Luke 7:16 - Lahta

¹⁶ ပလူးကားကအိုအွယ့် ဟွမ်ဆန်တဝါ့ကာထွို့ "က့ကူဒွို အရိယာဆူတော်ကောင်မြတ်အပါး ပိုထန်လိထွို့။ ဗွယ်ဖရာဒွို ဟောင့်ဖီလိထွို့ အာပလူးဖုန်း" အန်ဖရာလိုကာ ဗွယ်ဖရာဂုဏ်တော်နိန်းအွယ့်။

Luke 7:16 Iomraidhean Croise

Luke 1:65

ယွမ်ဆောင့်ယွမ်တီးစာနောင် ပွော်ဝေဖုန်းကားကအိုအွယ့် ထွိုင်းသျှီတာကပျန့်အွယ့်ဟိုထွို့ စကမ်တဝါ့လိုကာ။ပလူးကားကအိုဒါ ယုဒကန် ခေါင့်လောင်ကျွမ်တောင်တောင်ကုအွယ့် ဒေါင့်လိုကား စတင်းအွယ့်ဘာ။

Luke 1:68

အန်းဖရာတို ဗွယ်ဖရာဂုဏ်တော်။ ပလူးအစ္စရေးမျိုကားကအိုစာဖရာဒွို ကြွာ့လင်းဘာ အီကယ် ပလူးကားကအိုတာ။

Luke 19:44

အာကာအွယ့် လုံအမာ့လောင်ငါ့လဲ့ လီဖီကေ့ဟ လုံဒါ့အမာ့လောင် ဖီကလင်ပိုင်းကာဟန်လောင်ထွို့ နားနောင်နားဖုဖုန်းလဲ့ အီမိုးကေ့ကာ။ ကွက်တဟနာ မေဒေါင့်အွယ့် နားဒွိုလီသိဟ ဗွယ်ဖရာအီကယ်နားတာ ကြွလေအချိန်ဟနေ" မိန့်နိန်းအွယ့်။

Luke 2:20

ဘဲသီစာဖုန်းလဲ့ ကျိန်းချာဒါလုဲင်ကွင်ကုထွို့ အန်ဖရာလိုကာ ဗွယ်ဖရာဂုဏ်တော်ထွိုမဲ့ အာကားချင်ချင် ဒေါင့်ချာကားဒါ့ လွှော်ဖုန်းဒေါင့်စေးကန်းအာကာ အကြောင်ခရာဖုန်းဒီ့ ပျန့်ထန်အမှန်။

Luke 24:19

ကိုယ်တော်အွယ့် "အိုပျန့်ထန် တဟနာ"မေတစီ့ချားဒါ့နိန်းအွယ့်ခါ့ ပလူးအွယ့်ပလားအွယ့် "နာဇရက်ဝိန်းစာ ကိုယ်တော်ယေရှု တပျန့်ဖုန်းတို။ အာအွယ့် ပျန့်တို အရိယာဆူတော်ကောင်အပါး ကမိုးစေးကန်းဒါ တထူဆန်ဒူခရာဖုန်းထွို့ စဟိုဖီ တဟွမ့်ခိုခရာ မင်္ဂလာစတင်ဖုန်းတို။ အာကမိုးကဟိုဖီဒါတာ ကာကအိုဖုန်းအွယ့် ပလူးဖုန်း သျှီလိုကာ တန်ဖိုဒူယွမ်တွို့။

Luke 5:26

ပလူးဖုန်း ဟွမ်းဆန်လိုကားထွို့ အန်ဖရားလိုကားဗွယ်ဖရာ။ အာကာဒီ အိုကာဘာနောင် တာစကန်ထွို့ "ဟန်ငြီးဒွို က့ခွယ်ကာဘာလိ တထူးဆန်ခရားဖုန်း" ဒေါင့်ကာနိန်းအွယ့်။

Luke 5:8

ထွိုင်းသျှီးထွို့ တပျန့်အွယ့်ဟိုဖုန်း ရှိမုန်ပေတရုအွယ့် အိုနန်းခေါက်ဝယ်ကိုယ်တော်ယေရှုခင်ထီ့ထွို့ "ဗွယ်၊ ငါးဒွိုပျန့်တို ပလူးလီခိုဟမဲ့ စစွာ့ထန်းကေ့ ငါးဆောင့်လုဲင်" လျှောက်ဒင်နိန်းအွယ့်။

Luke 7:15

ပခုပီကစီ့ဒါအွယ့်ပလားအွယ့် ထွိုင်းအိုနင်းတာထွို့ တေးဒေါင်ထန်ငို။ထွို့မဲ့ ကိုယ်တော်ယေရှုအွယ့် ပြန်အပ်ချားဒါ့ ပသားပီးအွယ့်ပလားအမွိုဆောင့်။

Luke 7:39

ပလူးကပင့်လေဒါ ကိုယ်တော်ဖာရိရှဲပလားအွယ့် ထွိုင်းသျှီးထွို့ တာအွယ်ဗားထွို့ "ပလူးဒီ့ပလား မေပျန့်ယွမ် အရိယာဆူတော်ကောင်မှန်လဲ့ အာအီသိဘာတို ပမွော်ကခင်းဒါအာဒီ ပျန့်ပမွော် နိန်းမာ။ ပျန့်ပမွော် လီခိုဟလဲ့ အီသိဘာတို" အိုယူသကူ့နိန်းအွယ့််။

Luke 8:37

ပလူးအိုဂါရစဝိန်းဆောင့်လေး ကျွမ်ပလားပလားဒီ့ စကန်ကာယွမ်တွို့မဲ့ တောင်ပလန်လိုကာ ကိုယ်တော်ယေရှု ဖီအိုဝိန်းကူ့စစွာ့ထန်ကေ့။ ကိုယ်ယေရှု နောင် အာတပည့်ဖုန်းလဲ့ ထန်းကာဖောင်လောင်ထွို့ အိုအွယ့်ရပ်ကူ့ စစွာ့ထန်ကာကေ့။

Luke 9:19

အာကာအွယ့် "ပိန်ပလားပလားအွယ့် ဒေါင့်ကာကိုယ်တော်နုဲင့် ပျန့်တို ငွတ်သျှီ့မင်္ဂလာဆရာယောဟန် မကောင်၊ပျန့်တိုဧလိယ မကောင်၊ အကီကီခါ့ အရိယာဆူတော်ကောင်အပါး ဆက်ပြန်မွမ့်ချာဒါ မကောင် ဒေါင့်လိုကာနိန်းအွယ့်" လျှောက်လိုကာနိန်းအွယ့်။