Luke 8:14 - Lahta

¹⁴ တစူ့ကလင်တေးဒါ တဟွော်ကျုံးခါဖုန့်အွယ့် ဘာသဒေါင့်ဗွမ့်နောင် နားထွို့လက်ခံ နှုတ်ကပတ်တရာဖုန်း ဒေါင့်မာလဲ့ လောဖလွမ်ငါ တချမ်စားနောင် တစားယာဖုန်းမဲ့ ကမားခါ့ယောဝ် လီမိုးပွာကာဟ နှုတ်ကပတ်တရာဖုန်း။

Luke 8:14 Iomraidhean Croise

Luke 16:13

စွမ်းလမားမားယောဝ် ခံပျန့်စွမ့် ဗွယ်အန်တငြီ့ဆောင့် လီဒါဟ၊အကြောင်ခရာနိန်းမာအွယ့် အာဒွို ကျင်းတပလားထွို့ အီရက်အပလား။ မေဟလဲ့ အာမေအန်ဒင်သစ္စာအပလားကုအွယ့် အာအီစွင့်ဟ ဒါ့အပလား။နားက့ဒွို့ ခံစွမ်း ဗွယ်ဘုရာ နောင် လောကီစည်စိမ်းဖုန်း တလိုင်ချင် လီဒါကာဟ" မိန့်နိန်းအွယ့်။

Luke 21:34

"အွယ့်ကြားမဲ့ အန်ထွို့ အိုထွို့၊ ကူလားဖဝတာထွို့၊ နားက့ အခိန်းဖုန်း ဖီကျန်းလူးကေ့မာ ဒင်စတိထွို့ ချင်းလိုကာလုဲင်။ အခိန်းမေလူးဘို့ နိန်းအွယ့်အွယ့် နားက့တာ ပျန့်ဘို့တချုဲင် အဘာဟို့။

Luke 8:13

တစူ့ကလင်တေးဒါလုံဟမ်းလောင်အွယ့် ဘာသဒေါင့် ဗွမ့်နောင် ကာနာဟွမ့်ဘာ ဗွယ်ဖရာနှုတ်ကပတ်တော်တရာဖုန်းထွို့ ဟွမ်ခိုလက်ခံစွူတို့အလိုင်းချင်။ ဒေါင့်မာလဲ့ အကျွူဒွို့ အီအိုကျွိုင်ငါ့ဟ။ အာကာအွယ့် ယွမ်အန် လက်ခံကာဘို့ အခိန်းအဆင်းကူ့ဟို့။ ဖဝကူ့ မေကြုံခွယ်ဘားဒေါင်တခုဲင်းခါ့ ဖီကြွ့လိုကားကေ့နှုတ်ကပတ်တရာအွယ့်ဟို အလိုင်ချင်။

Luke 8:15

တစူ့ကလင်တေးဒါ ဟမ်းယာဟမ်းစာခိုးလောင်အွယ့် ဘာသဒေါင့်ဗွမ်နောင့် နားဟွမ့်ဗားနှုတ်ကပတ်တော်တရာဖုန်းထွို့မဲ့ ဈန်စေးကာအာကသရိုစားကူ့ထွို့ အသာအကောဝ်ဖုန်း သာကောဝ်ထန်းလိုကာ။

Luke 8:7

တစူ့ပိန်ကွော့ကွော့အွယ့် လင်တေးလိုကားတဟွော်ကျုံးခလား။ အာမွိုင်ဖုန်းမေဒိုးထန်းလဲ့ ခံဗားတငွိုး တဟွော်ကျုံးလား။