Ícétáŋá 17:5 - Ị́jọ́ Úꞌdí rĩ

⁵ Ãndrõkõ la gá úsĩ rụ́ ãzí ífí nị̃lé ku la, bãbụ̃lọ́nị̃ ãmbógó rĩ, andre ãwụ́ꞌbá ꞌbã rĩ, ãzíla ũnzĩkãnã ụ̃nọ́kụ́ pírí rụlépi rĩ.

Ícétáŋá 17:5 Iomraidhean Croise

Fị̃lị́pị̃ 3:19

Ĩꞌbã ãsị̃ŋá ĩꞌdi lị́kị̃ ĩꞌbadrị̂ ꞌi, ãdróŋá ĩꞌbadrị̂ ĩꞌbã kụ̃bụ̃ ãzíla ị́pị́ŋá ĩꞌbadrị̂ ị́jọ́ drị̃nzá ru ĩꞌbã kí idélé rĩ kî, kí ásị́ ꞌbã ị́jọ́ ụ̃nọ́kụ́ drị̂ kí drị̃ gá.

2 Tẹ̃sãlọ̃nị́kị̃ 2:7

Sĩtánĩ la úꞌdîꞌda íni ꞌbá kí ulé ụ̃nọ́kụ́ drị̃ gá ꞌdĩ, kí drị̃ ịcị́jó sĩ Ãdróŋá gãjó úmgbé. Wó ꞌbá ãzí Ãdróŋá ãni la cí ĩꞌdi ꞌbá Sĩtánĩ ꞌbã tị ãpẽlé ꞌbá kí ụtrị́lépi ị́jọ́ Ãdróŋá drị́ rĩ gãjó úmgbé rĩ atrị ꞌbá kí ụtrị́ŋá gá cí, ãzíla ĩꞌdi vâ mụ kí atrịŋâ trũ drị̃lẹ́ gá drị̃lẹ́ gá kpere Ãdróŋá ꞌbã drụ́zị́ ĩꞌdi nze agá ãngũ ꞌdã agá ꞌdãá rĩ sĩ rá.

Ícétáŋá 1:20

Ị́jọ́ nị̃lé ku lẽlẽgó ázị̂rị̃ míní ndrelé áma drị́ ãndá rĩ gá rĩ drị̂ ãzíla tárã céke gólũdĩ rú ázị̂rị̃ ꞌbadrị̂: lẽlẽgó ázị̂rị̃ ꞌdã kí mãlãyíkã kãnị́sã Ãdróŋá drị́ ázị̂rị̃ ꞌbadrị̂ kí, ãzíla tárã céke rú ázị̂rị̃ ꞌdã kí jó Ãdróŋá drị́ ázị̂rị̃ kî rĩ.”

Ícétáŋá 11:8

Ãvũ la kí mụ ru ulalé gẹ̃rị̃ ãmbógó táwụ̃nị̃ ĩyõ ꞌdã drị̂ agá, ãngũ sĩ Úpí ĩꞌbadrị̂ ipajó mũsãláꞌbã sị́ gá rĩ gá, táwụ̃nị̃ ꞌdã ꞌbã rụ́ ícétáŋá ru rĩ kí Sõdómũ jõku Mị̃sị́rị̃ ꞌi.

Ícétáŋá 14:8

Mãlãyíkã ãzí ị̃rị̃ rĩ bĩ vú la ꞌbụ̃ agá ꞌdãá, jọ, “Bãbụ̃lọ́nị̃ ãmbógó rĩ aꞌdé rá, aꞌdé vụ̃rụ́ ꞌbo, ĩꞌdi ándrá sụ́rụ́ pírí ị̃jọ̃tọ̃lépi íwá sĩ aza rú, ãzíla mịfị́ ãcí ãwụ̃ idéjó rĩ sĩ rĩ ꞌi.”

Ícétáŋá 16:19

Táwụ̃nị̃ ãmbógó Bãbụ̃lọ́nị̃ drị́ ꞌdã asi ru wókõ na sĩ, táwụ̃nị̃ sụ́rụ́ ãzí rĩ ꞌbadrị́ gá rĩ andi kí rá. Ãdróŋá agá ị́jọ́ Bãbụ̃lọ́nị̃ ãmbógó ꞌdã drị̂, fẽ dó ĩꞌdiní kópõ galépi ũmbã ĩꞌdidrị́ ũká íwá áni rĩ trũ rĩ mvụlé.

Ícétáŋá 17:1

Mãlãyíkã ázị̂rị̃ bãkụ́lẹ̃ ázị̂rị̃ trũ drị́ gá ꞌdĩ ꞌbã ãzí ãlu rĩ amụ́ jọ mání, “Mí amụ́, ma mụ míní drị̃rịma fẽlé ũkú ndẽlépi ãwụ̃ sĩ rá rilépi ị̃yị́ drị̃ gá rĩ drị̂ kí iꞌdalé.

Ícétáŋá 17:2

Ũpi ãngũ drị̃ gá ꞌdĩ idé kí ãwụ̃ ũkú ꞌdĩ be, ꞌbá ãmvé ꞌdĩ ĩmẽrã kí íwá ĩꞌdi ãni dralépi ũká ꞌdĩ sĩ, kí pírí idé kí dó sĩ ãwụ̃ ĩꞌdi sĩ.”

Ícétáŋá 17:7

Mãlãyíkã jọ mání, “Mi ụ̃sụ̃ ãꞌdu ị́jọ́ sĩ? Ma mụ míní ị́jọ́ ífí nị̃lé ku ũkú ꞌdã drị́ ụ̃bọ̃gụ̃ ĩꞌdi ujílépi drị̃kã trũ ázị̂rị̃ újéke mụdrị́ ꞌdã ꞌbã drị̂ ífí iꞌdalé.

Ícétáŋá 18:2

Za ụ́ꞌdụ́kọ́ ụrụgá sĩ re jọ, “Aꞌdé dó ꞌbo! Bãbụ̃lọ́nị̃ ãmbógó rĩ aꞌdé dó ꞌbo! Acá dó ụ̃jị́gọ́ úríndí ũnzí pírí ãndị́ ru rĩ ꞌbã kí sĩ ru zị̃jó rĩ rú, ãzíla jõrõvũ ãriŋa ũví ãndị́ ru ũnzíkãnã ngụ̃lé ũnzí rĩ ꞌbã kí sĩ uꞌájó rĩ rú.

Ícétáŋá 18:21

Mãlãyíkã ãlu ũkpó trũ la aꞌdụ́ írã kpakụ ãmbõgõ sĩ cécé írã ãná ꞌịjó rĩ apí la, ꞌbe ĩꞌdi mĩrĩ agá úzáŋâ trũ jọ, “Ála drụ́zị́ Bãbụ̃lọ́nị̃ ãmbógó rĩ ꞌbe vụ̃rụ́ ũmbã ãmbógó la sĩ ãzíla ícó ĩꞌdi ndrelé ị̃dị́ ku,

Ícétáŋá 19:2

ãꞌdusĩku ị́jọ́ ĩꞌdi ꞌbã lịlé ãndá-ãndá ru ãzíla kpị rĩ sĩ! Lị ị́jọ́ ãwụ́ꞌbá ãmbógó ꞌbá ãngũ drị̃ gá ꞌdĩ kí ulélépi sĩ Ãdróŋá gãjó úmgbé sĩ ãdroŋa ídri kóru ꞌdĩ kí ị̃nzị̃jó cécé ũkú ãwụ́ rĩ ꞌbã ꞌbá ụ̃nọ́kụ́ gá rĩ kí uléjó rĩ áni rĩ drị̃ gá ꞌbo, ãzíla ũfẽ vâ ãrí ãtíꞌbó ĩꞌdidrị́ gá rĩ ꞌbadrị̂ kí ãrígó tị ụrụꞌbá la gá ꞌbo.”

Ícétáŋá 7:3

“Ĩmi iza drĩ vũ kí mĩrĩ abe ãzíla ife kî trũ ku, kpere ãmaní ícétáŋá ĩbĩ agá ꞌbá ãtíꞌbó ru Ãdróŋá ãni ꞌdĩ kí androko gá.”