Lụ́kã 12:20 - Ị́jọ́ Úꞌdí rĩ

²⁰ Wó Ãdróŋá jọ ĩꞌdiní, ‘Mi aza-azâ! Ị́nị́ ãndrũ ꞌdĩ sĩ ma ími ídri ꞌdụ rá. Ãꞌdi la dó ãko mî tãmbalé míní ꞌdĩ kí ꞌdụ nĩ?’”

Lụ́kã 12:20 Iomraidhean Croise

Ị́jọ́ Uꞌbéŋá 10:2

Málĩ ịsụ́lé gẹ̃rị̃ ũnzí sĩ rĩ ꞌbã ụ̃rọ̃drị́ ꞌdá yụ, wó ị́jọ́ mgbã rĩ la ꞌbá pa drã agá nĩ.

Ị́jọ́ Uꞌbéŋá 11:4

Málĩ ko ꞌbá ãzã ụ́ꞌdụ́ ũmbã drị̂ sĩ ku, wó ị́jọ́ ãlá rĩ la ꞌbá pa drã sị́ gá rá.

Ị́jọ́ Uꞌbéŋá 13:7

ꞌBá ãzí kí ru ꞌbã kí málĩ trũ wó íni ꞌdĩ kí lẽmẽrí kpọ̃wọ́-kpọ̃wọ́, Ãzí rĩ kí ru ꞌbã ĩyi lẽmẽrí, wó íni ꞌdĩ kí kụ́rẹ́nị́.

Ị́jọ́ Uꞌbéŋá 27:1

Mí ịpị́ mi ụ́ꞌdụ́ drụ̃sị̃ rĩ sĩ ku, ãꞌdusĩku míní nị̃jọ́ la ãꞌdu la mụ ru idélé ụ́ꞌdụ́ drụ̃sị̃ rĩ gá nĩ yã ku rĩ sĩ.

Ị́jọ́ Uꞌbéŋá 28:8

ꞌBá málĩ ịsụ́lépi ãko ĩꞌdi ꞌbã lịlẹ́ ꞌbá kí drị̃ gá ambamba rĩ sĩ rĩ la málĩ trá ꞌbá ꞌbá lẽmẽrí rĩ kí ízákĩzã ndrelépi ĩndĩ rĩ nî.

Lụ́kã 11:40

Ĩmi ꞌbá azalépi azâ ꞌdĩ! Ãdróŋá idé ãko ꞌbã ꞌa kí ũngúkú la ãmvé rĩ abe nĩ ku yã?

1 Tẹ̃sãlọ̃nị́kị̃ 5:3

Ụ́ꞌdụ́ ꞌbá ꞌbã kí ị́jọ́ ũrãjó ãzíla jọjó la, “Ụ̃nọ́kụ́ dó úꞌdîꞌda ị̃gbẹ́ ru ãko ãzí ũnzí la dó yụ,” rĩ bãsĩ ụ́ꞌdụ́ ĩꞌbã kí ũcõgõ ãmbógó la ịsụ́jó kí ídri agá rĩ ꞌi. Ũcõgõ ꞌdã la iꞌdó rụ̃gbụ́ cécé ũkú ꞌa trũ rĩ ngọ́tị́ ãzá ꞌbã ĩꞌdi aꞌdụ́jó rĩ áni, wó ꞌbá icó kí apálé ũcõgõ ãmbógó ꞌdã sĩ ku.

1 Tị̃mị̃tị́yọ̃ 6:17

Íjọ ꞌbá ụ̃nọ́kụ́ drị̃ gá ꞌdâ kụ́rẹ́nị́ ru ꞌdĩ ꞌbaní, ꞌba uꞌá kí ãfó sĩ ku, ãzíla ꞌbã ꞌbã kí ásị́ málĩ ĩꞌba ãni drụ́zị́ ukólépi rá rĩ kí drị̃ gá ku. Wó ꞌbã ꞌbã kí ru ásị́ Ãdróŋá ídri rú, ãko pírí ãmaní lẽlé rĩ kí fẽlépi ãmaní sĩ ãyĩkõ idéjó rĩ ꞌbã ị́jọ́ arejó.

1 Tị̃mị̃tị́yọ̃ 6:7

Ãmaní ándrá amụ́jó ụ̃nọ́kụ́ drị̃ gá rĩ sĩ, ãma amụ́ kí ándrá ãko ãzí kóru, ãma kí jõ vâ drụ́zị́ gõ Ãdróŋá rụ̂lé, ãma gõ drị́ drị́ ru.

Yãkóꞌbõ 4:14

Ĩmi icó nị̃lé la drụ̃sị̃ ãꞌdu la mụ ru idélé ídri ĩmidrị̂ gá nĩ yã rĩ gá ku. Ídri ĩmi agá ꞌdĩ ãꞌdi ãni yã? Ĩmi cécé ũfú ꞌdelépi iꞌdalépi sáwã wereŋá sĩ ãzíla ãvĩlépi rá rĩ áni.