1 Kurunthuc 11:30 - LON ILOPOROT LOKAPIK NATHAM NꞌREK NNONATHAM NOMAꞌROT

³⁰ Ilen akka opilingon thoppot nti ianon thommangka ana thongo, ana okin thoppot thillet.

1 Kurunthuc 11:30 Iomraidhean Croise

Ngre 13:36

Akka oThauth pokkothe lon ila Kapik kongothe itti kwakkot iul wung, kwiathe akwocïkkakat okin oththangon, ka kung kokuttakathe ippu.

Ngre 7:60

Ittina akwapat nocapu ee ungku ncik akwekat ngeme itti, “Ili oIeccuo, occïkïnthet kin lon ilokithak nti ilon elli ilakin thokkothe.” Anakka kwiꞌret elli akwiat.

1 Kurunthuc 11:29

Akka okkwi ipaꞌrkoik ana ïkkoik akkwomma ka koIli, kwaik paꞌrkoik ana ïkko thakkma thoka kung.

1 Kurunthuc 11:31

Anaruk amma oron thakkmat ka konnon, oron thakorrnno akkmako.

1 Kurunthuc 11:32

Amma oron thakkmakot nIli, laka itti akwocimittoron okorronno akkmako ncapu ncik appik.

1 Kurunthuc 15:51

Noccïkot aniꞌret non ilamuꞌruttakot ncik. Oron thakorrnno ille appik anaruk oron appik thaprttakoik akkaik

Atham iaine ul woThocculunukkia 1 4:14

Akka oron thoccokothe lon loKapik nomïkït monnon itti oIeccuo piot ana kurokot nti ithio ana oron thonu cakuruk itti oron thaccokot lon loKapik nomïkït akka Kapik kakkaprtto oIeccuo ana ul illet ngkꞌran kung.

Thitto 3:19

Mpaꞌretto nakkwion itha mpongothe ana ocimitto kin akin omakot lon iloporot. Ittina occothe kït noꞌron apaꞌranthet lon ilokithak cik.