Mãtáyõ 15:4 - Ị́jọ́ Úꞌdí rĩ

⁴ Ãꞌdusĩku Ãdróŋá jọ, ‘Mí ị̃nzị̃ mí átẹ́pị kí mí ãndrẽ be,’ ãzíla ‘ꞌBá átẹ́pị̃ jõku ãndrẽ wãlépi rĩ lẽ úꞌdị ĩꞌdi rá.’

Mãtáyõ 15:4 Iomraidhean Croise

Ãfũŋá 20:12

“Íru mí átẹ́pị kí mí ãndrẽ be, ị́jọ́ ꞌdĩ sĩ mi dó sĩ uꞌá ílí ãzo rú ãngũ Úpí Ãdróŋá mídrị̂ ꞌbã mụlé fẽlé míní rĩ gá.

Ãfũŋá 21:17

“ꞌBá átẹ́pị̃ kí uꞌdálépi ãndrẽ be rĩ, lẽ úꞌdị ĩꞌdi rá.

Ị́jọ́ Uꞌbéŋá 20:20

ꞌBá ãzí drĩ átẹ́pị̃ kí wã ãndrẽ be, ídri ĩꞌdidrị̂ la ãsị̃ ụ̃trụ́ ru cécé tárã ꞌbã anụ́jó ị́nị́ sĩ rĩ áni.

Ị́jọ́ Uꞌbéŋá 23:22

Mí are mí átẹ́pị ími tịlépi rĩ tị ãzíla mí ide mí ãndrẽ ku drĩ táni adru ĩdránígó ru.

Ị́jọ́ Uꞌbéŋá 30:17

“ꞌBá ápãrákã idélépi átẹ́pị sĩ jõku ãndrẽ idelépi rĩ, kúrúke kí mịfị́ la kí unze tilé rá ãzíla Núgúnúke kí ĩꞌdi ĩzá ti rá.

Mãtáyõ 15:3

Yẹ́sụ̃ umvi ĩꞌbaní, “Ĩmi ãzị́táŋá Ãdróŋá drị̂ kí anu lãꞌbĩ ĩmidrị̂ ꞌbã ímbátáŋá arejó ãꞌdu ị́jọ́ sĩ yã?

Mãtáyõ 15:5

Wó ĩmi jọ la ꞌbá ãzí drĩ jọ la átẹ́pị̃ ní jõku ãndrẽ ní ãko ĩmĩ tá icólé ịsụ́lé mádrị́ rĩ áfẽ ĩꞌdi Ãdróŋá ní ãwãꞌdĩfô rú,

Mãtáyõ 19:19

mí ị̃nzị̃ mí átẹ́pị kí mí ãndrẽ be,’ ãzíla ‘ílẽ mî jĩránĩ cécé míní ími lẽlé rĩ áni.’ ”

Mãtáyõ 4:10

Yẹ́sụ̃ jọ ĩꞌdiní, “Sĩtánĩ, mí ĩdã mi má rụ́ ꞌdâ rá! Ãꞌdusĩku ị́jọ́ sĩlé rĩ jọ, ‘Mí ị̃nzị̃ Úpí Ãdróŋá mídrị̂ ꞌi ãzíla ínga ãzị́ ĩꞌdiní áꞌdụ̂sĩ.’”

Rụ́mị̃ 3:31

Ãma dó ãzị́táŋá anu ãꞌị̃táŋá sĩ rá yã? ꞌDĩ ꞌbã áni ku. Be la rá la ãma ãzị́táŋá inga ụrụgá sĩ ĩꞌdiní ũkpó fẽjó.

Ẽfésõ 6:1

Anzị, ị́jọ́ pịrị rĩ gápi ꞌdĩ, ĩmi are ꞌbá ĩmi tịlépi rĩ kí tị ãꞌdusĩku ĩmi Úpí ãni.

Ãzị́táŋá Amviŋá 27:16

‘ꞌBá átẹ́pị̃ kí tị arelépi ãndrẽ be ku rĩ Ãdróŋá la ĩꞌdi wã rá.’ ꞌBá pírí ꞌbã jọ kí ‘Ámĩnã!’

Ãzị́táŋá Amviŋá 5:16

“Íru mî átẹ́pị kí mî ãndrẽ be, cécé Úpí Ãdróŋá mídrị̂ ꞌbã azịlé míní rĩ áni, ị́jọ́ ꞌdĩ sĩ mi adru drị̃lẹ́ba rú, mi dó sĩ uꞌá ílí ãzo rú ãngũ Úpí Ãdróŋá mídrị̂ ꞌbã mụlé fẽlé míní rĩ gá.