Íꞌdóŋá 2:24 - Ị́jọ́ Úꞌdí rĩ

²⁴ Ị́jọ́ ꞌdĩ bã sĩ ꞌbá ꞌbã sĩ átẹ́pị̃ kí aꞌbejó ãndrẽ be, sĩ ru icíjó ũkú ĩꞌdidrị̂ be ãzíla kí dó sĩ acá ụrụꞌbá ãlu rú ꞌdĩ.

Aringa

²⁴ Ị́jọ́ ꞌdĩ bã sĩ ꞌbá ꞌbã sĩ átẹ́pị̃ kí aꞌbejó ãndrẽ be, sĩ ru icíjó ũkú ĩꞌdidrị̂ be ãzíla kí dó sĩ acá ụrụꞌbá ãlu rú ꞌdĩ.

Íꞌdóŋá 2:24 Iomraidhean Croise

Íꞌdóŋá 4:19

Lãmékĩ ĩgbã ũkú kí ị̃rị̃. Kãyú rĩ ꞌbã rụ́ Ádã ꞌi ãzí rĩ ꞌbã rụ́ Zílã ꞌi.

Ị́jọ́ Uꞌbéŋá 12:4

Ũkú ádrízã múké rĩ la ágô ní ãrútáŋá ají, wó ũkú drị̃nzá fẽlépi ágô ní rĩ ĩꞌdi cécé ãyánĩ ágô ꞌbã ĩfã ꞌbã sĩ asụ́jó rĩ áni.

Ị́jọ́ Uꞌbéŋá 2:17

ágó ĩꞌdidrị́ ĩzõnzĩ sĩ rĩ aꞌbelépi rá ãzíla tị icíma ándrá ĩꞌdi ꞌbã icílé Ãdróŋá drị̃lẹ́ gá rĩ gãlépi úmgbé rĩ drị́ agá.

Ị́jọ́ Uꞌbéŋá 31:10

Ãꞌdi icó ũkú ádrízã múké rĩ ịsụ́lé rá la nĩ yã? Ãjẹ̃ ĩꞌdidrị̂ ndẽ írã ãjẹ̃ rú gụlépi pãrã-pãrã rĩ rá.

ꞌEtáŋá 11:23

Ĩꞌdi mụ acálé ꞌbo, ndre ị́jọ́ Ãdróŋá ꞌbã idélé lẽtáŋá ĩꞌdidrị́ uyaŋâ kóru rĩ sĩ ꞌdĩ kí, ãyĩkõ fụ dó ĩꞌdi rá, ãzíla imbá ꞌbá Yẹ́sụ̃ ãꞌị̃lépi rá ꞌdĩ kí ásị́ jọjó la lẽ ꞌbã uꞌá kí ị́jọ́ mgbã rĩ sĩ Yẹ́sụ̃ ụrụꞌbá gá.

Rụ́mị̃ 7:2

Ũkú ágó rụlépi ꞌbo rĩ ícétáŋá sĩ ãzị́táŋá umbé ĩꞌdi cí ágô be ĩꞌdi ꞌbã adru agá ídri ꞌdĩ, ágô drĩ dó drã rá útrũ dó ĩꞌdi ãzị́táŋá ágô drị̂ agá rá.

Ãzị́táŋá Amviŋá 10:20

Mí ị̃nzị̃ Úpí Ãdróŋá mídrị̂ ꞌi, mí are tị la ãzíla ínga ãzị́ ĩꞌdinî. Írụ ị́jọ́ ĩꞌdidrị̂ kí mgbemgbe ãzíla ína ũyõ ĩꞌdi rụ́ sĩ áꞌdụ̂sĩ.

Ãzị́táŋá Amviŋá 4:4

Wó ĩmi ꞌbá ãꞌị̃táŋá trũ Úpí Ãdróŋá ĩmidrị̂ tị arelépi rá ꞌdĩ, ĩmi drĩ kpere ãndrũ ídri.

1 Tị̃mị̃tị́yọ̃ 5:14

Ị́jọ́ mâ jọlé ãwụ́zị́ ãráŋá ꞌdĩ ꞌbaní rĩ, lẽ ꞌbã rụ kí ágó, ꞌbã tị kí anzị, ꞌbã mba kí sĩ lị́cọ́ ĩꞌbadrị̂ kí tã, lẽ ꞌbã fẽ kí mẹ́rọ́ꞌbá (Sĩtánĩ) ní kẹ̃jị́ sĩ ị́jọ́ jọjó kí ụrụꞌbá gá ku.