1 Kurunthuc 9:16 - LON ILOPOROT LOKAPIK NATHAM NꞌREK NNONATHAM NOMAꞌROT

¹⁶ Ana icci amma anongkene lon iloporot loIeccuo, mponu itti mpakinnipot ka thoura, akka mponu itti mpangkene lon iloporot loIeccuo. Ana angkre amma mpakorronno ongkene lon iloporot loIeccuo.

1 Kurunthuc 9:16 Iomraidhean Croise

Maththa 25:16

Ana pul ipoccot akucci naꞌruk ukuluk poingkathe cokoccokot ana kworekiekathe akucci wung ana kwiathe akucci arttot nan aꞌruk ukuluk.

Lukka 9:62

AIeccuo othïanthok tit itti, “Pul ipongothe itti pamakothin ana apappopakkinthet lon lung ilipe, pannekko nan itti kwareko ingili ngoKapik, pikkoik ere pul ipara apolliakot thoceken aporakat tapak topaꞌrot cik.”

Ngre 4:20

Akka onïn thannocoꞌro nti ilon ilanïn thimmat ana occïkot nunu wïn.”

Ngre 9:15

Anaruk Ili wiꞌrekathe Anania itti, “Ngko akka pul empi paun akkakkarot itti akwotherene ul iakonnoka ul woIouth lon lin ana nili nen ana ul woIccereil.

Ngre 9:6

Anaruk inenni urokothe kapik aeo icarak coman athoccïkot lon ila ngkwonu itti ngkwakkot.”

Roma 1:14

Akka mponu itti mpangkene ul appik woKrik ana iakannoka woKrik iinaik nti ima ana ikannoka winaik.

Roma 15:17

Ittina mponu lon itti mpipot ka thoura oMiccie oIeccuo ngngin ngngre ia mpaik pakkinthet Kapik.

Roma 4:2

Amma ïcarïcat Aprein pokat pothikkiettat poporot nti ire ngung, kwonat lon cik ila kwipot ka thoura ngngin anaruk okonnoka tokït koKapik.

1 Kurunthuc 4:15

Akka manna onon thantona ul athar attul iangkenenon, onon thella oththen thoppot akka nti ilon loMiccie mpothakkat oththe pon llon loIeccuo iloporot.

1 Kurunthuc 9:12

Ana amma opilingon thonu itti onon thittarakot kin ana onïn thakorrnno oka thonu itti onïn thittarakot cannani? Anaruk onïn thakorronno ipitto lon len. Onïn thoccokothe cïkït ilon appik othakka itti alon iloporot loMiccie okorronno olikakineik.

1 Kurunthuc 9:14

Menik cakuruk Ili wiꞌret itti, okkwion ithangkene lon iloporot loIeccuo thonu itti okin thacco aꞌrupu wꞌrek ilon ilakin thaik thangkene iloporot loIeccuo.

2 Kurunthuc 2:12

Akka mpeot nokaꞌran koThthruac itti mpathongkene lon iloporot loMiccie than ana mpaththiat itti Ili wanyinin kathar,

Kulucci 4:17

Niꞌret Arkkippic itti, “Ina nan itti ngkwamartto ngre ia ngkwoccot ngkꞌran koIli oIeccuo.”