Luke 6:20 - Lahta

²⁰ ထွို့မဲ့ကိုယ်တော်အွယ့် ခွယ်လေးမေငါး တပည့်ဖုန်းဆောင့်ထွို့ " ဗွယ်ဖရားသာသနာဒွို ပျန့်တို ဆင်ရဲစာတာအွယ့်မဲ့ နားက့ပျော်ကာချန်းလုဲင်။

Luke 6:20 Iomraidhean Croise

Luke 12:32

ဘဲဖုန်းပီ၊ ကျန်းစကန်ကာမာ။ နားက့ဖဖရာဒွို ဟွမ်နိတ်ဆက်တို ဖီဘာနားက့ သာသနာတော်။

Luke 13:28

" ဗွယ်ဖရာ သာသနာကုဒွို ခွယ်လိုကာဘာ အာဗြဟံ၊ ဣဇက် နောင် အရိယာဆူတော်ကောင်ဖုန်းလဲ့ နားက့ခံဘာဝါစွာ့ထန်းခုနောင့်အွယ့်ကြားမဲ့ နားက့ဒွို အိမ်းမေထွို့ အီငွိုသပီကူလာကာဘာတာ။

Luke 14:15

ကန်ဆျန်းဖုန်း အိုနန်းထွို့ အန်ကိုနောင်ကိုယ်တော်ခုံကုစာ အပလားအွယ့် "ဗွယ်ဖရာသာသနာတော်ကု ပလူးအိုနန်းထွို့ အန်ခွင်လစာဒွို ပျန့်တို ပလူးအီခံစာဘာ တခိုမင်္ဂလာဒူ" ဒေါင့်နိန်းအွယ့်။

Luke 16:25

ဒေါင့်မာလဲ့ အာဗြဟံပြန်ဒေါင့်ချာဒါ့ဒွို "ငါးဖုခု၊ ယူလလုဲင်။ နားကအိုမွမ့်ခါ့ဒီ့ အန်အွူအွူဘာထွို့ အိုနားစာယာဘာသ။ လာဇရုအွယ့် ခုဲင်ဘာတာ ကျွမ်းစွိုစွို။ ဒွိုးခါ့ အာဒွို့အိုပျော်ဘာလိတာထွို့ နားနုဲင့် အိုခံစာဘာယွမ်တွို့ ဝေဒနာ။

Luke 4:18

" ဗွယ်ဖရာရွေးငါး ဖီးဒေါင်ငိုစတင်း အီးကယ်ဆယ်ပလူးဖရန်ဖုန်း။ ဗွယ်ဖရာဒွို ကြွလေငါး ဖီးကဒေါင့်ဖီ ပလူးအိုခံ့ထောင်းစာဖုန်း၊ ဖီကလ တလွတ်ခွင်၊ ပလူးမေးသျှီ့စာ ဖီးကလတခါ့ နောင် ပလူးအိုခံစာဘာ တခုဲင်းတဖရန်ဖုန်း ဖီမိုးလွတ်လိထွိုခရာ။