Rụ́mị̃ 10:19 - Ị́jọ́ Úꞌdí rĩ

¹⁹ Ázị vâ ị̃dị́, “Ịsịrayị́lị̃ nị̃ kí ị́jọ́ ku yã?” Mụ́sã umvi jọ, “Ma mụ ꞌbá mâ sụ́rụ́ ru ꞌdĩ kí fẽlé uꞌálé ãjã sĩ ꞌbá mâ sụ́rụ́ ru ku ꞌdĩ kí ị́jọ́ sĩ. Ma fẽ la ũmbã ꞌbã ga ĩmi agá sụ́rụ́ ị́jọ́ nị̃lépi ku ꞌdĩ kí sĩ.”

Rụ́mị̃ 10:19 Iomraidhean Croise

Rụ́mị̃ 10:18

Wó ádrĩ ꞌbá kí zị, are kí ị́jọ́ ku yã? Mgbã rĩ gá are kí rá. “Ị́jọ́ Ãdróŋá drị́ gá rĩ iré ru ãngũ drị̃ gá pírí ꞌbo, ụ́ꞌdụ́kọ́ ĩꞌbadrị́ gá rĩ ca kpere ụ̃nọ́kụ́ drị̃ gá ꞌdâ pírí rá.”

Rụ́mị̃ 11:11

Ma zị la ị̃dị́: sị̃ kí ru pá sĩ aꞌdéjó angájó ị̃dị́ ku yã? Ãluŋá la ꞌdáyụ! Ãꞌdusĩku ị́jọ́ ũnzí ĩꞌbã kí idélé rĩ sĩ, patáŋá úfẽ dó ꞌbá Yãhụ́dị̃ rú ku rĩ ꞌbanî, ị́jọ́ ꞌdĩ sĩ, ꞌbá Ịsịrayị́lị̃ drị̂ acá kí dó ãjã rú ị́jọ́ la sĩ.

Rụ́mị̃ 11:14

ị́jọ́ mání ásị́ ꞌbãjó drị̃ la gá ãmbógó ru rĩ sĩ ꞌbá mádrị̂ kí ásị́ ingajó ꞌbã idé kí rú sĩ ãjã sĩ kí ãzí ꞌbaní ru pajó ĩndĩ.

1 Kọ̃rị̃nị́tọ̃ 1:12

Ị́jọ́ mání jọlé rĩ ĩꞌdi íni: ꞌbá ãzí kí jọ la, “Ãma Páwụ̃lọ̃ ãni,” ãzí rĩ kí jọ la, “Ãma Ãpọ́lọ̃ ãni,” ãzí rĩ kí jọ la, “Ãma Kéfã ãni,” ãzíla ãzí rĩ kí jọ la, “Ãma Kúrísĩtõ ãni.”

1 Kọ̃rị̃nị́tọ̃ 10:19

Ífí la ãko ídétáŋá ru ãdróŋá ĩnzõ rú idélé drị́ sĩ ꞌdĩ ní rĩ kí ãko ãzí ífí trũ la yã, jõku ãdróŋá ĩnzõ rú ꞌdĩ ãko ãzí ífí trũ la yã?

1 Kọ̃rị̃nị́tọ̃ 11:22

Ĩmi lị́cọ́ kóru sĩ íná najó ãzíla ãko mvụjó yã? Jõku ĩmi kãnị́sã Ãdróŋá drị́ gá rĩ ide ãzíla ꞌbá lẽmẽrí rĩ ꞌbaní drị̃nzá fẽ yã? Ĩlẽ má ịcụ́ ĩmi ị́jọ́ ĩminí idélé ꞌdĩ ꞌbã áni rĩ sĩ yã? Má icó ĩmi ịcụ́lé ị́jọ́ ĩminí idélé ꞌdĩ sĩ ku.

1 Kọ̃rị̃nị́tọ̃ 12:2

Ĩnị̃ cé sáwã ĩminí adrujó ꞌbá Ãdróŋá nị̃lépi ku ꞌdã sĩ rĩ sĩ, úce ándrá ĩmi drị̃ ũnzí ĩmi imbájó sĩ ãdroŋa ídri kóru ꞌdĩ kí ị̃nzị̃jó.

1 Kọ̃rị̃nị́tọ̃ 15:50

Má ádrị́pịka ãzíla má ámvọ́pịka ãꞌị̃táŋá agá ꞌdĩ, ma lũ la ĩminí tọndọlọ íni: ụrụꞌbá ãrí trũ ꞌdĩ icó filé Sụ́rụ́ Ãdróŋá drị́ ꞌbụ̃ gá rĩ agâlé jõku ãko drãlépi ŋmalépi ŋmã-ŋmã rĩ icó ãko ŋmalépi ku rĩ gá filé ku.

1 Kọ̃rị̃nị́tọ̃ 7:29

Má ádrị́pịka ãzíla má ámvọ́pịka ãꞌị̃táŋá agá ꞌdĩ ị́jọ́ mání jọlé rĩ ꞌbã ífí íni, sáwã acá dó ãlị́ŋá ru. Iꞌdójó úꞌdîꞌda mụjó drị̃lẹ́ gâlé ru ꞌbá ũkú trũ ꞌdĩ ꞌbã uꞌá kí cécé kí ꞌbã rĩ ũkú kóru rĩ áni,

Ãzị́táŋá Amviŋá 32:21

Fẽ kí mání uꞌálé ãjã sĩ ãdroŋa ꞌdá yụ la kí sĩ, ãzíla fẽ kí ũmbã na ma ãdroŋa ĩꞌbã ãni ĩnzõ rú ãzị́ kọ́lị ꞌdĩ kí sĩ. Ma sụ́rụ́ pịrị kóru la kí ayú sĩ ĩꞌbaní ũmbã fẽjó, ma fẽ la ũmbã ꞌbã ga kí ásị́ gá sụ́rụ́ ị́jọ́ nị̃lépi ku ꞌdĩ kî sĩ.

Tị́tọ̃ 3:3

Ãma ándrá aza sĩ ị́jọ́ ũnzí kí idé agá drị̃ ũnzí sĩ, ãma acá dó ãtíꞌbó ru ũlẽ ị́jọ́ ũnzĩ idéjó rĩ áni. Ãri sáwã izalé ídri ãmadrị̂ agá ꞌbá kí ngụ̃jó ãzíla ꞌbá kí ndrejó mịfị́ ũnzí sĩ. Ị́jọ́ ꞌdĩ sĩ, ꞌbá ãzí rĩ ngụ̃ kí ãma ũnzí ãngũ vâ kí ũnzí.

1 Pétẽrõ 2:10

Úlã ándrá jõ ĩmi ꞌbá mgbã rú ku, wó úꞌdîꞌda ĩmi dó ꞌbá mgbã Ãdróŋá drị̂ kî, ĩmi ịsụ́ ándrá jõ ásị́ ị̃gbẹ̃ Ãdróŋá drị̂ ku, wó úꞌdîꞌda ĩmi ịsụ́ dó ásị́ ị̃gbẹ̃ ĩꞌdidrị̂ ꞌbo.