1 Kurunthuc 15:54 - LON ILOPOROT LOKAPIK NATHAM NꞌREK NNONATHAM NOMAꞌROT

⁵⁴ Ana amma ka ikakïttako koꞌrumakothe ngka ikakorrnno okittako ana ikokithak koꞌrumakothe ngka ikakkoik thupuththuput, ittina lon elli ilokurrakot laka ïcat iliꞌret itti “thio thellaik pꞌrin.”

1 Kurunthuc 15:54 Iomraidhean Croise

Lukka 20:36

Akka okin thikkoik ere uꞌrupa wothothïlettat woKapik ana okin thannille ana okin nyukul nyoKapik akka okin thuroko nti ithio.

Roma 1:23

Ana okin thokucittathe thrïk thoKapik cik akin aꞌrane urrut iokat cik wungkot ul ionyi ana uꞌrupe ana aꞌrupu worikira ana aꞌrupu iauro ngaꞌrama.

Roma 2:7

Ana ul iokat cik akkot lon iloporot wokat cik akwancot thrïk ana thothiakine cik ana thikkoik thothupuththupu ana Kapik kethet kin thikkoik thothupuththuput.

Roma 6:12

Ittina nokorronno okorronno lon ilokithak aliꞌriko ika kon othakka itti annokkot lon ila longothe.

Roma 8:11

Ana amma Kanang kokkwi ipurokiet oIeccuo nti ithio kaik ianon, okkwi ipurokiet oMiccie nti ithio pethet ka kon thikkoik ngKanang kokkwi ipaik ianon.

2 Kurunthuc 4:11

Akka oron ithaik ngkït thapat thillet nti ilon loIeccuo othakka athikkoik thung ittako ncik ika konnon kopul iponyi.

2 Kurunthuc 5:4

Akka nomaꞌri imaron thaik icüꞌrük enci, oron thaik thakwancot kathar ikanekot ton tothiꞌrot, akka oron thakarrnnangkot thikkoik cene nocapu anaruk oron thongothe itti oron thana thikkoik thorithiꞌrot, akka oron thongothe itti oron thakucitto ka engki ngka ikakinnio kirrkkir.

2 Thocculunukkia 1:10

nocaꞌri ica kwao akwathomerekettat iul wung appik ioccokothe lon lung nomïkït. Onon thaka naththungon akka onon thoccokothe lon lïn nomïkït ilanïn therenet non.

Thitto 20:14

Ittina thio ana thothïrïn thorrettakathe irok tothik. Tok tothik then tokat, thio itheꞌra.

Thitto 21:4

Kukukkot kin ngeme ntoca. Thio thellaik ana themeru ana thoo ana thokꞌrellako thoka, akka aꞌrupu iïpe wellaik pꞌrin.”