Lụ́kã 1:49 - Ị́jọ́ Úꞌdí rĩ

⁴⁹ ãꞌdusĩku ị́jọ́ Ãdróŋá Ũkpó ꞌDị́pị ꞌbã idélé mání ãmbógó ru ꞌdĩ kî sĩ. Rụ́ la ãlá ru ꞌi.

Lụ́kã 1:49 Iomraidhean Croise

Íꞌdóŋá 17:1

Ịbụrámụ̃ la dó mụ calé ílí trũ kãlị́ úrômĩ drị̃ úrômĩ ꞌbo, Úpí iꞌda ru ĩꞌdiní ãzíla jọ, “Ma Ãdróŋá Ũkpó ꞌDị́pị ꞌi; mí are jõ áma tị ụ́ꞌdụ́ pírí sĩ, mí idé ị́jọ́ múké rĩ kí áma drị̃lẹ́ gá áyụ.

Ãfũŋá 15:11

Úpí, ãꞌdi ꞌi ãdroŋa kí agá mî áni la nĩ yã? Ãꞌdi ꞌi mî áni rĩ gá nĩ? Dị̃zã rú ãzíla ãlá ru, Ãzị́ míní ngalé rĩ ụ̃sụ̃táŋá ru

Mãrákõ 5:13

Ãꞌị̃ ĩꞌbaní rá, úríndí ũnzí ãfũ kí ágọ́bị̂ agâlé, mụ kí filé ĩzõgó kí agâlé. Ĩzõgó ũꞌbí ꞌdã kí kãlãfe ãni rú álĩfũ ị̃rị̃ ꞌdĩpí, kpẹ̃ kí rị̃ cẹ̃lé ꞌbé ꞌbã ãngũ cị́kị́cị́kị́ ꞌdã gâ sĩ uꞌdelé ịmvụ́lé mĩrĩ agâlé.

Lụ́kã 1:48

ãꞌdusĩku ũrã ị́jọ́ ãtíꞌbó ĩꞌdidrị́ ĩzóŋá ru rĩ drị̃ gá rá! Iꞌdójó úꞌdîꞌda drị̃lẹ́ gâlé ru sụ́rụ́ pírí kí áma umve drị̃lẹ́ba ꞌi,

Lụ́kã 1:50

Iꞌdójó áyị́pị ãlu gá trũ mụjó ãzí rĩ gá fẽ ásị́ ị̃gbẹ̃ ꞌbá ĩꞌdi rulépi rĩ nî.

Ẽfésõ 3:20

Dị̃zã ꞌbã adru Ãdróŋá ní ũkpó ĩꞌdi ãni ãzị́ ngalépi ãma agâ sĩ ãko ĩꞌdi ꞌbã icólé idélé rĩ kí idéjó ndẽ ãmaní zịlé ĩꞌdidrị̂lé jõku ãmaní ũrãlé rĩ kí rá. Ãzíla dị̃zã ꞌbã adru ĩꞌdiní kãnị́sã agá ãzíla Kúrísĩtõ Yẹ́sụ̃ agá sáwã pírí sĩ, ãsị̃ŋâ kóru! Ámĩnã.

Ícétáŋá 15:4

Úpí, ꞌbá pírí kí ími ị̃nzị̃ ãzíla kí idé mî sĩ ụ̃rị̃ sĩ, ãꞌdusĩku mi ũkpó ꞌdị́pị, dị̃zã rú, ãzíla mi ãlá ru ndú áꞌdụ̂sĩ, sụ́rụ́ pírí kí amụ́ ị̃nzị̃táŋá idélé ími drị̃lẹ́ gá, ãꞌdusĩku ị́jọ́ kpị míní idélé rĩ ꞌbá pírí ndre kí rá.”

Ícétáŋá 4:8

Ãko sụ ídri ꞌdã kí pírí ãlu-ãlu ụ́pụ́pị́ trũ ázíyá, ázíyá ãzíla kí ụrụꞌbá gá mịfị́ wókõ pírí agá kpere ụ́pụ́pị́ kí agâ sĩ. Ị́nị́ kí ị̃tụ́ be ĩyãŋã kí úngó ꞌdĩ ngo agá ku, ngojó la: “Ãlá ru, Ãlá ru, Ãlá ru, Úpí Ãdróŋá Ũkpó ꞌDị́pị, ándrá cí, úꞌdîꞌda cí, drụ́zị́ amụ́lépi rĩ.”