Ícétáŋá 18:19 - Ị́jọ́ Úꞌdí rĩ

¹⁹ “Umvú kí úfóró kí drị̃ gá, ụ̃lụ́lụ́, úzáŋá, ãzíla áwáŋâ trũ, “‘Wáwọ̃! Wáwọ̃! Táwụ̃nị̃ ãmbógó Bãbụ̃lọ́nị̃ yệ! Ãngũ ándrá ꞌbá pírí mẹ́lị̃ trũ ị̃yị́ agá rĩ ꞌbã kí sĩ acájó málĩ trũ ĩꞌdi ꞌbã málĩ kí sĩ rĩ kí ị̃lị̃kị̃ kí sáwã ãlu agá ꞌdã áni yã?

Ícétáŋá 18:19 Iomraidhean Croise

Ícétáŋá 17:16

Ụ̃bọ̃gụ̃ ãzíla újé mụdrị́ míní ndrelé ꞌdĩ kí ãwụ́ꞌbá ꞌdĩ ngụ̃ ũnzí. Kí ĩꞌdi ũtrũ aꞌbelé pílílí ru, kí ĩzá la na rá, kí ĩꞌdi ivé ãcí sĩ, ãzíla kí ĩꞌdi ị̃lị̃kị̃lé rá.

Ícétáŋá 18:10

Ĩꞌdi ꞌbã drị̃ cịŋá ꞌbã ụ̃rị̃ sĩ, utu kí pá rá-rá ru, ụ̃lụ́lụ̂ trũ, “Wáwọ̃! Wáwọ̃! Mi táwụ̃nị̃ ãmbógó Bãbụ̃lọ́nị̃ la, táwụ̃nị̃ ãvẹ̃vị̃ trũ rĩ! Ími ị́jọ́ ãvĩ ũní ꞌdĩ áni yã?”

Ícétáŋá 18:3

Ũkú ꞌdĩ ulé ũpi ãzíla ꞌbá ụ̃nọ́kụ́ gá ꞌdĩ kí pírí Ãdróŋâ gãlé úmgbé sĩ ãdroŋa ídri kóru rĩ kí ị̃nzị̃jó cécé ũkú ãwụ́ꞌbá rĩ ꞌbã ꞌbá kí fẽlé azalé ãwụ̃ ĩꞌdi ãni azajó aza rĩ sĩ rĩ áni, ãzíla ꞌbá ụ̃nọ́kụ́ drị̃ gá tũjárĩ idélépi málĩ trũ ꞌdĩ, acá kí ãko trũ ĩꞌdi ꞌbã úꞌáŋá ãjẹ̃ rú málĩ sĩ rĩ sĩ.”

Ícétáŋá 18:8

Ị́jọ́ ꞌdĩ sĩ, ụ́ꞌdụ́ ãlu jụ́wẹ̃ ꞌdĩ kí amụ́ ũcõgõ fẽlé ꞌdejó drị̃ la gá, drã, drã áwáŋá ãzíla ãbị́rị́ rílẽ rú rĩ, ũkú ꞌdĩ la ve ãcí sĩ kící-kící, ãꞌdusĩku ị́jọ́ Úpí Ãdróŋá ꞌbã lịlé ĩꞌdi drị̃ gá rĩ sĩ.”