Yõhánã 7:43 - Ị́jọ́ Úꞌdí rĩ

⁴³ Ị́jọ́ ꞌbá ꞌdĩ ꞌbã kí ũrãlé Yẹ́sụ̃ drị̃ gá ꞌdĩ fẽ awa kí ru ndú-ndú.

Yõhánã 7:43 Iomraidhean Croise

Mãtáyõ 10:35

Má amụ́, “‘ngọ́tị́ ágọ́bị́ kí awalé átẹ́pị̃ be, ĩzóŋá kí awalé ãndrẽ be, ũkú kí ĩdrâ be.

Lụ́kã 12:51

Ĩmi ũrã ĩmi ásị́ gá ị́jọ́ mâ amụ́jó rĩ ĩꞌdi ásị́ ị̃gbẹ̃ ajíjó ꞌbá ụ̃nọ́kụ́ gá ꞌdĩ ꞌbanî yã? Yụ! Má ají ꞌbá ꞌbaní ásị́ ị̃gbẹ̃ ku wó rá la awaŋá.

Yõhánã 10:19

ꞌBá Yãhụ́dị̃ rú ꞌdĩ kí mụ ị́jọ́ Yẹ́sụ̃ ꞌbã jọlé ꞌdĩ arelé ꞌbo, awa kí ru ndú-ndú.

Yõhánã 7:12

Ãgátã ãfũ ũꞌbí kí drĩdríŋĩ gá, ãzí rĩ jọ kí, “Yẹ́sụ̃ ĩꞌdi ꞌbá múké la.” Ãzí rĩ jọ kí, “Yụ, ĩꞌdi ꞌbá ꞌbá kí ulélépi la.”

Yõhánã 9:16

ꞌBá Fãrĩsáyĩ rú rĩ ãzí jọ kí, “Ágọ́bị́ Yẹ́sụ̃ ꞌdĩ angá Ãdróŋá drị̂lé ku. Drĩ tá adru agá ꞌdĩ ꞌbã áni, icó tá ãzị́táŋá Sãbátũ drị̂ kí nũlé ku.” Wó ãzí rĩ jọ kí, “ꞌBá ị́jọ́ ũnzí idélépi rĩ icó ícétáŋá ꞌdĩ ꞌbã áni rĩ kí idélé íngoní-íngoní ru?” Ị́jọ́ ꞌdĩ fẽ awa kí ru ndú-ndú.

ꞌEtáŋá 14:4

ꞌBá táwụ̃nị̃ agá ꞌdãá rĩ awa kí dó ru awa-awâ, ãzí rĩ kí ándrá ꞌbá Yãhụ́dị̃ rú rĩ ꞌbanî, ãzí rĩ kí ándrá ụ̃pịgọŋa ꞌdã ꞌbanî.