1 Kurunthuc 12:11 - LON ILOPOROT LOKAPIK NATHAM NꞌREK NNONATHAM NOMAꞌROT

¹¹ Ngre engi appik ngoKanang ken ikulukku ana Kapik kikket ton lon len kurekkurek ammakka kongothe.

1 Kurunthuc 12:11 Iomraidhean Croise

Maththa 11:26

Ïcat, ngappa, elli akka ngkwongothe itti laka.

Maththa 20:15

Lon lokithak itti mpakkot lon ila mpongothe nakucci wini? Ngkwipot noꞌre akka mpoporot noul wꞌreki?’”

Iuanna 3:27

OIuanna pothïatherit itti, “Pul pacco aꞌrupu amma Kapik kethok tulluk.

Iuanna 3:8

Kanang kakkurot na kongothe itti kakkurot, onon thaccïkot poꞌre pen, anaruk onon nthamma na kaik kanthan ngngin ana na kaik kaeo. Ittina ngkwamma itti pul pakwonta noKanang koKapik tat.”

Iuanna 5:21

Ana ammakka oththan purokie ul illet nti ithio ana ethet kin thikkoik, ana cakuruk ukul wethet okkwion thikkoik itha kwongothe itti kwethet.

Roma 12:6

Oron thonu lon kurekkurek ammakka Kapik kikketheron nuthuk nthoporot thung. Amma Kapik kethung thuꞌre itti ngkwerene ul lon loKapik aere nthoccokot lon nocïkït ammakka Kapik kethung.

Roma 9:18

Ittina Kapik kipo thiak thokkwi ipa kongothe itti kipo thiak then ana kwanthomie opilingon ma itha kwongothe itti kwanthomie ma.

1 Kurunthuc 12:18

Anaruk Kapik kothettothe ka cik mpangken ammakka kongothe itti kaka.

1 Kurunthuc 12:4

Thethet noKanang ikupupure thaik kurekkurek anaruk Kanang ikupupure kulukku ikana thethet enthi appik.

1 Kurunthuc 12:6

Athar waik woppot iakkattat ngngre, anaruk Kapik iken kulukku akkaik karekie athar wen iul appik.

1 Kurunthuc 7:17

Nikkoik ngkathar ika Ili wethet non itti onon thikkoik ngngin ana ika Kapik kakkarothenon. Lon lothonceꞌret lon cik elli lanonekkenthet ul ioccokothe lon loIeccuo cik naꞌran appik.

1 Kurunthuc 7:7

Mpongothe itti ul iomura waakat ammakka oun. Anaruk Kapik kikkethe ul lon nuthuk kurekkurek, opilin ponu elli ana opilin ponu ellꞌre.

2 Kurunthuc 10:13

Anaruk onïn thakannipot ka thoura naꞌrupu ianïn thakorronno okkot mpuꞌran pïn. Anaruk onïn thipot ka thoura ngngre iaKapik kothiothenïn itti onïn thakkot, ammakka ngre iaron thorekot aththut.

Apuccuc 1:11

Oron thummuntat appik ngkꞌran kung, ammakka kwonat lon ica loMiccie itti kwakkot lon appik ammakka kwongothe.

Apuccuc 4:7

Anaruk oron thoccot thoporot kurekkurek ammakka oMiccie pillillinet ton tit.

Ipranin 2:4

Kapik cakuruk kokenet lon len itti laik ïcat llon prek ana nthokkot lon ilaprttakiettot tit ana nthokkot lon ilommaththik ana kwikkekathe ul aꞌrupu wothethet nuthuk woKanang ikupure ammakka kongothe.

Iakup 1:18

Kwongkothe itti oron thakwonta thie llon ilaik ïcat, othakka itti aron oka thonothon naꞌrupu appik ia kwokkothe.