ཏི་ཏོས། 2:2 - གློ་བ།

² མི་རྒན་པ་ཀྱ་རང་ཚོད་ཟིམ་གྱིན་དང་། ཡ་རབས་དང་། བསམ་བློ་མཐོང་ང་དང་། དེ་ནས་དད་པ་དང་། བྱམས་པ་དང་། བཟོད་པ་ལ་བརྟན་པོ་འོང་དགོས་ཀྱི་ལགས་སྨྲས་རེ་ཤོད།

ཏི་ཏོས། 2:2 Iomraidhean Croise

མར་ཀུ། 5:15

ད་ཁོང་ཀྱ་ཡེ་ཤུ་རྩ་རུ་འོངས་རེ་ཨེན་ལ་འདྲེའི་དམག་ཚོགས་འཛུལ་ཛ་མི་གོ། ད་དགའ་ཡས་རེ་བྱུང་རེ་གོས་ལག་གོན་ཏེ་འོ་དུ་རུ་བསྡད་ཀྱིན་གོ་མཐོང་བ་ལགས། དེ་ནས་ཁོང་ཀྱ་འཇིགས་པ་ལགས།

ལུ་ཀ། 8:35

དེ་ནས་མི་ཀྱ་འོ་དུ་རུ་གི་བྱུང་གིན་གོ་ལྟ་ཡས་ལ་ཡེ་ཤུ་རྩ་རུ་འོངས་བ་ལགས། དེ་ནས་འདྲེ་ཐོན་ཐ་མི་གོ་ཡེ་ཤུའི་ཞབས་ཀྱི་གདོང་ལ་གོས་ལག་གོན་ཏེ་རིག་པ་བརྟན་པོ་བྱུང་རེ་བསྡད་ཀྱིན་གོ་མཐོང་རེ་འོ་དེ་མི་ཀྱ་འཇིགས་པ་ལགས།

མཛད་པ། 24:25

ཡིན་ནའང་པའུ་ལུ་ཡིས་དྲང་པོ་བྱུང་ཡས་དང་། རང་ཚོད་ཟིམ་གྱིན་དང་། ཁྲིམས་བཅད་ཀྱིན་ཉིན་མ་ཡི་སྐོར་ལ་བཤད་དེ་གང་ལ་ཕེ་ལིག་འཇིགས་པ་ལགས། དེ་ནས་ཁོ་ལ་སྨྲས་བ་ལགས། དི་རིང་གི་ཆེད་དུ་འགྲིག་སོང་། ད་སོང་། དེ་ནས་གོ་སྐབས་རག་ན་ངས་ཁྱོད་ལ་ཡང་ད་སྐད་བཏང་བོ།

རོ་མཱ་པ། 12:3

ང་ལ་གནང་ན་ཐུགས་རྗེའི་ལས་འགན་གྱི་སྒོ་ནས་ང་ཁྱེད་ཀྱ་རེ་རེ་ལ་སྨྲ་ཡིན། རང་ག་རེ་འོད་ཀྱིན་ནས་འང་ལྷག་མཐོ་བ་རང་ལ་མ་བསམ། ཡིན་ནའང་དཀོན་མཆོག་གིས་ཁྱེད་ཀྱ་ལ་གནང་ན་དད་པའི་ཚད་ལ་བརྟེན་དེ་བསམ་བློ་དྲང་པོ་གཏོང་།

༡ ཀོ་རིན་ཐུ་པ། 15:34

ཁྱེད་ཀྱ་རིགས་པ་ཟིན། དེ་ནས་ད་དེ་ནས་ཧ་ལ་སྡིག་པ་མ་བྱེད། ཁྱེད་ཀྱ་ནས་རིང་འགའ་ཡིས་དཀོན་མཆོག་ལ་ངོ་གོའང་མེད་ཤེས་ཀྱིན་བྱས་རེ། ཁྱེད་ཀྱ་ངོ་ཚ་དགོས་ཡས་འདུག་སྨྲས་རེ་ང་སྨྲ་ཡིན།

༡ ཀོ་རིན་ཐུ་པ། 9:25

རྩེད་མོ་ལ་བསྡུར་མཁན་ཀྱ་དོན་གི་རི་ལ་རང་ཚོད་ཟིམ་གྱིན་འོང་ང་ལགས། ཁོང་ཀྱ་མེད་ད་ལ་འགྲོ་གིན་བྱ་དགའ་ཡི་ཆེད་དུ་དེ་རེ་བྱེད་ད་ལགས། ཡིན་ནའང་འོ་རང་ཀྱ་མེད་ད་ལ་མེད་འགྲོ་གིན་བྱ་དགའ་ཡི་ཆེད་དུ་བྱེད་ད་ལགས།

༢ ཀོ་རིན་ཐུ་པ། 5:13

ད་འེ་ཀྱ་རིགས་པ་མི་ཟིམ་གྱིན་ཅོག་རེ་ཡིན་ན། དེ་ནི་དཀོན་མཆོག་གི་ཆེད་དུ་ལགས། དེ་ནས་འེ་ཀྱ་རིགས་པ་ཟིམ་ཏེ་བསྡད་འོད་ན། འོ་དེ་ཁྱེད་ཀྱ་ཡི་ཆེད་དུ་ལགས།

ག་ལ་ཏི་ཡཱ་པ། 5:23

ཉམ་ཆུང་དང་། རང་ཚོད་ཟིམ་གྱིན་ལགས། དེ་ཀྱ་ལ་མི་མཐུན་གྱིན་ཆོས་ཁྲིམས་མེད་ད་ལགས།

ཕི་ལིབ་པཱི་པ། 4:8

མཐའ་ལ་སྤུན་ཀྱ་བོ། ཁྱེད་ཀྱ་བདེན་པ་གི་ཡིན་གྱིན་དང་། བཀུར་སྟི་གི་ཡིན་གྱིན་དང་། དྲང་པོ་གི་ཡིན་གྱིན་དང་། གཙང་མ་གི་ཡིན་གྱིན་དང་། གཅེས་བ་ཐོབ་དགོས་ཀྱིན་གི་ཡིན་གྱིན་དང་། གུས་ཞབས་ཆེ་གི་ཡིན་གྱིན། དེ་ནས་བཟང་ང་དང་བསྟོད་པ་ཐོབ་དགོས་ཀྱིན་རེས་འོད་ཀྱིན་དོན་ཀྱ་ལ་བསམ་བློ་གཏོང་།

༡ ཐེ་ས་ལོ་ནི་ཀེ་པ། 5:6

འོ་བྱས་རེ་གཞན་མ་ཀྱ་ཅོག་རེ་འོ་རང་གཉིད་ལོག་སྟེ་མ་བསྡད་ད། སྤྱང་ཛེ་བྱས་རེ་ཚོད་ཟིམ་ཏེ་བསྡད་དོ།

༡ ཐེ་ས་ལོ་ནི་ཀེ་པ། 5:8

ཡིན་ནའང་འོ་རང་ཉིན་མོ་ལ་བསྡད་ཀྱིན་བྱས་རེ་སྤྱང་ཛེ་བྱེད། དེ་ནས་དད་པ་དང་བྱམས་པ་ཡི་ཁྲབ་དང་། ཐར་པ་ཡི་རེ་བའི་ལྕགས་ཞྭ་གོན།

༡ ཏི་མོ་ཐེའུ། 1:10

ལོག་གཡེམ་པ་ཀྱ་དང་། ཕོ་ལ་སྤྱོད་མཁན། དེ་ནས་མི་བྲན་གཡོག་ལ་བཙོངས་མཁན་དང་། ཟོག་བཤད་མཁན་ཀྱ། དེ་ནས་མནའ་མི་རྩི་མཁན་དང་། བྱིན་རླབས་ཅན་གྱི་དཀོན་མཆོག་གིས་ང་ལ་གནང་གིན་གཟི་བརྗིད་ཅན་གྱི་གཏམ་བཟང་གི་ལྟ་བ་དྲང་པོ་ལ་མི་མཐུན་གྱིན་གི་རིའི་ཕྱིར་ལ་ལགས།

༡ ཏི་མོ་ཐེའུ། 1:14

འོ་རི་གཙོ་བོ་ཡེ་ཤུའི་ཐུགས་རྗེ་མཱ་ཤི་ཀ་ཡེ་ཤུ་ནས་འབྱུང་གིན་དད་པ་དང་། བྱམས་པ་མུ་ལ་ང་ལ་མོད་ཆོད་ལི་གནང་ང་མཛད་སོང་།

༡ ཏི་མོ་ཐེའུ། 1:2

དད་པ་ལ་ངའི་བདེན་པའི་བུ་ཏི་མོ་ཐེའུ་ལ། ཡབ་དཀོན་མཆོག་དང་འོ་རི་གཙོ་བོ་མཱ་ཤི་ཀ་ཡེ་ཤུ་ནས་ཐུགས་རྗེ་དང་། སྙིང་རྗེ་དང་། ཞི་བདེ་བབ་པར་ཤོག།

༡ ཏི་མོ་ཐེའུ། 1:5

འོ་རི་བསླབ་བྱ་ཡི་དམིགས་ཡུལ་ནི་སེམས་གཙང་མ་དང་། ཤེས་རབ་བཟང་པོ་དང་། བདེན་པའི་དད་པ་ནས་འབྱུང་གིན་བྱམས་པ་ལགས།

༡ ཏི་མོ་ཐེའུ། 3:11

ཁོང་ཀྱ་ཡི་སྐྱེས་དམན་ཀྱ་འོ་བྱས་རེ་རང་ཡ་རབས་དང་། ཕྲ་མ་མི་བྱེད་ཀྱིན་དང་། བསམ་བློ་མཐོང་ང་དང་། གི་རི་ལ་དྲང་པོ་འོང་དགོས་ཀྱི་ལགས།

༡ ཏི་མོ་ཐེའུ། 3:2

འོ་བྱས་རེ་ཆོས་ཚོགས་ཀྱི་ལྟ་རྟོག་པ་གོ་སྐྱོན་འཛུགས་གིའང་མེད་ཀྱིན་དང་། སྐྱེས་དམན་གཅིག་གི་ཁྱོ་ག། བསམ་བློ་མཐོང་ང་། ཚོད་ཟིམ་གྱིན་དང་། ཡ་རབས་བཟང་ང་དང་། མགྲོན་པོ་བསུ་ཡས་ལ་དགའ་གིན། དེ་ནས་སློབ་དཔོན་བྱེད་ཡས་ལ་མཁས་བ་འོད་ཀྱིན།

༡ ཏི་མོ་ཐེའུ། 3:4

ཁོ་རང་གི་ཕྲུ་བ་ཀྱ་ལ་གི་རི་ནས་ཡ་རབས་ཀྱི་ཐོག་ནས་ཁ་ལ་ཉན་པོ་བཟོས་རེ། རང་གི་ནང་མི་ལ་ག་མོ་མ་སྐྱོང་དགོས་ཀྱི་ལགས།

༡ ཏི་མོ་ཐེའུ། 3:8

ཆོས་ཚོགས་ཀྱི་ཞབས་ཏོག་པ་ཀྱ་ཡ་རབས་དང་། ཁ་གཉིས་མེད་ཀྱིན་དང་། ཆང་མང་ང་འཐུང་ཉིད་མེད་འདོད་ཀྱིན་དང་། དངུལ་ལ་ཧམ་པ་མི་བྱེད་ཀྱིན་འོང་དགོས་ཀྱི་ལགས།

༡ ཏི་མོ་ཐེའུ། 5:1

མི་རྒས་པོ་ལ་ཚིག་རྩུབ་བ་མ་སྨྲ། ཡིན་ནའང་རང་གི་ཨ་རྒས་ཅོག་རེ་བརྩིས་རེ་ཞུ་འབོད་རྒྱོབ། དེ་ནས་གཞོན་པ་ཀྱ་ལ་ནུ་བོ་ཀྱ་ཅོག་རེ།

ཏི་ཏོས། 1:13

འདི་དཔང་པོ་དེ་བདེན་པ་ལགས། འོ་བྱས་རེ་འོ་དེ་ཀྱ་ལ་བསླབ་བྱ་ག་མོ་མ་སྟེར། དེ་ནས་ཁོང་ཀྱ་ཡི་དད་པ་བརྟན་པོ་བྱུང་རེ།

ཏི་ཏོས། 1:8

ཡིན་ནའང་ཁོ་མགྲོན་ལ་ཕེབས་བསུ་ཞུ་ཡས་ལ་དགའ་གིན་དང་། ལས་བཟང་པོ་བྱེད་ཡས་ལ་དགའ་གིན་དང་། རང་ཚོད་ཟིམ་གྱིན་དང་དྲང་པོ་དང་། དམ་པ་དང་སྤྱོད་པ་དྲུང་ང་འབྱུང་དགོས་ཀྱི་ལགས།

ཏི་ཏོས། 2:7

ལབ་གི་རི་ལ་རང་རང་ལ་ལས་བཟང་པོའི་དཔེ་སྟོན། ཁྱོད་རི་བསླབ་བྱ་གོ་དྲང་པོ་དང་ཡ་རབས།

ཕི་ལེ་མོན། 1:9

བྱམས་པའི་རྐྱེན་གྱིས་ང་ཁྱོད་ལ་ཞུ་བ་འབུལ་ལ་ཡིན། ང་མི་རྒས་པོ་པའུ་ལུ། མཱ་ཤི་ཀ་ཡེ་ཤུའི་དོན་དུ་བཙོན་པ་གཅིག།

༡ པེ་ཏྲོ། 1:13

འོ་བྱས་རེ་ཁྱེད་ཀྱ་རང་གི་སེམས་གྲ་སྒྲིག་བྱེད། དེ་ནས་སྤྱང་རྫེ་བྱས་རེ་སྡོད། དེ་ནས་ཡེ་ཤུ་མཱ་ཤི་ཀ་མངོན་ཏེ་གང་ལ། ཁྱེད་ཀྱ་ལ་གནང་ཡས་ཡིན་གྱིན་ཐུགས་རྗེ་གོ་ལ་རེ་བ་ཚང་གོ་བྱས་རེ་སྡོད།

༡ པེ་ཏྲོ། 4:7

དོན་གི་རིའི་མཐའ་གོ་ཉེ་སླེབས་འདུག། འོ་བྱས་རེ་ཁྱེད་ཀྱ་སྨོན་ལམ་བརྒྱབ་ཡས་ཀྱི་ཆེད་དུ་རང་ཚོད་ཟིམ་གྱིན་དང་གཟབ་གཟབ་འབྱུང་དགོས།

༡ པེ་ཏྲོ། 5:8

ཁྱེད་ཀྱ་རང་ཚོད་ཟིམ་ཏེ་སྤྱང་རྫེ་བྱེད། ཁྱེད་ཀྱ་ཡི་དགྲ་ཡིན་གྱིན་བདུད་ནི་ངར་སྐད་སྟོན་གྱིན་སེང་གེ་ཅོག་རེ། སུ་ལ་རྙེད་དེ་ཟ་གུ་ནུང་སྨྲས་རེ་བཙལ་རེ་རྒྱུག་བ་ལགས།

༢ པེ་ཏྲོ། 1:6

དེ་ནས་ཤེས་ཡོན་ལ་རང་ཚོད་ཟིམ་གྱིན། དེ་ནས་རང་ཚོད་ཟིམ་གྱིན་ལ་བཟོད་པ། དེ་ནས་བཟོད་པ་ལ་ཆོས་སེམས།