Ẽbũrãníyã 4:7 - Ị́jọ́ Úꞌdí rĩ

⁷ Ị́jọ́ ꞌdĩ sĩ, Ãdróŋá pẽ ụ́ꞌdụ́ ãzí ị̃dị́, umve ĩꞌdi Ãndrũ, ụ́ꞌdụ́ ãzí vúlé gá alịlépi ꞌbo ꞌdã kí agâlé jọ ị́jọ́ Dãwụ́dị̃ tị gâ sĩ, ĩꞌdi ꞌbã jọlé bụ́kụ̃ ĩꞌdidrị̂ agá rĩ áni, “Ãndrũ, ídrĩ Ãdróŋá ꞌbã ụ́ꞌdụ́kọ́ are rá, ĩꞌbã ĩmi ásị́ ũkpó ru ku.”

Ẽbũrãníyã 4:7 Iomraidhean Croise

Mãtáyõ 22:43

Zị kî, “Drĩ dó adru ꞌdĩ ꞌbã áni, Úríndí Ãlá rĩ fẽ dó Dãwụ́dị̃ ní ĩꞌdi umvelé ‘Úpí’ ꞌi la ãꞌdu ị́jọ́ sĩ?

Mãrákõ 12:36

Wó Úríndí Ãlá rĩ fẽ Dãwụ́dị̃ ní jọjó la: “‘Úpí Ãdróŋá jọ Úpí mádrị̂ nî: “Íri áma drị́ ãndá gá ꞌdâ, kpere mání mẹ́rọ́ꞌbá mídrị̂ kí ꞌbã agá ími pálé gá.”’

Lụ́kã 20:42

Dãwụ́dị̃ ꞌbã ãmgbã rĩ jọ vâ bụ́kụ̃ Zãbụ́rị̃ drị̂ agá, “‘Úpí Ãdróŋá jọ Úpí mádrị̂ nî: “Íri áma drị́ ãndá gá ꞌdâ,

ꞌEtáŋá 2:29

“Má ádrị́pịka, ma ĩminí ị́jọ́ mgbã jọ ãma áyị́pị Dãwụ́dị̃ drị̃ gá, Dãwụ́dị̃ drã ándrá rá, ị̂sị̃ ĩꞌdi rá, ị̃nádrị̃ la kpere úꞌdîꞌda ãma andre gá ꞌdâ cí.

ꞌEtáŋá 2:31

Dãwụ́dị̃ ꞌbã ị́jọ́ ꞌdĩ kí ndrejó ídu rĩ sĩ, jọ vâ ị́jọ́ Kúrísĩtõ ꞌbã angájó ꞌbá ũdrãlépi rá rĩ kí drĩdríŋĩ gá rĩ ꞌi, jọ Ãdróŋá aꞌbe ĩꞌdi ꞌbã ụrụꞌbá ŋmalé ꞌbụ́ gâlé ku.

ꞌEtáŋá 28:25

Kí dó mụ ãgátã galé kí drĩdríŋĩ gá álị́ ꞌbo, aꞌbe kí dó ãngũ ꞌdã ꞌi, ị́jọ́ ãfũlépi Páwụ̃lọ̃ tị gá ꞌdĩ ꞌbã vúlé gá. “Úríndí Ãlá rĩ jọ ándrá ị́jọ́ mgbã la, ĩꞌdi ꞌbã jọjó la ĩmĩ áyị́pịka ꞌbaní nábị̃ Ĩsáyã tị gâ sĩ,

Ẽbũrãníyã 3:15

Cécé tá ị́jọ́ sĩlé rĩ ꞌbã jọlé rĩ áni, “Ãndrũ, ídrĩ Ãdróŋá ꞌbã ụ́ꞌdụ́kọ́ are rá, ĩꞌbã ĩmi ásị́ ũkpó ru, cécé ándrá ĩmi áyị́pịka ꞌbã kí Ãdróŋá tị gajó úmgbé rĩ sĩ rĩ áni ku.”