Íꞌdóŋá 16:4 - Ị́jọ́ Úꞌdí rĩ

⁴ Ịbụrámụ̃ uꞌá kí Hãgárĩ be rá, Hãgárĩ ịsụ́ ꞌa, ĩꞌdi mụ nị̃lé la ꞌi ngúlú ru ꞌbo, iꞌdó dó Sãráyĩ idelé idê.

Aringa

⁴ Ịbụrámụ̃ uꞌá kí Hãgárĩ be rá, Hãgárĩ ịsụ́ ꞌa, ĩꞌdi mụ nị̃lé la ꞌi ngúlú ru ꞌbo, iꞌdó dó Sãráyĩ idelé idê.

Íꞌdóŋá 16:4 Iomraidhean Croise

Íꞌdóŋá 16:3

Ị́jọ́ ꞌdĩ sĩ Sãráyĩ fẽ dó ĩꞌdi ꞌbã ĩzóŋá ãtíꞌbó ru Hãgárĩ Mị̃sị́rị̃ ízó ru rĩ Ịbụrámụ̃ ní ũkú ru, ịsụ́ ꞌdĩ sĩ uꞌá kí dó Kãnánĩ gá ꞌdãá ílí mụdrị́ ꞌbo.

Íꞌdóŋá 16:5

Sãráyĩ jọ dó Ịbụrámụ̃ ní, “Ífẽ ị́jọ́ mání sĩ drị̃ cịjó ꞌdĩ mi ꞌi. Áfẽ ãtíꞌbó mádrị̂ míní ãzíla nị̃ dó ꞌi ꞌa trũ rĩ gá cé, ĩꞌdi dó áma ide-ĩdẽ. Lẽ Úpí ꞌbã awa ị́jọ́ ãma drĩdríŋĩ gá mí be rĩ nĩ.”

Íꞌdóŋá 19:31

Ụ́ꞌdụ́ ãlu Lọ́tị̃ ꞌbã ĩzóŋá kãjãní rĩ jọ ámvọ́pị̃ vúlé rĩ nî, “Ãma átẹ́pị la úgólé adrulé ĩdránígó ru, wó ãgọbị ãzí ãni rú ãma ĩgbãlépi la kí ꞌdáyụ sĩ ãmaní ngọ́tị́ŋá ịsụ́jó cécé lãꞌbĩ ꞌbã lẽlé ụ̃nọ́kụ́ drị̃ gá ꞌdâ rĩ áni.

Íꞌdóŋá 21:9

Ụ́ꞌdụ́ ãlu Sárã ndre Ịsụmayị́lị̃ Hãgárĩ Mị̃sị́rị̃ rú rĩ ꞌbã tịlé Ịbụrahị́mụ̃ nî rĩ la avá agá ngọ́pị̃ Ĩsákã sĩ,

Íꞌdóŋá 30:4

Ị́jọ́ ꞌdĩ sĩ Rãkẹ́lị̃ fẽ dó ĩzóŋá ĩꞌdidrị́ ãtíꞌbó ru Bílĩhã ꞌi Yãkóꞌbõ ní ũkú ru. Yãkóꞌbõ ící kí dó ru ĩꞌdi be

Ị́jọ́ Uꞌbéŋá 30:23

ũkú lẽlé ku rĩ ꞌbã ágó rụjó rá rĩ ꞌi, ãzíla ĩzóŋá ãtíꞌbó ru rĩ ꞌbã ãmbógó ĩꞌdidrị́ ũkú ru rĩ ꞌbã ágó pajó rĩ ꞌi.

1 Kọ̃rị̃nị́tọ̃ 4:6

Má ádrị́pịka ãzíla má ámvọ́pịka ãꞌị̃táŋá agá ꞌdĩ, má aꞌdụ́ ị́jọ́ ꞌdĩ ꞌbãlé ãma drị̃ gá Ãpọ́lọ̃ be íni la ĩminí ícétáŋá ru, ĩmi dó sĩ ị́jọ́ jọlé, “Ĩmi alị ị́jọ́ sĩlé ꞌbo rĩ drị̃ gâ sĩ ku,” ꞌdĩ ꞌbã ífí vã ãma rụ̂ sĩ. Ị́jọ́ ꞌdĩ sĩ, ĩmi icó dó sĩ ĩmi ịpị́lé ãfó sĩ ꞌbá ãlu rĩ sĩ wó ãzí rĩ idejó idê la ku.