Ícétáŋá 7:10 - Ị́jọ́ Úꞌdí rĩ

¹⁰ Ngo kí úngó ụ́ꞌdụ́kọ́ ụrụgá sĩ; “Patáŋá la angá Ãdróŋá ãmadrị́, rilépi úmvúke drị̃ gá rĩ drị́, ãzíla Kãbĩlõmvá drị́.”

Ícétáŋá 7:10 Iomraidhean Croise

Lụ́kã 3:6

ꞌBá pírí kí sĩ patáŋá angálépi Ãdróŋá drị́ rĩ ndre!’”

Yõhánã 1:29

Ụ́ꞌdụ́ ãzí rĩ sĩ, Yõhánã ndre Yẹ́sụ̃ amụ́ agá ĩꞌdi rụ́ ꞌdõlé, jọ, “Ĩndre Kãbĩlõmvá Ãdróŋá drị́ gá ị́jọ́ ũnzí ꞌbá ụ̃nọ́kụ́ drị̃ gá ꞌdĩ ꞌbadrị̂ idélépi rĩ.

Yõhánã 1:36

Ĩꞌdi mụ Yẹ́sụ̃ ndrelé alị agá, lũ ãngũ ĩꞌdi rụ̂lé jọ, “Ĩndre Kãbĩlõmvá Ãdróŋá drị́ ị́jọ́ ũnzí ꞌbá ụ̃nọ́kụ́ drị̃ gá ꞌdĩ ꞌbadrị̂ idélépi rĩ gápi ꞌdã.”

Yõhánã 4:22

Ĩmi ꞌbá Sãmãríyã gá ꞌdĩ, ĩnị̃ ị́jọ́ mgbã sĩ ĩmi ãꞌdi ị̃nzị̃ yã rĩ gá ku, wó ãma ꞌbá Yãhụ́dị̃ rú ꞌdĩ ãnị̃ ãma ãꞌdi ị̃nzị̃ yã rĩ gá rá, ãꞌdusĩku patáŋá amụ́ Yãhụ́dị̃ ꞌbã rụ̂ sĩ.

Ẽfésõ 2:8

Ãꞌdusĩku pa ãma ásị́ ị̃gbẹ̃ ĩꞌdidrị́ gá rĩ sĩ, ꞌdĩ ãꞌị̃táŋá sĩ adru ị́jọ́ angálépi ĩmidrị́ la ku, ĩꞌdi ãko Ãdróŋá ꞌbã fẽlé nĩ rĩ ꞌi;

Ícétáŋá 12:10

Má are ụ́ꞌdụ́kọ́ ị́jọ́ ajọ́lépi re la ꞌbụ̃ gâlé jọ, “Patáŋá Sụ́rụ́ Ãdróŋá drị̂ acá ꞌbo! Ãdróŋá iꞌda ũkpõ ĩꞌdi ꞌbã adrujó Úpí ru rĩ ꞌbo, ãzíla ũkpõ ngọ́pị̃ Kúrísĩtõ drị̂ ꞌbo! Ãꞌdusĩku ꞌbá ꞌbá ãꞌị̃táŋá agá rĩ kí tõlépi ị̃tụ́ kí ị́nị́ be Ãdróŋá drị̃lẹ́ gá rĩ ádró ĩꞌdi ꞌbụ̃ gâlé rá. Áꞌbé ĩꞌdi ꞌbụ̃ gâlé rĩ sĩ ụ̃nọ́kụ́ gá.

Ícétáŋá 19:1

ꞌDĩ ꞌbã ũngúkú gá, má are ụ́ꞌdụ́kọ́ ũꞌbí lãlé ku rĩ ꞌbã ãni ꞌbụ̃ gâlé úngó ngo agá, “Ãlẹ̃lụ́yã! Patáŋá ãzíla dị̃zã, ũkpõ kî trũ kí Ãdróŋá ãmadrị́ ãni,

Ícétáŋá 21:5

Úpí Ãdróŋá rilépi úmvúke drị̃ gá rĩ jọ, “Ísĩ ị́jọ́ ꞌdĩ kí vụ̃rụ́, ma ãko pírí kí ꞌbã úꞌdí ru, ãꞌdusĩku ị́jọ́ ma jọlé ꞌdĩ kí mgbã la kí vâ sĩ ásị́ ꞌbãjó drị̃ la gá rá la.”

Ícétáŋá 22:3

Ãko ãzí Ãdróŋá ꞌbã wãlé rá la ícó ịsụ́lé la táwụ̃nị̃ ꞌdã agá ꞌdãá ku. Úmvúke ũpĩ drị́ Ãdróŋá ꞌbadrị́ Kãbĩlõmvá be rĩ la adru táwụ̃nị̃ ꞌdã agá jã ꞌdâ ãzíla ꞌbá ãtíꞌbó ru rĩ kí dó sĩ ĩꞌdi ị̃nzị̃.

Ícétáŋá 4:6

Úmvúke drị̃lẹ́ gá ꞌdãá ãko ãzí iꞌdá cécé ị̃yị́ mĩrĩ drị̂ áni tọndọlọ rú cécé mãráyã áni. Ãko ãzí ídri rú sụ ụrụꞌbá pírí mịfị́ ru drị̃lẹ́ gá ãzíla vúlé gá rĩ ce kí úmvúkê ágágá trộkị́lịrị.

Ícétáŋá 5:7

Mụ bụ́kụ̃ ꞌdã aꞌdụ́lé ꞌbá rilépi úmvúke drị̃ gá rĩ ꞌbã drị́ ãndá gá rĩ gá.