Ị́jọ́ Uꞌbéŋá 19:1 - Ị́jọ́ Úꞌdí rĩ

¹ ꞌBá lẽmẽrí ị́jọ́ pịrị rĩ ngalépi rĩ ndẽ; ꞌbá azalépi aza-azâ ị́jọ́ pịrị rĩ jọlépi ku rĩ rá.

Aringa

¹ ꞌBá lẽmẽrí ị́jọ́ pịrị rĩ ngalépi rĩ ndẽ; ꞌbá azalépi aza-azâ ị́jọ́ pịrị rĩ jọlépi ku rĩ rá.

Ị́jọ́ Uꞌbéŋá 19:1 Iomraidhean Croise

Ị́jọ́ Uꞌbéŋá 12:26

ꞌBá ãlá rĩ la ĩꞌdi ꞌbã wọ̃rị̂ tã mba rá, wó gẹ̃rị̃ ꞌbá ũnzí rĩ drị̂ la kí agụ wọ̃rị̂ be bụ́lụ́ gá.

Ị́jọ́ Uꞌbéŋá 14:2

ꞌBá ị́jọ́ pịrị rĩ ngalépi rĩ la Úpí ụ̃rị̃ rá, wó ꞌbá ũnzĩkãnã ngalépi rĩ la Úpí Ãdróŋâ ꞌbã ápãrákã rú.

Ị́jọ́ Uꞌbéŋá 15:16

Adrujó ãko trũ wereŋá ru Úpí ụ̃rị̃jó rĩ, ndẽ adrujó málĩ trũ ũcõgõ agá rĩ rá.

Ị́jọ́ Uꞌbéŋá 16:8

Ãko were ịsụ́lé gẹ̃rị̃ pịrị rĩ sĩ rĩ ĩꞌdi múké, ndẽ málĩ ịsụ́lé ŋãnã gẹ̃rị̃ ũnzí sĩ rĩ rá.

Ị́jọ́ Uꞌbéŋá 19:22

Ãko ꞌbá ꞌbã lẽlé rĩ ĩꞌdi lẽtáŋá ukólépi ku rĩ ꞌi; adrujó lẽmẽrí rĩ ĩꞌdi múké ndẽ adrujó ĩnzóꞌbá rĩ rá

Ị́jọ́ Uꞌbéŋá 20:7

ꞌBá ãlá acị́lépi ị́jọ́ pịrị rĩ agá rĩ; ꞌbã anzị kí adru drị̃lẹ́ba rú ĩꞌdi vúlé gá ꞌdâ!

Ị́jọ́ Uꞌbéŋá 28:6

ꞌBá lẽmẽrí ị́jọ́ pịrị rĩ ngalépi rĩ ĩꞌdi múké ãndânĩ ndẽ kụ́rẹ́nị́ ị́jọ́ pịrị rĩ ngalépi ku rĩ rá.

Ị́jọ́ Uꞌbéŋá 4:24

Mí aꞌbe ĩnzõ jọŋá cã; íjọ ị́jọ́ mũlũmbẽ sĩ ku.

Mãtáyõ 16:26

ꞌBá la ũyá íngõ ịsụ́ ĩꞌdinî drĩ ụ̃nọ́kụ́ ꞌdụ pírí ãko ĩꞌdi ãni la rú, drị̃ la gâ sĩ ãvĩ ĩꞌdi ꞌbã ídri rá? Jõku ꞌbá la ãꞌdu idé sĩ ídri ĩꞌdidrị̂ ufujó vúlé?