Yõhánã 12:13 - Ị́jọ́ Úꞌdí rĩ

¹³ Agá kí káci ꞌbã bị́ kí rụlé drị́ gá cící, fũ kí táwụ̃nị̃ agá ꞌdãá rĩ sĩ mụlé Yẹ́sụ̃ aꞌị́lé. Ri kí uzálé ụ́ꞌdụ́kọ́ ụrụgá sĩ, “Hõsánã! Ị́cụ́ ꞌbá amụ́lépi Úpí ꞌbã rụ́ sĩ rĩ ịcụ́-ịcụ̂! Ị́cụ́ Úpí Ịsịrayị́lị̃ drị̂ ịcụ́-ịcụ̂!”

Yõhánã 12:13 Iomraidhean Croise

Mãtáyõ 23:39

Ájọ ĩminí, iꞌdójó ãndrũ kpere drị̃ gá, ĩmi icó áma ndrelé ị̃dị́ ku kpere ĩmĩ jọ agá la: ‘Ị́cụ́ ꞌbá amụ́lépi Úpí ꞌbã rụ́ sĩ rĩ ịcụ́-ịcụ̂!’ ”

Mãtáyõ 27:42

jọ kí vâ, “Pa ándrá ꞌbá ãzí kí rá, wó pa ru ku la ãꞌdu ị́jọ́ sĩ! Ĩꞌdi Úpí Ịsịrayị́lị̃ drị́ gá rĩ, lẽ ꞌba asị́ mũsãláꞌbã sị́ gâlé vụ̃rụ́ ꞌdõlé ãma dó sĩ ĩꞌdi ãꞌị̃ rá.

Yõhánã 1:49

Nãtãnị́yẹ́lị̃ jọ dó tọndọlọ, “Rábị̃, mi Ãdróŋá Ngọ́pị ꞌi! Úpí Ịsịrayị́lị̃ drị́ gá ándrá tẽlé rĩ ꞌi.”

Yõhánã 12:14

Yẹ́sụ̃ la mụ acálé ãni rú Yẹ̃rụ́sãlẹ́mụ̃ gá ꞌbo, ịsụ́ kãyĩnõ mváŋá, tụ drị̃ la gâ sĩ mụjó táwụ̃nị̃ Yẹ̃rụ́sãlẹ́mụ̃ drị̂ agâlé. Ị́jọ́ ĩꞌdi ꞌbã idélé ꞌdĩ fẽ kí ị́jọ́ nábị̃ ꞌbã sĩlé rĩ ꞌbã acá kí dó sĩ ãndá-ãndá ru,

Yõhánã 12:15

“Ĩmi ꞌbá táwụ̃nị̃ Zị̃yọ́nị̃ gá ꞌdĩ, ĩmi idé ụ̃rị̃ sĩ ku! Ĩndre drĩ! Úpí ĩmidrị̂ la amụ́ ꞌdĩ! Ĩꞌdi amụ́ kãyĩnõmvá sĩ!”

Yõhánã 19:15

ꞌBá Yãhụ́dị̃ rú ꞌdĩ uzá kí ụ́ꞌdụ́kọ́ ụrụgá sĩ, “Íꞌdị ĩꞌdi rá! Íꞌdị ĩꞌdi rá! Mí ipa ĩꞌdi mũsãláꞌbã sị́ gá!” Pĩlátõ zị kí, “Ĩlẽ má ipa úpí ĩmidrị̂ mũsãláꞌbã sị́ gá yã?” Ãtalo ãmbogo ídétáŋá idélépi rĩ jọ kí, “Úpí ãmadrị̂ ꞌbãngá lú úpí ãmbógó Kãyị̃sárị̃ ꞌi.”

Ícétáŋá 15:3

Kí úngó Mụ́sã ãtíꞌbó Ãdróŋá drị́ rĩ drị̂ ngo agá Kãbĩlõmvá drị̂ be: “Úpí Ãdróŋá Ũkpó ꞌDị́pị, ị́jọ́ mî idélé rĩ kí ãmbógótẽté ru ãzíla ụ̃sụ̃táŋá ru, mi Úpí sụ́rụ́ pírí ꞌbadrị̂, gẹ̃rị̃ mídrị̂ kí ũniyambamba rú ãzíla pịrị-pịrị.

Ícétáŋá 19:16

Úsĩ rụ́ la bõngó ĩꞌdidrị̂ ụrụꞌbá ãzíla ị̃lị́ la gá. Úpí ũpi ꞌbã rĩ ãzíla Ãmbógó ãmbogo ꞌbã rĩ.

Ícétáŋá 7:9

Ị́jọ́ ꞌdã ꞌbã ũngúkú gá, ándre áma drị̃lẹ́ gá ꞌdâ ꞌbá ũꞌbí wẽwẽ rú, ꞌbá ãzí ꞌbã icólé lãlé ku, angájó sụ́rụ́ tị ndú-ndú gá, ínátị ndú-ndú gá, ꞌbá, ãzíla ꞌbá tị ndú-ndú jọlépi, ꞌdĩ ꞌbaní pá tu agá bõngó imve trũ úmvúke ãmbõgõ ãni Ãdróŋá drị̂ andre gá, ãzíla Kãbĩlõmvá drị̃lẹ́ gá káci bị́ trũ drị́ gá.