1 Kurunthuc 7:2 - LON ILOPOROT LOKAPIK NATHAM NꞌREK NNONATHAM NOMAꞌROT

² Anaruk inakka lon lothaꞌraro ngngin loppaththatheik, loporot itti pul pana pari pung ana pul ipopari ona olle pung.

1 Kurunthuc 7:2 Iomraidhean Croise

Maththa 5:32

Anaruk mpiꞌret non itti okkwi ipothïot pari appakannaꞌro mpul, kwaik pakarrannok akwaꞌro nul. Ana okkwi ipipot pul pen, kwaik paꞌro mpul ipittat cakuruk.”

1 Kurunthuc 6:18

Nopaꞌrine lon lothaꞌraro ngngin nuthuk. Lon ilokithak appik lꞌrek ila pul okkot lella lon noka kung anaruk lon lothaꞌro nul nuthuk lathikkie ka kung kokithak.

1 Kurunthuc 7:1

Ana nolon ilanon thipittothin lothïpa, mpiꞌret non itti laka loporot itti pul pakinnipo.

1 Kurunthuc 7:3

Pul ipocura ponu itti paꞌro opari ngngin ana opari menik cakuruk.

1 Kurunthuc 7:9

Anaruk amma okin thakorrnno occokot ka ken, akin itta ana ipo akka laka loporot itti okin thipo ana itta nothikkoik akin ongkꞌrikko nthiak.

Apuccuc 5:28

Ana cakuruk ul iomura wonu itti wangat ari wen ammakka wongothe ka ken. Okkwi ipongothe opari pung, kwongothe ka kung.

Apuccuc 5:33

Ittina, ngkwonu itti ngkwangat pari pang ammakka ngkwongothe ka kang ana pul ipopari ponu itti pathiane olle cik.

Atham iaine ul woThocculunukkia 1 4:4

Anon ina appik tat akka annangwot ka kon ana okkot ngre ngkathar ikupupure ika ul othianenon cik ngngin.

1 Thimiththaoc 4:3

Ul wen wamet ul itti wakannipo ana oceꞌrekin nothuꞌrit thꞌrek itha Kapik kokkothe. Anaruk Kapik kokkothe thuꞌrit enthi itti thartta ana opirane Kapik noka nan, okin ithoccokothe lon loIeccuo nomïkït ana ithina lon ilaik ïcat.