞌrotheik ana ngothomicco ana ngothopira noka iKanang ikupupure.

Roma 14:19

Ittina tun okkot lon ilana thomicco ana ilïꞌrïkarottan tothun.

Roma 5:1

Ana inakka oron thothakkat thoporot nthoccokot lon loKapik nomïkït thonnon, oron thaik ikuꞌri oron oKapik nti ilon loIli oIeccuo oMiccie,

Roma 7:19

Akka lon ila mpaik pakkot lakannoka iloporot ila mpongothe itti mpakkot mpakannangkot itti mpakkot anaruk lon ilokithak akkaik lanemothin nan mpokkot.

Roma 7:21

Ittina mpaththiot itti lon lothonceꞌret lon cik laik lareko, amma mpongothe itti mpakkot lon iloporot, alon ilokithak okaik iccik kin.

Roma 8:6

Ngatheꞌre ngopul polon ilokithak ngiot anaruk ngatheꞌre inga Kanang koKapik kaik nan ngaik ngkït thapat ana ngoporot,

Kalaththia 5:22

Anaruk Kanang koKapik ikupupure kethettot thongarot ana thopira noka ana thomicco ana thoccokot cïkït ana thoporot ana thoccokot lon loKapik nocïkït cannan,

Kalaththia 6:10

Ittina inenni akka oron thonu caꞌri tun okkinthet ul lon iloporot appik ana anganna ul ioccokothe lon loKapik nomïkït men.

Kulucci 3:15

Nokorronno athomicco ithanthan naMiccie oka nomïkït athittarot non annïꞌrïko lon ilanon okkot akka thomicco enthi akka kwakkarothenon itti onon thikkoik tit ika kulukku koMiccie. Ana nthapira noka appinappin.

1 Thimiththaoc 6:18

Iꞌrethe ul iaaꞌrthan itti akin okkot lon iloporot, akin oka thoporot cannan llon iloporot ana ikket ul aꞌrupu nuthuk iakin thonu.

Ipranin 12:14

Okwantothe kathar ikikkieng cik poporot nul appik ana oka pupupure akka amma thupupure thella ana pul pella pimma Ili.

Ipranin 13:16

Ana nokorronno urenan itti onon thakkot lon iloporot ana okkinthet opangkangon thꞌrek, akka nthokkot lon len onon thapirie Kapik noka.

Iakup 4:17

Ana okkwi ipina lon iloporot kwonu itti kwakkot ana amma kwakannokkot, kwaik pakkot ilokithak.

1 Poththuruc 3:12

Akka Ili waik waccot kït noul iaik wakkot lon loporot tokït kung, ana Ili wakkwine ngaꞌrama ngen kunu ncik anaruk wapaꞌre tocaik nnoul iakkot lon ilokithak.”

3 Iuanna 1:11

Pangkin, kirrnni innikkot lon ilokithak anaruk innikothe lon iloporot. Okkwi ipakkot lon iloporot ook poKapik. Ana okkwi ipakkot lon ilokithak kwommat Kapik.