Ícétáŋá 14:7 - Ị́jọ́ Úꞌdí rĩ

⁷ Jọ ị́jọ́ ụ́ꞌdụ́kọ́ mmgbọ sĩ re, “Ĩru Ãdróŋá ꞌi, ãzíla ĩmi ị̃nzị̃ ĩꞌdi ãmbõgõ ĩꞌdidrị́ gá rĩ sĩ! Ãꞌdusĩku sáwã ĩꞌdidrị́ ꞌbá pírí kí ị́jọ́ lịjó rĩ acá ꞌbo. Ĩmi ị̃nzị̃ ꞌbá ꞌbụ̃ kí ꞌbãlépi vũ be, mĩrĩ ãzíla kídí ị̃yị́ ꞌbã sĩ agájó rĩ abe rĩ ị̃nzị̃-ị̃nzị̃.”

Ícétáŋá 14:7 Iomraidhean Croise

Íꞌdóŋá 22:12

Mãlãyíkã jọ, “Ísu drị́ mgbâ ụrụꞌbá gá ku ãzíla mí idé ãko ãzí ĩꞌdi ụrụꞌbá gá ku. Ánị̃ dó ãndrũ íru Ãdróŋá mídrị̂ rá rĩ gá rá ãꞌdusĩku mí uga mî ngọ́pị ãlu kílímgbí ꞌdĩ ĩꞌdiní ku.”

Ãfũŋá 20:11

Ụ́ꞌdụ́ ázíyá rĩ sĩ, Úpí ꞌbã ꞌbụ̃ kí ụ̃nọ́kụ́ be, ị̃yị́, ãzíla ãko pírí ala gá rĩ kí abe, wó ụ́ꞌdụ́ ázị̂rị̃ rĩ sĩ avị́ dô sĩ. Ị́jọ́ ꞌdĩ sĩ Úpí wi sụ̃sụ́ Sãbátũ drị̃ gá ãzíla ꞌbã ĩꞌdi ãlá ru.

Mãtáyõ 25:13

Ị́jọ́ ꞌdĩ ꞌbã ũngúkú gá Yẹ́sụ̃ jọ, “Ĩmi adru mịfị́ trũ ãꞌdusĩku ĩminí ụ́ꞌdụ́ jõku sáwã nị̃jó ku rĩ sĩ.

Lụ́kã 17:18

ꞌBá ãmị́yọ́ŋá ru ꞌdĩ ãgõ dó ꞌbãngá amụ́lé Ãdróŋá rụ́ ịcụ́lé ãwãꞌdĩfô fẽjó áꞌdụ̂sĩ la ãꞌdu ị́jọ́ sĩ?”

ꞌEtáŋá 14:15

“Ĩmi ꞌdĩ kí idé íni la ãꞌdu ị́jọ́ sĩ? Ãma ãmã ngá ꞌbá ĩmi áni la kî! Ãma ꞌdâ íni la ĩminí ị́jọ́ mgbã rĩ ũlũ ĩmi sĩ ị́jọ́ ĩmi ãni ífí kóru ꞌdĩ kí aꞌbe, sĩ amụ́jó Ãdróŋá ídri ꞌbụ̃ kí ꞌbãlépi ụ̃nọ́kụ́ be, mĩrĩ trũ ãko ala gá ꞌdĩ kí abe pírí rĩ rụ́ ꞌdõlé.

1 Pétẽrõ 4:7

Ị́jọ́ ụ́ꞌdụ́ ãko pírí ꞌbã kí ãsị̃jó rĩ acá ãni rú ꞌbo. Ị́jọ́ ꞌdĩ sĩ, ĩmba ĩmi tã, ĩmi adru mịfị́ trũ sĩ Ãdróŋá zịjó.

Ícétáŋá 11:13

Sáwã ãlu-ãlu ꞌdã agá ꞌdãá, ũyãkĩyã ãmbógó la andi táwụ̃nị̃ ꞌdã ꞌbã wókõ ãlu mụdrị́ drị́ gá rĩ rá, ãzíla ꞌbá ũdrã álĩfũ ázị̂rị̃. ꞌBá ị́mbị́ ru palépi ídri ũyãkĩyã ꞌdã agá rĩ, idé kí ụ̃rị̃ sĩ ãzíla fẽ kí dị̃zã Ãdróŋá ꞌbụ̃ gá rĩ nî.

Ícétáŋá 11:18

Ũmbã na ándrá ꞌbá Yẹ́sụ̃ ãꞌị̃lépi ku ꞌdĩ kí mínî, wó ũmbã mídrị̂ ꞌbã sáwã acá úꞌdîꞌda ꞌbo. ꞌDĩ sáwã ị́jọ́ lịjó ꞌbá ũdrãlépi rá rĩ kí drị̃ gá, ãzíla míní mî ãtiꞌbo kí ũfẽjó rĩ ꞌi. Mi amụ́ ꞌbá mí ãni nãbịya rú rĩ kí ũfẽlé, ꞌbá mí ãni ãlápítí ị́jọ́ ũnzî kóru rĩ kí abe, ꞌbá pírí ími rụ́ ị̃nzị̃lépi ị̃nzị̃-ị̃nzị̃, iꞌdójó anzị kí sĩ kpere ꞌbá ĩyõ rĩ kî trũ. Ãzíla mi amụ́ ꞌbá pírí ándrá ị́jọ́ ũnzí idélépi ụ̃nọ́kụ́ drị̃ gá rĩ kí ị̃lị̃kị̃lé rá.”

Ícétáŋá 15:4

Úpí, ꞌbá pírí kí ími ị̃nzị̃ ãzíla kí idé mî sĩ ụ̃rị̃ sĩ, ãꞌdusĩku mi ũkpó ꞌdị́pị, dị̃zã rú, ãzíla mi ãlá ru ndú áꞌdụ̂sĩ, sụ́rụ́ pírí kí amụ́ ị̃nzị̃táŋá idélé ími drị̃lẹ́ gá, ãꞌdusĩku ị́jọ́ kpị míní idélé rĩ ꞌbá pírí ndre kí rá.”

Ícétáŋá 16:9

Ị̃tụ́ ꞌbã sị́ ãcíꞌbíríto ꞌdã ivé dó kí, alụ́ kí dó sĩ Ãdróŋá ꞌi, ũkpõ jụ́wẹ̃ drị̂ kí sĩ adru jó drị̃ la gá rĩ ꞌi, gã kí ásị́ ujalé sĩ dị̃zã fẽjó ĩꞌdi nî úmgbé.

Ícétáŋá 18:10

Ĩꞌdi ꞌbã drị̃ cịŋá ꞌbã ụ̃rị̃ sĩ, utu kí pá rá-rá ru, ụ̃lụ́lụ̂ trũ, “Wáwọ̃! Wáwọ̃! Mi táwụ̃nị̃ ãmbógó Bãbụ̃lọ́nị̃ la, táwụ̃nị̃ ãvẹ̃vị̃ trũ rĩ! Ími ị́jọ́ ãvĩ ũní ꞌdĩ áni yã?”

Ícétáŋá 18:17

Málĩ mídrị́ wẽwẽ rú ꞌdĩ ãvĩ kí ũní ꞌdã áni yã!’ “Dẽrébã mẹ́lị̃ tị ujílépi, ꞌbá pírí acị́lépi ị̃yị́ agá mẹ́lị̃ sĩ ãzíla ꞌbá ãzị́ ngalépi mẹ́lị̃ agá rĩ utu kí pá rá-rá ru,

Ícétáŋá 18:19

“Umvú kí úfóró kí drị̃ gá, ụ̃lụ́lụ́, úzáŋá, ãzíla áwáŋâ trũ, “‘Wáwọ̃! Wáwọ̃! Táwụ̃nị̃ ãmbógó Bãbụ̃lọ́nị̃ yệ! Ãngũ ándrá ꞌbá pírí mẹ́lị̃ trũ ị̃yị́ agá rĩ ꞌbã kí sĩ acájó málĩ trũ ĩꞌdi ꞌbã málĩ kí sĩ rĩ kí ị̃lị̃kị̃ kí sáwã ãlu agá ꞌdã áni yã?

Ícétáŋá 19:5

Ụ́ꞌdụ́kọ́ ãfũ angájó ãngũ úmvúke ũpĩ drị́ rĩ gâlé jọ, “Ị́cụ́ kí Ãdróŋá ãmadrị́ rĩ ꞌi, ꞌBá ĩꞌdi ꞌbã ãtiꞌbo rú iꞌdójó ꞌbá nírí sĩ cajó ꞌbá ĩyõ rĩ kí abe, ꞌbá ĩꞌdi rulépi ꞌdĩ kî.”

Ícétáŋá 4:11

“Úpí Ãdróŋá ãmadrị̂, íca rá dị̃zã ãzíla ãrútáŋá ãzíla ũkpó ịsụ́jó ãmadrị́. Mí ũꞌbã ãko pírí kí mi ꞌi, ãzíla ĩꞌdi míní ãyĩkõ rú mî lẽtáŋá agá, ndrejó la ꞌbã adru kí cí.”

Ícétáŋá 4:9

Ãko ídri sụ ꞌdĩ drĩ kí úngó dị̃zã, ãrútáŋá ãzíla ãwãꞌdĩfô fẽjó ꞌbá rilépi úmvúke drị̃ gá uꞌálépi ídri rú jã ꞌdâ rĩ nî ꞌdĩ ngo ꞌbo,

Ícétáŋá 8:10

Mãlãyíkã na rĩ vu gũká ĩꞌdidrị́ gá rĩ. Lẽlẽgó ãmbógó ãngũ jilépi tọ́cị̃ áni la aꞌdé ꞌbụ̃ gâlé, iꞌbé kídí ãzíla ị̃yị́ dịlépi dị̃-dị̃ rĩ ꞌbã ãzí ãlu na drị̃ gá rĩ kí drị̃ cí.