ཏི་ཏོས། 3:3 - གློ་བ།

³ ཐེངས་གཅིག་ལ་འོ་རང་ཀྱའང་བླུན་པོ་དང་། ཁ་ལ་མེད་ཉན་གྱིན་དང་། མགོ་འཁོར་ཏེ་བསྡད་ད་དང་། འདོད་པ་དང་འདོད་ངན་སྣ་ཚོགས་ཀྱི་དབང་དུ་ཤོར་ཤ་དང་། དམི་ཅིག་གི་ངན་པ་དང་ཕྲག་དོག་གིས་ཁངས་ཁ་འོད་ད་ལགས། མི་གི་རི་ཡིས་འོ་རང་ལ་སྡང་ང་བྱས་བ་ལགས། དེ་ནས་འོ་རང་ནང་དུ་གཅིག་གིས་གཅིག་ལ་སྡང་ང་བྱས་བ་ལགས།

ཏི་ཏོས། 3:3 Iomraidhean Croise

མད་ཐཱ། 21:29

བི་ཛ་ཡིས་སྨྲས་བ་ལགས། ང་མེད་འགྲོ། ཡིན་ནའང་གཤམ་ལ་ཁོ་འགྱོད་པ་སྐྱེས་རེ་སོང་བ་ལགས།

ལུ་ཀ། 21:8

དེ་ནས་ཁོང་པ་ཡིས་གསུངས་བ་ལགས། སྤྱང་རྗེ་བྱེད། ཁྱེད་ཀྱ་ལ་སུས་འང་མ་བསླུ་བར་ཤོག། གི་བྱས་རེ་སྨྲ་ན་མི་མང་ང་ཡིས་ངའི་མིང་ཁྱེར་ཏེ་ང་ཁོ་རང་ཡིན་སྨྲས་རེ་འོང་གི་ལགས། དེ་ནས་དུས་ཚོད་ཉེ་རུ་སླེབས་ཚར་འདུག་སྨྲས་རེ་སྨྲ་གི་ལགས། ཁྱེད་ཀྱ་ཁོང་ཀྱ་ཡི་གཤམ་པ་ལ་མ་འབྲང་།

ཡོ་ཧ་ནན། 8:34

ཡེ་ཤུ་ཡིས་ཁོང་ཀྱ་ལ་གསུངས་བ་ལགས། ང་ཁྱེད་ཀྱ་ལ་བདེན་པ་བདེན་ཀྱང་སྨྲ་ཡིན། སྡིག་པ་བྱེད་མཁན་གི་རི་སྡིག་པའི་བྲན་གཡོག་ཡིན།

རོ་མཱ་པ། 11:30

ཨེན་མ་ཐེངས་གཅིག་ཁྱེད་ཀྱའང་དཀོན་མཆོག་གི་བཀའ་ལ་མེད་ཉན་གྱིན་འོད་ད་ལགས། ཡིན་ནའང་ཡིས་ར་ཨེལ་པ་ཀྱ་ཡིས་དཀོན་མཆོག་གི་བཀའ་ལ་མ་མཉན་གྱིན་རྐྱེན་གྱིས་ད་ལྟ་ཁྱེད་ཀྱ་ལ་སྙིང་རྗེ་ཐོབ་ཐ་ཅོག་རེ།

རོ་མཱ་པ། 6:12

འོ་བྱས་རེ་འདོད་ཆགས་ཀྱི་དབང་འོག་ཏུ་མེད་འགྲོ་ཡས་ཀྱི་ཕྱིར་ལ། སྡིག་པ་ལ་ཁྱེད་ཀྱ་ཡི་ཤི་རེ་འགྲོ་ཡས་ཡིན་གྱིན་ལུས་ལ་དབང་བྱེད་དུ་མ་བཅུག།

རོ་མཱ་པ། 6:17

ཡིན་ནའང་ང་དཀོན་མཆོག་ལ་བཀའ་དྲིན་ཆེ་ཞུ་བ་ཡིན། གི་བྱས་རེ་སྨྲ་ན་ཁྱེད་ཀྱ་ཨེན་མ་ཐེངས་གཅིག་སྡིག་པའི་བྲན་གཡོག་བྱུང་འོད་ན། ད་ལྟ་ཁྱེད་ཀྱ་ལ་བསླབས་ལ་ཆོས་ལ་ཁྱེད་ཀྱ་སྙིང་གཏིང་ནས་ཁ་ལ་ཉན་གྱིན་བྱུང་འདུག།

རོ་མཱ་པ། 6:22

ཡིན་ནའང་ད་ལྟ་ཁྱེད་ཀྱ་སྡིག་པའི་དབང་ནས་ཐར་པ་ཐོབ་སྟེ་དཀོན་མཆོག་གི་བྲན་གཡོག་བྱུང་འོད་ད་ལགས། འོ་བྱས་རེ་དེའི་ཕན་ཐོགས་ནི་ཁྱེད་ཀྱ་དམ་པ་ལ་འགྱུར་རི་འོད་ད་ལགས། དེ་ནས་འབྲས་བུ་གོ་མཐའ་མེད་པའི་ཚེ་སྲོག་ལགས།

རོ་མཱ་པ། 6:6

དེ་ནས་སྡིག་པའི་དབང་འོག་ཏུ་འོད་ཀྱིན་འོ་རི་ལུས་དེ་མེད་ད་ལ་བཏང་ཡས་དང་། འོ་རང་སྡིག་པའི་བྲན་གཡོག་མི་འབྱུང་ཡས་ཀྱི་ཆེད་དུ། འོ་རི་སྡིག་པའི་གཤིས་ཀ་གོ་ཁོང་མུ་ལ་རྒྱང་ཤིང་ལ་བརྐྱངས་པ་ལགས་སྨྲས་རེ་འོ་རང་ཤེས་ལ་ལགས།

༢ ཀོ་རིན་ཐུ་པ། 12:20

གི་བྱས་རེ་སྨྲ་ན་ང་འོངས་ང་རང་ངས་འདོད་ཀྱིན་ཅོག་རེ་ཁྱེད་ཀྱ་མེད་ཀྱིན་དང་། ཁྱེད་ཀྱི་འདོད་ཀྱིན་ཅོག་རེ་ང་མེད་ཀྱིན་གོ་ཐུག་གྲོ་སྨྲས་རེ་ང་འཇིགས་བའི། གཅིག་བྱེད་ན་འོ་དུ་རུ་སྡུག་ཀ་དང་། ཕྲག་དོག་དང་། ཁོང་ཁྲོ་དང་། རང་འདོད་དང་། དམའ་འབེབས་དང་། ཕྲ་མ་དང་། ང་རྒྱལ་དང་། རྙོག་དྲ་ཀྱ་འབྱུང་འོང་།

ག་ལ་ཏི་ཡཱ་པ། 6:3

མི་གཅིག་གིས་རང་གིའང་མིན་ད་རང་ལ་གཅིག་ཡིན་སྨྲས་རེ་བསམ་ན། ཁོས་རང་རང་ལ་མགོ་སྐོར་བཏང་ང་ལགས།

ཀོ་ལོ་སཱེ་པ། 1:21

ཨེན་མ་ཁྱེད་ཀྱ་ལས་ངན་པ་བྱས་རེ་དཀོན་མཆོག་ནས་ཁ་བྲལ་རེ། རྒྱང་དུ་སོང་རེ་རང་གི་སེམས་ནས་ཁོང་ལ་དགྲ་ཟིམ་པ་ལགས།

ཀོ་ལོ་སཱེ་པ། 3:7

ཁྱེད་ཀྱ་དོན་དེ་ཀྱ་ལ་མི་ཚེ་བསྐྱལ་ལི་གང་ལ་ཨེན་མ་དེ་རེ་ཀྱ་རང་བྱེད་ད་ལགས།

༢ ཏི་མོ་ཐེའུ། 3:13

ཡིན་ནའང་མི་ངན་པ་ཀྱ་དང་ཟོག་བྱེད་མཁན་ཀྱ་གཞན་མ་ཀྱ་ལ་མགོ་བ་སྐོར་ཏེ། དེ་ནས་རང་མགོ་སྐོར་ལ་ཆུད་དེ། སྡུག་ཏུ་སྡུག་ཏུ་འགྲོ་གི་ལགས།

༢ ཏི་མོ་ཐེའུ། 3:6

ཁོང་ཀྱ་ནས་རིང་འགའ་མགོ་སྐོར་བཏང་རེ་མིའི་ནང་ཀྱ་ལ་འཛུལ་རེ། སྡིག་པ་དང་འདོད་པ་སྣ་ཚོགས་ཀྱིས་བསྣེམས་ཏེ་བསྡད་ད་སྐྱེས་དམན་སྐྱོ་བ་ཀྱ་ལ་རང་གི་དབང་དུ་བསྡུ་ལ་ལགས།

ཏི་ཏོས། 1:16

མི་འོ་དེ་རེ་ཀྱ་དཀོན་མཆོག་ལ་ངོ་ཤེས་ཡས་འོད་སྨྲ་ལགས། ཡིན་ནའང་ཁོང་ཀྱ་ཡི་ལས་ཀ་ཀྱ་ཡིས་དཀོན་མཆོག་ལ་མཁས་ལེན་གྱིན་གོ་མེད་སྟོན་ད་ལགས། ཁོང་ཀྱ་དམི་ཅིག་གི་ཨམ་ལོག་བ་དང་། ཁ་ལ་མེད་ཉན་གྱིན་དང་། ལས་ཀ་བཟང་པོ་གི་རི་ལ་ཕན་མེད་ཐོགས་ཀྱིན་འོང་ང་ལགས།།

ཏི་ཏོས། 2:12

འོ་དེ་ཐུགས་རྗེ་ཡིས་འོ་རང་ལ་ཆོས་ལ་མི་མཐུན་གྱིན་དང་། འཇིག་རྟེན་གྱི་འདོད་པ་ཀྱ་སྤངས་ཏེ། འདི་འཇིག་རྟེན་དུ་བསམ་བློ་མཐོང་ང་དང་། དྲང་པོ་དང་། དཀོན་མཆོག་ལ་ཐུགས་མཉེས་པོ་མི་ཚེ་པུད་ཡས་ལ་བསླབ་བྱ་གནང་ང་ལགས།

ཡ་ཀོབ། 1:26

དེ་ནས་རང་ལ་དྲང་པོ་བསམས་ཏེ་ཡིན་ནའང་རང་གི་ལྕེ་མོ་ལ་བདག་པོ་མེད་བརྒྱབ་མཁན་མི་ཡིས་རང་ལ་མགོ་སྐོར་བཏང་ང་ལགས། དེ་ནས་ཁོས་ཆོས་གོའང་ཕན་མེད་ཐོག་བ་ལགས།

༡ པེ་ཏྲོ། 1:14

ཁྱེད་ཀྱ་ཕྲུ་བ་ཁ་ལ་ཉན་པོ་ཀྱ་ཅོག་རེ། ཨེན་མ་ཁྱེད་ཀྱིས་མ་ཤེས་བ་ལ་བྱས་བྱ་འདོད་ཆགས་ཀྱ་ལ་ཡང་ཁྱེད་ཀྱ་མ་འདྲེ།

མངོན་པ། 12:9

འོ་དེ་འབྲུག་ཆེ་གོ་མ་ལ་གཡུགས་པ་ལགས། དེ་ནི་འཇིག་རྟེན་གྱི་མི་གི་རི་ལ་བསླུ་གིན་བདུད་ཡང་ན་སཱ་ཏན་སྨྲས་རེ་སྨྲ་མཁན་ཨེན་མ་ཨེན་མའི་སྦྲུལ་གོ་ལགས། འོ་དེ་ལ་ས་གཞི་རུ་གཡུགས་པ་ལགས། དེ་ནས་འོ་དེ་མུ་ལ་ཁོའི་བང་ཆེན་ཀྱའང་གཡུགས་པ་ལགས།

མངོན་པ། 13:14

དེ་ནས་སེམས་ཅན་དང་པོའི་ཚབ་ལ་ཧང་སང་གིན་རྟགས་ཀྱ་སྟོན་ཡས་ཀྱི་ནུས་མཐུ་ཁོ་ལ་སྟེར་འོད་ད་ལགས། དེ་ནས་འདིའི་ཐོག་ནས་འོ་དེ་ཡིས་ས་གཞིའི་མི་ཀྱ་ལ་བསླུས་བ་ལགས། དེ་ནས་རལ་གྲི་གིས་རྨ་བཟོས་རེའང་གསོན་པོ་བྱུང་བྱ་སེམས་ཅན་དང་པོ་ལ་དམིགས་ཏེ་སྐུ་བཟོ་ཡས་ལ་འོ་དེ་ཡིས་མི་ཀྱ་ལ་བསྐུལ་བ་ལགས།

མངོན་པ། 18:2

དེ་ནས་འོ་དེ་ཡིས་གསུང་སྐད་ཆེ་ལ་དེ་རེ་གསུངས་བ་ལགས། མེད་ད་ལ་ལ་སོ། རྒྱལ་ས་ཆེ་བཱ་བི་ལོན་གོ་མེད་ད་ལ་ལ་སོ། མོ་ནི་འདྲེ་ཀྱ་ཡི་གནས་ས་བྱུང་འདུག། དེ་ནས་སེམས་ཉིད་མེད་གཙང་ང་སྣ་ཚོགས་ཀྱི་གནས་ས། དང་བྱ་མེད་གཙང་ང་སྣ་ཚོགས་ཀྱི་གནས་ས། དེ་ནས་སེམས་ཅན་མེད་གཙང་ང་དང་ཨམ་ལོག་བ་སྣ་ཚོགས་ཀྱི་གནས་ས་བྱུང་འདུག།