1 Kurunthuc 16:16 - LON ILOPOROT LOKAPIK NATHAM NꞌREK NNONATHAM NOMAꞌROT

¹⁶ Mpiꞌret non itti nthaccïkot ul iammakka enni ana opilingon ithokattakothe ire akin oreko.

1 Kurunthuc 16:16 Iomraidhean Croise

Roma 16:12

Nomicco oThthirippina ana oThthirippocca, ul iari enni worekot cannan ilon loIli. Nomicco opuruko pin cannan oPirccic, ook pul ipopari pꞌrek iporekot cannan ilon loIli.

Roma 16:3

Nomicco oPricikkila ana oKkila, onïn thaik thareko ïnaththut ire ngoMiccie oIeccuo.

Roma 16:6

Nomicco oMeriom iporekinet non cannan.

Roma 16:9

Nomicco Aropanoc okkwi ipanïn thokat ïnoreko ilon loMiccie ana opuruko pin cannan oIciththakic.

1 Kurunthuc 12:28

Ana iul ioccokothe lon loIeccuo, Kapik konekkethe ul wothothïlettat woIeccuo cik cittokït ana ul wothernte lon loKapik ana ul iangkene ana ul iakkot lon ilommaththik ana okkwion ithonu puꞌran pothittiet ul nomio ana okkwion ithonu puꞌran pothittararot ana okkwion ithonu puꞌran pothokathacce lon lore ana okkwion ithere ngkarru koul wꞌrek.

1 Kurunthuc 3:9

Akka onïn ul iarekine Kapik ana onon kopon koKapik ana kman koKapik.

Apuccuc 5:21

Noccïkarot nthothiak thoMiccie.

Pilippi 4:3

Puruko pin iparekinin ncïkït coporot, mpipittothung itti, ngkwittarot ul iari enni wanïn thorekot ithun, oKklementhoc ana opilingon thꞌrek ïnopettot lon iloporot loIeccuo cik. ꞌRan wen wokurrakot iatham woKapik wothikkoik thupuththuput.

Atham iaine ul woThocculunukkia 1 1:3

Onïn tharthuk thaik thakwarttikot non tokït koKapik oNgappa ponnon, nothoccokot lon loKapik nomïkït mon ana oreko ngngin ana tat akka thopoꞌrathan ithongarot thokorronnot non annoreko cannan ana thoccokot cïkït ilon nthoꞌrïkot cik thoIli oIeccuo oMiccie.

Atham iaine ul woThocculunukkia 1 2:9

Pangkingon, onon thina kicce akka onïn thokinyat akka anïn ongkenenon lon loKapik ana onïn thorekot ngkoꞌra ana icïngkï itti ïnokorronno okinyienon itti nthakatha lon lïn, nthikket nïn aꞌrupu. Onïn thokat ïnongkenenon lon iloporot loIeccuo.

Atham iaine ul woThocculunukkia 1 5:12

Pangkingon, inenni onïn thipittot non itti onon thaccïkot lon loul iaik wareko ithoꞌrkït thon ana ittarot non ana ongkenenon lon loIli oIeccuo.

1 Thimiththaoc 5:17

Ul ittïttïk woul ionu lon ikkun loul ioccokothe lon loIeccuo wonu itti wathiakineik cannan ana anganna okin ithere lon loKapik ana ongkene.

Ipranin 13:17

Noccïkot lon loul iama mon annokkat ilakin erenenon itti onon thakkot. Akka okin akkaik thangwot non karkko ul iathipittakot lon lon. Noccïkot kin othakka itti akin opira noka nore ngen ana angre okorronno okane kin ngïmïn akka lakannokanenon loporot.

Ipranin 13:24

Nomicco ul woma won appik ana ul woKapik. Okkwion ithaat noththok poIththalia thothïothe thon itti okin thaik thamicco non.

Ipranin 6:10

Kapik kakannokwïet lon ana kakannure nore ngon ana thongat ithanon thokenerok nthittarot ul wung ana nthittarot ithanon thoꞌrungkothe nan ittarot kin.

1 Poththuruc 5:5

Uꞌrit, ammakka menik noccïkot ul iocokkat won. Nikkoik thoporot ithun nthongarot, akka, “Kapik kꞌrat ul ipot ka thoura, anaruk kipo thiak thokkwion ithakinnipot kathoura.”

3 Iuanna 1:8

Ittina oron ithoccokothe lon loMiccie thonu itti oron thittarot ul wen iaik wangkene lon loMiccie othakka itti aron oka uraththut iire iaik ngarekakine lon ilaik ïcat.

Thitto 2:3

Onon thoccokothe thiak kicce nti ilon lin anon okorronno apo ka ntit.