Atham iaine ul woThocculunukkia 1 4:2 - LON ILOPOROT LOKAPIK NATHAM NꞌREK NNONATHAM NOMAꞌROT

² Onon thina lon ilanïn thethet non mpuꞌran poIli oIeccuo.

Atham iaine ul woThocculunukkia 1 4:2 Iomraidhean Croise

Maththa 28:20

ana annongkenekin itti okin thaccïkot lon appik ila mpiꞌrethenon. Nina nan itti mpakaik nanon appinappin puccuk aluput ocothakat.”

1 Kurunthuc 9:21

Mpothakkanet ul iella lon lothonceꞌret lon cik ere pul ipella lon lothonceꞌret lon cik (antoka manna itti mponu itti mpaccot kït nolon lothonceꞌret lon cik loKapik anaruk cannan lon lothonceꞌret lon cik loMiccie) othakka itti anonane oMiccie akkwion ithella lon lothonceꞌret lon cik.

Atham iaine ul woThocculunukkia 1 4:1

Ittina pꞌrin, pangkingon, onïn thongkenet non tat akka annikkoik thikkoik ithapirie Kapik noka, ammakka onon thaik inenni, onïn thaik thipittitto non ana aꞌretto non ngkꞌran koIli oIeccuo itti annokkot elli arttot nan.

Atham iaine ul woThocculunukkia 1 4:3

Kapik kongothe itti onon thaka thupupure thella lon ilokithak cik ana naꞌro nari won tulluk ana ari neꞌre won tulluk.

2 Thocculunukkia 3:10

Ana caꞌri icanïn thokat nanon onïn thonekkenthet non lon cik elli itti, “Amma pul pakannoreko pakannoꞌrkoik.”

2 Thocculunukkia 3:6

Pangkingon, ïnthiꞌret non lon lonthoththomat ngkꞌran koIli oIeccuo oMiccie itti onon thapaꞌroik nti iccik kopangkingon ithonu ngore ana ithakannomakot lon ammakka thongkene ithanïn thongkenet non.