1 Kurunthuc 4:12 - LON ILOPOROT LOKAPIK NATHAM NꞌREK NNONATHAM NOMAꞌROT

¹² Onïn thareko cannan nyaun nyïn. Amma onïn thattattakot anïn iꞌre lon ilethiettot cik, amma onïn occokkiettat thiak anïn occokot cïkït ilon len,

1 Kurunthuc 4:12 Iomraidhean Croise

Maththa 5:11

Thethïetta thaka thon amma ul wocungkwot non, ana occokiet non thiak ana eret non ngkarra ana llon lulluk ilokithak nti ilon lin.

Maththa 5:44

Anaruk mpiꞌret non itti nongat ul ianthaik ithoꞌrak ana aꞌrane ul ngaꞌrama iakkiet non thiak.

Lukka 23:34

OIeccuo piꞌrekathe itti, “Ngappa, occïkïnthet kin lon ilokithak akka okin thomma ilakin thaik thakkot.” Ana ul irro willillathe iret nthokkwo moꞌrio.

Lukka 6:28

Nipittot Kapik akethïe ul iattatta non, naꞌrane ul ngꞌrama iakkinthet non lon ilokithak.

Iuanna 15:20

Nokwarttikot lon ila mpiꞌrethenon itti, ‘Pul ipareko pella prïk nopul ipa akworekine.’ Amma okin thoccokiethin thiak ana okin thaccokiet non thiak cakuruk. Ana amma okin thoccïkothe lon ila mpongkenet kin ana okin thaccïkot lon lon cakuruk.

Ngre 18:3

ana akka oPoluc pokat pina okkot müꞌrük moeret akkwarthuk ina oKkila ammakka okin thokkothe, kwikkatheik okin aththungon tuan thanen ana okin thikkatheik akin okkettet müꞌrük moret.

Ngre 20:34

Onon thina kicce itti mporekot nynyaun nyin othakka itti aniot akucci anokatha ngka kin anokathakat ul ianïn thaik.

Ngre 7:60

Ittina akwapat nocapu ee ungku ncik akwekat ngeme itti, “Ili oIeccuo, occïkïnthet kin lon ilokithak nti ilon elli ilakin thokkothe.” Anakka kwiꞌret elli akwiat.

Roma 12:14

Nipittot Kapik akethïe ul iakkiet non thiak ana okorronno attatta kin.

Roma 12:20

Okorronno oka menik, “Amma pul ipanon thonu thoꞌrak paat, ethet thuꞌrit apoꞌrko amma pica pokkwothok, aethok ngꞌri akwïkko. Akka amma akkot ittina ngkwaik pathiek cik.”

Roma 8:35

Oththa akkapettoron nti ithongat thoMiccie? Thïrro mïkït nti ikaraki, thokinyai, thoccokot thiaki, tïï, thikkoik munthuri ana manna thokkuttat ngkꞌrittang ikukwiri?

1 Kurunthuc 9:6

Oun ana oParnapa tulluk akkonu itti onïn thareko anïn ittarot ka kïnï?

2 Kurunthuc 11:8

Mpokwiethe ul ioccokothe lon loIeccuo naꞌran wꞌrek nthonekot kin akucci othakka itti anathorekinenon ngngin.

Apuccuc 4:28

Okkwi ipokat cik akwomunye akwokorronno thuꞌran, anaruk, kwonu itti kwareko nynyaun nyung akwina akka akwittarot okkwion ithella aꞌrupu cik.

Atham iaine ul woThocculunukkia 1 2:9

Pangkingon, onon thina kicce akka onïn thokinyat akka anïn ongkenenon lon loKapik ana onïn thorekot ngkoꞌra ana icïngkï itti ïnokorronno okinyienon itti nthakatha lon lïn, nthikket nïn aꞌrupu. Onïn thokat ïnongkenenon lon iloporot loIeccuo.

2 Thocculunukkia 3:8

Onïn thaththakannoꞌrko thuꞌrit napilin nuthuk okorronno ethok akucci ntit. Anaruk onïn thorekot nokkonokki ana nokkꞌrokkꞌra othakka itti ïnokorronno okinyie opilin nti ianon.

1 Thimiththaoc 4:10

Ana ilen akka oron oreko ana okinya kicce akka oron thonekkethe kït noKapik ikaik ïcat, ook pothoꞌret ul appik ana ul anganna ioccokothe lon lung.

1 Poththuruc 2:23

Akka okin thocungkorok kwakannopakket kꞌret tit ngkꞌret, akka kwoccokothe thiak kwannïꞌrïlle ul ana okketta anaruk kwonat cïkït nakkwi ipakkma okorronno okuwet.

1 Poththuruc 3:14

Anaruk amma manna onon thonu itti onon thakkiettat thiak nti ilon iloporot onon thethïettat. “Nokorronno opellenekin ana okorronno okorronno itti okin thipienon nꞌre.”

1 Poththuruc 3:9

kirrnni opakket lon ilokithak tit mpangken ipokithak, ana kꞌret ngkꞌret anaruk erenet kin lon iloporot akka Kapik kakkarot non itti onon thapakot nothikkoik ithoporot.

1 Poththuruc 4:19

Ittina okkwion ithaccokot thiak ammakka Kapik kongothe akin onekket thikkoik then noKapik ana oꞌrungkot nan okkinthok lon loporot okkwi ipaꞌrumo nolon ana ipokuꞌret capu ncik.

Ioutha 1:9

Anaruk manna oMikail ili wouꞌrupa wothothïlettat woKapik wakinniꞌret pul pothopulut lon ilokithak caꞌri icakin thaꞌrettothe nokumi koMucca pul pothernte lon loKapik akka kwiot. Anaruk kwiꞌrethe pul pothopulut itti aKapik akkmang.