Ícétáŋá 4:8 - Ị́jọ́ Úꞌdí rĩ

⁸ Ãko sụ ídri ꞌdã kí pírí ãlu-ãlu ụ́pụ́pị́ trũ ázíyá, ázíyá ãzíla kí ụrụꞌbá gá mịfị́ wókõ pírí agá kpere ụ́pụ́pị́ kí agâ sĩ. Ị́nị́ kí ị̃tụ́ be ĩyãŋã kí úngó ꞌdĩ ngo agá ku, ngojó la: “Ãlá ru, Ãlá ru, Ãlá ru, Úpí Ãdróŋá Ũkpó ꞌDị́pị, ándrá cí, úꞌdîꞌda cí, drụ́zị́ amụ́lépi rĩ.”

Ícétáŋá 4:8 Iomraidhean Croise

Íꞌdóŋá 17:1

Ịbụrámụ̃ la dó mụ calé ílí trũ kãlị́ úrômĩ drị̃ úrômĩ ꞌbo, Úpí iꞌda ru ĩꞌdiní ãzíla jọ, “Ma Ãdróŋá Ũkpó ꞌDị́pị ꞌi; mí are jõ áma tị ụ́ꞌdụ́ pírí sĩ, mí idé ị́jọ́ múké rĩ kí áma drị̃lẹ́ gá áyụ.

Ãfũŋá 15:11

Úpí, ãꞌdi ꞌi ãdroŋa kí agá mî áni la nĩ yã? Ãꞌdi ꞌi mî áni rĩ gá nĩ? Dị̃zã rú ãzíla ãlá ru, Ãzị́ míní ngalé rĩ ụ̃sụ̃táŋá ru

Ãfũŋá 3:14

Ãdróŋá jọ Mụ́sã ní, “MA MÂ NGÁ MA ꞌI. ꞌDĩ bãsĩ ị́jọ́ míní mụlé jọlé ꞌbá Ịsịrayị́lị̃ drị̂ ꞌ ꞌbaní rĩ ꞌi: ‘MA MA ꞌI ãpẽ áma tị ĩmi rụ́ ꞌdõlé nĩ.’ ”

ꞌEtáŋá 20:31

ꞌBo ị̃nzị̃ dó mịfị́! Ĩmi ũrã drĩ ị́jọ́ mâ ĩmi imbájó ãzíla tãmbajó ị́nị́ kí ị̃tụ́ be ílí na mị́ndrẹ trũ mịfị́ gá rĩ ꞌi.

2 Kọ̃rị̃nị́tọ̃ 6:18

“Ma dó adru ĩmĩ Átẹ́pị rú ãzíla ĩmi dó adru mâ ngọ́pịka ãzíla mâ ị̃zẹ́pịka, Úpí Ũkpó ꞌDị́pị jọ nĩ.”

1 Tẹ̃sãlọ̃nị́kị̃ 2:9

Ãmã ádrị́pịka ãzíla ãmã ámvọ́pịka, ĩmi icó igálé la rá ãmaní adrujó ĩmi abe Tẹ̃sãlọ̃nị́kị̃ gá rĩ sĩ, ãnga ãzị́ ãmadrị́ sĩ ũkpó ru. Ị́jọ́ mgbã sĩ, ãnga ándrá ãzị́ ị̃tụ́ kí ị́nị́ be sĩ séndẽ ịsụ́jó sĩ ãko ãmaní ayúlé rĩ kí ĩgbãjó, ãfẽ sĩ ĩminí ị́jọ́ ũrãlé ãma drị̃ gá ụ́ꞌdụ́ ándrá ãmaní ị́jọ́ Ãdróŋá drị́ mgbã rĩ ũlũjó ĩminí ꞌdã sĩ ku.

1 Tị̃mị̃tị́yọ̃ 4:16

Ímba ími ídri tã, ímbátáŋá mî ịsụ́lé rĩ kí sĩ, mí adru kí agá jã ꞌdâ. Míní ị́jọ́ ꞌdĩ kí nga agá ꞌdâ, mi ími ãmgbã rĩ pa ꞌbá ími tị arelépi ꞌdĩ kí abe.

2 Tị̃mị̃tị́yọ̃ 4:2

Mí ũlũ ị́jọ́ Ãdróŋá drị̂, mí itú mi bábá, ꞌbá drĩ kí táni lẽ la arelé la rá, jõku drĩ kí táni lẽ la arelé ku, mí ũlũ ĩꞌbaní ị́jọ́ mgbã rĩ, íza kí drị̃ gá, mí itú kí, ãzíla mí imbá kí ásị́ jãjã rú ásị́ ị̃gbẹ̃ sĩ.

Ẽbũrãníyã 13:8

Ãꞌdusĩku Yẹ́sụ̃ Kúrísĩtõ uja ru ku iꞌdójó ájệ, ãndrũ kpere jã ꞌdâ.

Ícétáŋá 1:4

Wárágã ꞌdĩ angájó Yõhánã drị́ kãnị́sã Ãdróŋá drị́ ázị̂rị̃ ãngũ Ásĩyã gá ꞌdĩ ꞌbanî. Lẽtáŋá uyaŋâ kóru angálépi Ãdróŋá ándrâ, ãndrũ ãzíla amụ́lépi ĩndõ rĩ drị́, Yẹ́sụ̃ Kúrísĩtõ, ị́jọ́ vú nzelépi ãꞌị̃táŋá sĩ sãdínĩ rú, ꞌbá kãyú ru angájó drã agá, ãzíla Úpí ru ꞌbá ũpi rú ụ̃nọ́kụ́ drị̃ gá ꞌdĩ kí drị̃lẹ́ gá rĩ drị́, ãzíla angájó Úríndí Ãlá úmvúke Ãdróŋá drị̂ drị̃lẹ́ gá rĩ drị́ rĩ ꞌbã adru ĩmi ãni la rú. Yẹ́sụ̃ ꞌbá ãma lẽlépi ãzíla ãma ũtrũlépi ị́jọ́ ũnzí agá ãrí ĩꞌdidrị̂ sĩ rĩ ní, ãrútáŋá ꞌbã adru ĩꞌdiní ãzíla ũkpõ abe jã ꞌdâ! ꞌBã ãma ĩꞌdi ꞌbã ꞌbá Sụ́rụ́ ru ãzíla ãtalo rú ãzị́ ngajó Ãdróŋá ĩꞌdi ꞌbã Átẹ́pị rú rĩ ní. Ámĩnã.

Ícétáŋá 1:8

Úpí Ãdróŋá jọ, “Ma Ãlífã ꞌi ãzíla Ũmégã ꞌi, ma ándrá cí, ma vâ ãndrũ cí ãzíla ma vâ drụ́zị́ amụ́lépi rĩ, ma Ũkpó ꞌDị́pị.”

Ícétáŋá 11:17

jọ kí: “Úpí Ãdróŋá Ũkpó ꞌDị́pị, úꞌdîꞌda cí, ãzíla ándrá cí rĩ! Ãfẽ míní ãwãꞌdĩfô míní ũkpõ mídrị̂ ꞌdụjó ãzíla iꞌdójó ãma drị̃ cejó rĩ sĩ.

Ícétáŋá 14:11

Ãcí kí ivéjó rĩ ꞌbã ãcíkã la tụ gbũꞌdí ụrụgâlé jã ꞌdâ. ꞌBá ụ̃bọ̃gụ̃ ị̃nzị̃lépi íꞌdá ĩꞌdidrị̂ be rĩ, avị́ kí ku ị̃tụ́ kí ị́nị́ be, ãzíla ꞌbá ĩꞌdi ꞌbã ãlámã ãzíla rụ́ ãꞌị̃lépi rá rĩ, avị́ kí vâ ku ị̃tụ́ kí ị́nị́ be.”

Ícétáŋá 14:3

ꞌBá álĩfũ túrú ãlu kãlị́ sụ drị̃ sụ ꞌdĩ tu kí pá úmvúke drị̃lẹ́ gá, ãnãkpá ídri sụ ãzíla ꞌbá ĩyõ kãlị́ ị̃rị̃ drị̃ sụ ꞌdĩ kí drị̃lẹ́ gá, ri kí úngó úꞌdí la ngolé, ĩꞌbaní nị̃lé nĩ áꞌdụ̂sĩ la. Kí lú ꞌbá Ãdróŋá ꞌbã unzelé ꞌbá ụ̃nọ́kụ́ drị̃ gá rĩ kí agá rĩ kî.

Ícétáŋá 15:3

Kí úngó Mụ́sã ãtíꞌbó Ãdróŋá drị́ rĩ drị̂ ngo agá Kãbĩlõmvá drị̂ be: “Úpí Ãdróŋá Ũkpó ꞌDị́pị, ị́jọ́ mî idélé rĩ kí ãmbógótẽté ru ãzíla ụ̃sụ̃táŋá ru, mi Úpí sụ́rụ́ pírí ꞌbadrị̂, gẹ̃rị̃ mídrị̂ kí ũniyambamba rú ãzíla pịrị-pịrị.

Ícétáŋá 15:7

Ãko ídri rú sụ ꞌdã ꞌbã ãzí ãlu rĩ fẽ mãlãyíkã ãlu-ãlu ázị̂rị̃ ꞌdã ꞌbadrị́ bãkụ́lẹ̃ gólũdĩ rú tõlé tré-tré ũmbã Ãdróŋá uꞌálépi jã ꞌdâ rĩ drị̂ sĩ rĩ.

Ícétáŋá 16:14

ꞌDĩ kí úríndí ũnzí Sĩtánĩ drị́ gá tálí ụ̃sụ̃táŋá ru rĩ kí idélépi rĩ kí. Mụ kí ũpi ụ̃nọ́kụ́ drị̃ gá ꞌdĩ ꞌba rụ́ pírí, kî trajó sĩ amụ́jó ãꞌdị́ ꞌdịjó ụ́ꞌdụ́ ãmbógó Ãdróŋá Ũkpó ꞌDị́pị ꞌbã ị́jọ́ lịjó ꞌdã sĩ.

Ícétáŋá 16:7

Má are ụ́ꞌdụ́kọ́ ãlĩtárĩ gâlé jọ, “Ãndá-ãndá ru, Úpí Ãdróŋá Ũkpó ꞌDị́pị, ị́jọ́ lịŋá mídrị́ kí kpị, ãzíla pịrị-pịrị.”

Ícétáŋá 19:15

Tị la gá ménéŋá ãꞌdị́ ãni sị́ ãcí la ãfũ nĩ, sụ́rụ́ ụ̃nọ́kụ́ drị̃ gá ꞌdĩ kí ũsõjó. “Ĩꞌdi kí drị̃ ce túré aya rú la sĩ,” tu pá ãngũ sĩ ũmbã Ãdróŋá Ũkpó ꞌDị́pị drị́ ũká íwá áni rĩ nzijó rĩ gá.

Ícétáŋá 19:4

ꞌBá ĩyõ kãlị́ ị̃rị̃ drị̃ sụ, ãzíla ãko sụ ídri ꞌdã uꞌbé kí ru vụ̃rụ́ Ãdróŋá rilépi úmvúke ũpĩ drị̂ drị̃ gá rĩ ị̃nzị̃lé jọ kí, “Ámĩnã. Ãlẹ̃lụ́yã!”

Ícétáŋá 21:22

Ándre jó Ãdróŋá drị̂ táwụ̃nị̃ ꞌdã agá ꞌdãá ku, ãꞌdusĩku jó ĩꞌdidrị̂ Úpí Ãdróŋá Ũkpó ꞌDị́pị kí Kãbĩlõmvá be.

Ícétáŋá 3:7

“Ísĩ wárágã mãlãyíkã kãnị́sã Ãdróŋá drị́ Fĩlãdéfĩyã gá rĩ ní íni: Ị́jọ́ ꞌdĩ angá kí ꞌbá ãlá, ị́jọ́ mgbã idélépi, fụ̃ngụ́wã úpí Dãwụ́dị̃ drị̂ kí rụlépi rĩ drị́. Ãko ĩꞌdi ꞌbã tị nzị̃lé ꞌbo rĩ ꞌbá ãzí ụ̃pị̃ tị la ị̃dị́ ku, ãko ĩꞌdi ꞌbã tị ụ̃pị̃lé ꞌbo rĩ ꞌbá ãzí nzị̃ vâ tị la ị̃dị́ ku.

Ícétáŋá 4:4

Úmvúke ãzí kãlị́ ị̃rị̃ drị̃ sụ la ce kí úmvúke tá ꞌdã ꞌbã andre trộkị́lịrị, ãzíla úmvúke ꞌdĩ kí drị̃ gá pírí ꞌbá ĩyõ kãlị́ ị̃rị̃ drị̃ sụ la uri kí nĩ. Su kí pírí bõngó imve rú, ãzíla su kí kí drị̃kã gá kõfíyã gólũdĩ rú la kí cí sĩ ũpĩ Ãdróŋá drị̂ iꞌdajó.

Ícétáŋá 4:6

Úmvúke drị̃lẹ́ gá ꞌdãá ãko ãzí iꞌdá cécé ị̃yị́ mĩrĩ drị̂ áni tọndọlọ rú cécé mãráyã áni. Ãko ãzí ídri rú sụ ụrụꞌbá pírí mịfị́ ru drị̃lẹ́ gá ãzíla vúlé gá rĩ ce kí úmvúkê ágágá trộkị́lịrị.

Ícétáŋá 4:9

Ãko ídri sụ ꞌdĩ drĩ kí úngó dị̃zã, ãrútáŋá ãzíla ãwãꞌdĩfô fẽjó ꞌbá rilépi úmvúke drị̃ gá uꞌálépi ídri rú jã ꞌdâ rĩ nî ꞌdĩ ngo ꞌbo,

Ícétáŋá 5:6

Índre Kãbĩlõmvá ní pá tu agá úmvúke gá ágágá, ãnãkpá sụ ꞌdã kí ꞌbá ĩyõ ꞌdã abe, ce kí ĩꞌdi aga rị́. Kãbĩlõmvá iꞌdá ándrá úꞌdị ꞌbã rĩ ĩꞌdi rá rĩ áni. Újé la kí ázị̂rị̃ ãzíla mịfị́ la kí ázị̂rị̃, ꞌdĩ kí mãlãyíkã Ãdróŋá ãni ázị̂rị̃ ĩꞌdiní tị ũpẽlé ụ̃nọ́kụ́ gâlé rĩ kî.

Ícétáŋá 6:1

Ándre Kãbĩlõmvá ꞌbã ãko sĩ bụ́kụ̃ tị ĩbĩjó ázị̂rị̃ rĩ ꞌbã ãzí ãlu drị̃drị̃ rĩ tị nzị̃ agá. Ị́jọ́ ꞌdã ꞌbã ũngúkú gá, má are ụ́ꞌdụ́kọ́ ãko ãzí ídri rú sụ ꞌdã ꞌbã ãzí ãlu ꞌụ agá ãvi áni, jọ, “Mí amụ́!”

Ícétáŋá 6:6

ꞌDãá má are ãko ãzí akụ́lépi ụ́ꞌdụ́kọ́ áni la angájó ãko ãzí ídri rú sụ ꞌdã kí drĩdríŋĩ gâlé jọ, “Ãkónã kí ãjẹ̃ la mụ adrulé ambamba. Ngánũ kị́lọ̃ ãlu ãjẹ̃ la adru ũyá ụ́ꞌdụ́ ãlu drị̂ pí, ãzíla lógõŋá na rĩ ꞌbã ãjẹ̃ la adru ũyá ụ́ꞌdụ́ ãlu drị̂ pí, ꞌbo lẽ ĩmi iza ãdu kí wáyĩnĩ trũ ku!”

Ícétáŋá 7:11

Mãlãyíkã pírí utu kí pá, ce kí úmvúke ãmbõgõ ãrĩ andre ꞌbá ĩyõ, ãzíla ãko ãzí ídri rú sụ ꞌdã kí abe trộkị́lịrị. Tị̃ kí ãja vụ̃rụ́ úmvúke ãmbõgõ ãrĩ drị̃lẹ́ gâ sĩ Ãdróŋá ị̃nzị̃jó,

Ícétáŋá 7:15

Ị́jọ́ ꞌdĩ sĩ, “Tu kí pá úmvúke ãmbõgõ ãni Ãdróŋá drị̂ drị̃lẹ́ gá, ãzíla ri kí ĩꞌdiní ãzị́ ngalé ị̃tụ́ kí ị́nị́ be jó ĩꞌdidrị̂ agá; ãzíla Ãdróŋá rilépi úmvúke ũpĩ ãni ꞌbụ̃ gâlé ꞌdã ꞌbã drị̃ gá rĩ la kí drị̃ gá hémã ãsõ nĩ.