Yãkóꞌbõ 5:1 - Ị́jọ́ Úꞌdí rĩ

¹ Ĩmi are ĩmi ꞌbá málĩ trũ ꞌdĩ, ĩmi awá ãzíla ĩꞌbe ụ̃lụ́lụ́, ũcõgõ drụ́zị́ amụ́lépi ĩmi drị̃ gá rĩ sĩ.

Yãkóꞌbõ 5:1 Iomraidhean Croise

Ị́jọ́ Uꞌbéŋá 11:28

ꞌBá ásị́ ꞌbãlépi málĩ drị̃ gá rĩ la aꞌdé rá, wó ꞌbá ãlá rĩ kí zo cécé ịbịbị́ dụlépi kpãcĩ áyi sĩ rĩ áni.

Ị́jọ́ Uꞌbéŋá 11:4

Málĩ ko ꞌbá ãzã ụ́ꞌdụ́ ũmbã drị̂ sĩ ku, wó ị́jọ́ ãlá rĩ la ꞌbá pa drã sị́ gá rá.

Ãzị́táŋá Amviŋá 32:15

“ꞌBá Úpí drị̂ zo kí, acájó kí dó kụ́rẹ́nị́, wó drị̃ ũnzĩ rú; use kí ãzíla aga kí dó ãkónã sĩ. Aꞌbe kí Ãdróŋá kí ꞌbãlépi rĩ rá ãzíla gã kí Írã ũkpó trũ kí palépi rĩ úmgbé.

Yãkóꞌbõ 1:11

Ị̃tụ̂ drĩ ãfũ ãcí ru ꞌbo, ĩꞌdi fẽ ife fũ kí nụ rá, kí zõ vụ̃rụ́, ũnĩ ĩꞌbadrị́ gá rĩ la ãvĩ rá. Wó ꞌbá málĩ trũ rĩ kí mụ ị̃lị̃kị̃lé ácị́ŋá ĩꞌbadrị́ málĩ ndrụ̃jó rĩ agá cécé ꞌdĩ ꞌbã áni.

Yãkóꞌbõ 2:6

Wó ĩmi aꞌdụ́ ꞌbá lẽmẽrí ꞌdĩ kí idemará ru. Adru ꞌbá kụ́rẹ́nị́ ru rĩ kí ĩmi ĩkpã ãmbõgõ sĩ ãko ĩmidrị́ rĩ kí najó ũkpó sĩ, ãzíla kí vâ ĩmi ují kẹ́sị̃ drị̃lẹ́ gá nĩ ku yã?

Yãkóꞌbõ 4:13

Ĩmi are, ĩmi ꞌbá jọlépi la, “Ãndrũ jõku drụ̃sị̃ ãma mụ táwụ̃nị̃ ꞌdã gá, jõku ãzị́ ꞌdã gá uꞌájó cajó ílí ãlu tũjárĩ idéjó sĩ séndẽ ịsụ́jó,” ꞌdĩ.

Yãkóꞌbõ 4:9

Mị́ndrẹ ꞌbã ra ĩmi mịfị́ gá ị́jọ́ ũnzí ĩmi idélé rĩ kí sĩ, ĩmi ásị́ ꞌbã adru ãnzị rú ũcõgõ sĩ, ãgụ́ŋá ĩmidrị̂ ꞌbã uja ru áwáŋá ru, ãyĩkõ ĩmidrị̂ ꞌbã uja ru mị́ndrẹ ũsũŋá ru.