Ị́jọ́ Uꞌbéŋá 24:12 - Ị́jọ́ Úꞌdí rĩ

¹² Ídrĩ jọ la, “Wó ãnị̃ ị́jọ́ ꞌdĩ kí drị̃ gá ị́jọ́ ãzí ku.” Ãdróŋá ị́jọ́ ꞌbá ásị́ gá rĩ ndrelépi cé, ãzíla ími ídri tãmbalépi nĩ rĩ nị̃ ị́jọ́ drị̃ la gá ku yã? Icó ꞌbá ãlu-ãlu ũfẽlé ị́jọ́ ĩꞌdi ꞌbã ngalé rĩ kí sĩ ku yã?

Aringa

¹² Ídrĩ jọ la, “Wó ãnị̃ ị́jọ́ ꞌdĩ kí drị̃ gá ị́jọ́ ãzí ku.” Ãdróŋá ị́jọ́ ꞌbá ásị́ gá rĩ ndrelépi cé, ãzíla ími ídri tãmbalépi nĩ rĩ nị̃ ị́jọ́ drị̃ la gá ku yã? Icó ꞌbá ãlu-ãlu ũfẽlé ị́jọ́ ĩꞌdi ꞌbã ngalé rĩ kí sĩ ku yã?

Ị́jọ́ Uꞌbéŋá 24:12 Iomraidhean Croise

Ị́jọ́ Uꞌbéŋá 12:14

Ị́jọ́ ãfũlépi ími tị gá múké rĩ la míní ụ̃rọ̃drị́ ají, ãzíla ãzị́ ngalé ũkpó sĩ rĩ la ụ̃rọ̃drị́ ají rá.

Ị́jọ́ Uꞌbéŋá 16:2

ꞌBá la icó ũrãlé la ị́jọ́ ĩꞌdidrị̂ kí pírí múké, wó Úpí la ꞌbá ꞌbã ásị́sị́ŋá ụ̃ꞌbị̃ nĩ.

Ị́jọ́ Uꞌbéŋá 21:2

Gẹ̃rị̃ pírí ꞌbá ꞌbá ru rĩ drị̂ kí indré ĩꞌdi mịfị́ gá múké, wó Úpí la ị́jọ́ ꞌbá ásị́ gá rĩ amá nĩ.

Ị́jọ́ Uꞌbéŋá 5:21

Ãꞌdusĩku Úpí la ị́jọ́ ꞌbá ꞌbã ngalé rĩ kí undré, ãzíla mịfị́ ĩꞌdidrị̂ la ãngũ ĩꞌdi ꞌbã sĩ mụjó rĩ kí undré pírí.

Ị́jọ́ Uꞌbéŋá 5:22

Ị́jọ́ ũnzí ꞌbá ũnzí rĩ ꞌbã idélé rĩ la adru ĩꞌdiní ímbá ru; ĩbáká ị́jọ́ ũnzí ĩꞌdidrị̂ drị̂ la ĩꞌdi vúŋá rụ.

Mãtáyõ 16:27

Ãꞌdusĩku Ngọ́tị́ ꞌBádrị̂ la mụ amụ́lé dị̃zã Átẹ́pị̃ drị̂ trũ, mãlãyíkã ĩꞌdidrị̂ abe, ãzíla ĩꞌdi mụ ꞌbá ãlu-ãlu ũfẽlé ị́jọ́ ĩꞌdi ꞌbã idélé rĩ kí vú sĩ.

ꞌEtáŋá 17:28

Ĩꞌdi ãmaní ũkpó fẽ sĩ uꞌájó, acị́jó ãzíla ãmaní sĩ adrujó ꞌdĩ ꞌbã áni, ĩminí ngolé úngó ĩmidrị́ rĩ kî sĩ rĩ áni, ‘Ãma vâ ĩꞌdĩ ꞌbá ũri.’

Rụ́mị̃ 2:16

Ị́jọ́ mgbã Ãdróŋá drị́ sĩlé bụ́kụ̃ agá rĩ ꞌbã jọlé rĩ áni, ị́jọ́ ꞌdĩ la amụ́ ru idélé ụ́ꞌdụ́ Ãdróŋá ꞌbã amụ́jó ị́jọ́ lịjó ũrãtáŋá ꞌbá pírí ꞌbã rĩ kí drị̃ gá Kúrísĩtõ Yẹ́sụ̃ rụ̂ sĩ rĩ sĩ.

Rụ́mị̃ 2:6

Ãdróŋá “la mụ drụ́zị́ ꞌbá kí ũfẽlé ãko ĩꞌbã kí idélé rĩ vú sĩ.”

1 Kọ̃rị̃nị́tọ̃ 4:5

Ị́jọ́ ꞌdĩ sĩ, lẽ ĩlị ị́jọ́ ãzí ꞌbá ãzí drị̃ gá ꞌdĩ sĩ sáwã la múké rĩ acá drĩ ku rú ku. Ị́jọ́ lịŋá ãsị̃jó rĩ ꞌbã tẽ kpere Úpí ꞌbã amụ́ŋá ĩꞌdi ị́jọ́ zị̃lé zị̃-zị̃ ị́nị́ agá rĩ kí ají ꞌbãlé pírí ꞌdị̃zã agá, ãzíla ị́jọ́ zị̃lé zị̃-zị̃ ꞌbá ásị́ gá rĩ kí iꞌda. Ụ́ꞌdụ́ ꞌdã sĩ ꞌbá ãlu-ãlu la ị̃nzị̃táŋá ĩꞌdidrị́ gá rĩ ịsụ́ Ãdróŋá drị́.

2 Kọ̃rị̃nị́tọ̃ 5:10

Ãꞌdusĩku ãma pírí kí mụ drụ́zị́ pá tulé úmvúke Kúrísĩtõ drị́ ị́jọ́ lịjó rĩ drị̃lẹ́ gá rá, ãma ãlu-ãlu kí mụ ị́jọ́ ándrá ãma lẽlé ãzíla idélé ụrụꞌbá ꞌdĩ agá rĩ kí ịsụ́lé, kí ị́jọ́ múké yã jõku ũnzí yã rĩ gá.

Ícétáŋá 1:18

Ádrã ándrá rá, wó ma úꞌdîꞌda rĩ gá ídri rú jã ꞌdâ! Ãzíla árụ fụ̃ngụ́wã drã drị̂ kí ãngũ ꞌbá drãlépi rá rĩ drị̂ be áma drị́ alé gá.

Ícétáŋá 2:18

“Ísĩ wárágã mãlãyíkã kãnị́sã Ãdróŋá drị́ Tãyị̃tị́rã gá rĩ ní íni: Ị́jọ́ ꞌdĩ angá kí Ãdróŋá Ngọ́pị drị́, mịfị́ la ãngũ ndrejó rĩ la dị̃ cécé ãcí kolépi bẹ̃kụ̃-bẹ̃kụ̃ rĩ áni, pá la ꞌbã lẽrẽlẽrẽ dị̃jó rĩ cécé aya akálépi ãcí sĩ rĩ ꞌbã ãcí ꞌbã dị̃lé rĩ áni.

Ícétáŋá 2:23

Ma ꞌbá ĩꞌdi vú bĩlépi rĩ kí ụꞌdị́ rá, ꞌbá kãnị́sã Ãdróŋá drị̂ agá rĩ kí sĩ nị̃ la ánị̃ ũrãtáŋá ꞌbá ásị́ gá rĩ kí pírí cé, ị́jọ́ ĩꞌbaní lẽlé rĩ abe. Ma ꞌbá ãlu-ãlu ũfẽ ị́jọ́ ĩꞌdiní idélé rĩ vú sĩ.

Ícétáŋá 22:12

Yẹ́sụ̃ jọ, “Índre ma amụ́ gbõrú! Ma ũyá mádrị̂ ají ĩndĩ, ma ꞌbá ãlu-ãlu ũfẽ gbíyã ĩꞌdi ꞌbã ị́jọ́ idéjó rĩ vú sĩ.