ཏི་ཏོས། 1:12 - གློ་བ།

¹² ཁོང་ཀྱ་ཡི་མངོན་ཤེས་མཁན་གཅིག་གིས་འང་ལེ་མོ་གཅིག་དེ་རེ་སྨྲས་འོད་ད་ལགས། ཀེ་རེད་ཀྱི་མི་ཀྱ་ནམ་ཡིན་ན་ཟོག་བཤད་ད་ལགས། ཁོང་ཀྱ་སེམས་ཅན་སྡུག་ཅག་ཅོག་རེ་དང་། ལས་མེད་ལམ་གྱིན་ཕོ་ཙང་ང་འོང་ང་ལགས།

ཏི་ཏོས། 1:12 Iomraidhean Croise

མཛད་པ། 17:28

གི་བྱས་རེ་སྨྲ་ན་ཁོང་པ་ཡིས་འོ་རང་ལ་མི་ཚེ་པུད་ཡས་དང་། རྒྱུག་ཡས་དང་། འོ་རང་སུ་ཡིན་གྱིན་གོ་འབྱུང་ཡས་ཀྱི་དབང་གནང་ང་ལགས། དེའི་སྐོར་ལ་ཁྱེད་རང་ཀྱ་ཡིས་ཡིག་རྩོམ་གྱིན་རིང་འགའ་ཡིས་སྨྲས་བ་ལགས། འོ་རང་ཀྱ་ཁོང་པ་ཡི་གདུང་བརྒྱུད་ལགས།

མཛད་པ། 2:11

ཡ་ཧུ་དཱ་པ་དང་ཡ་ཧུ་དཱ་པ་ཆོས་ལ་བསྒྱུར་གྱ་མི་ཀྱ་གཉིས་ཀ་ར་དང་། ཀཱེ་རེ་ཏ་དང་། ཨ་རབ་རྒྱལ་ཁབ་ནས་འོངས་བ་མི་ཀྱ་ལགས། དཀོན་མཆོག་གིས་མཛད་ཛ་ཧང་སང་གིན་ཕྱག་ལས་ཀྱ་ཡི་སྐོར་ལ་ཁོང་ཀྱ་ཡིས་འོ་རི་སྐད་ལ་བཤད་ཀྱིན་གོ་འོ་རང་ཀྱ་ཡིས་གོ་རི།

མཛད་པ། 27:12

དེ་ནས་འོ་དེ་གྲུ་ཁང་བརྟན་པོ་ལ་དགུན་ཁ་བསྡད་ཐུབ་ཡས་མེད་ཀྱིན་བྱུང་རེ། མང་ཆེ་ཡིས་འོ་དེ་ནས་ཕོ་ནིག་སི་རྒྱལ་ས་ལ་འགྲོ་ན་དགའ་གུ་ལགས་སྨྲས་རེ་བསམ་བློ་བཏང་བ་ལགས། འོ་དེ་རྒྱལ་ས་དེ་ལྷོ་ནུབ་དང་བྱང་ནུབ་ཕྱོགས་ལ་ཁ་ལོག་ལ་ཀེ་རེད་ཀྱི་གྲུ་ཁང་གཅིག་ལགས།

མཛད་པ། 27:13

ལྷོ་ཕྱོགས་ནས་རླུང་བུ་འཇམ་པོ་བརྒྱབ་བའི་གང་ལ། གྲུ་པ་ཀྱ་ཡིས་ད་ཁོ་རང་ཀྱ་འགྲོ་ཐུབ་ཡས་འདུག་བསམས་ཏེ། ཁོང་ཀྱ་ཡིས་གཏིང་རྡོ་གོ་བཏོན་ཏེ་ཀེ་རེད་ཀྱི་འགྲམ་ནས་སོང་བ་ལགས།

མཛད་པ། 27:7

བཞག་མོ་ག་ཞིང་ནས་འེ་ཀྱ་ག་ལེར་ག་ལེར་གྲུ་བཏང་བ་ལགས། དེ་ནས་དམི་ཅིག་གི་དཀའ་ལས་བྱས་རེ་ཀེ་ནེ་དུ་རུ་སླེབས་སོང་། དེ་ནས་འོ་དུ་རུ་ཡང་རླུང་བུ་བརྒྱབ་སྟེ་འེ་ཀྱ་ལ་འོ་དེ་ནས་ཧ་ལ་འགྲོ་རུ་མ་བཅུག་སོང་། འོ་བྱས་རེ་ལུང་བུ་ནས་འཐར་ཡས་ལ་འེ་ཀྱ་ཀེ་རེད་གླིང་ཕྲན་གྱི་འགྲམ་ནས་བྱུང་རེ། སལ་མོ་ནཱེའི་མཐའ་བསྐོར་ནས་བསྐོར་ཏེ་སོང་བའི།

རོ་མཱ་པ། 16:18

གི་བྱས་རེ་སྨྲ་ན་དེ་རེ་མི་ཀྱ་ཡིས་འོ་རི་གཙོ་བོ་མཱ་ཤི་ཀའི་ཆེད་དུ་ཞབས་ཕྱི་འབུལ་ལ་མིན་ད། ཡིན་ནའང་རང་གི་ཕོ་བ་ཆེད་དུ་བྱེད་ད་ལགས། དེ་ནས་དེ་རེ་ཀྱ་ཡི་ཁ་མཛེས་བ་དང་། པེ་ལེ་བཤད་དེ་མི་དཀྱུས་མ་ཀྱ་ཡི་སེམས་ཀྱ་བསླུས་ལ་ལགས།

ཕི་ལིབ་པཱི་པ། 3:19

ཁོང་ཀྱ་ཡི་མི་ཚེའི་མཐའ་ནི་གཏོར་བཤིག་ལགས། དེ་ནས་ཁོང་ཀྱ་ཡི་ལྷ་གོ་ཁོ་རི་ཕོ་བ་ལགས། དེ་ནས་ཁོ་རི་ངོ་ཚ་ལ་ཁོང་ཀྱ་ཡི་གཟི་བརྗིད་འོད་ད་ལགས། དེ་ནས་ཁོང་ཀྱ་ཡི་སེམས་འཇིག་རྟེན་གྱི་དོན་ཀྱ་ལ་ཆགས་བ་ལགས།

༡ ཏི་མོ་ཐེའུ། 4:2

དེ་རེ་བསླབ་བྱ་ཀྱ་ཟོག་བཤད་མཁན་ཀྱ་ཡི་སླུ་བྲིད་ནས་འོང་གི་ལགས། ཁོང་ཀྱ་ཡི་ཤེས་རབ་བཟང་པོ་མེ་ལྕགས་ཀྱིས་བསྲགས་ར་ཅོག་རེ་འོང་ང་ལགས།

ཏི་ཏོས། 1:5

ལས་ཀ་ལས་རེ་བསྡད་ད་གོ་འགྲུབ་ཏ་བཅུག་ཡས་དང་། རྒྱལ་ས་གི་རི་རུ་ངས་སྨྲས་ན་ཅོག་རེ་འགོ་ཁྲིད་ཀྱ་འདམ་ཡས་ལ། ངས་ཁྱོད་ལ་ཀེ་རེད་དུ་བོར་པའི།

༢ པེ་ཏྲོ། 2:12

ཡིན་ནའང་དེ་མི་ཀྱ་ཡིས་རང་གི་ཧ་མེད་གོ་གིན་དོན་ཀྱ་ལ་སྐུར་བ་འདེབས་པ་ལགས། དེ་ཀྱ་ནི་ཟིམ་ཏེ་བསད་ཡས་ཀྱི་ཆེད་དུ་གཅིག་ཀ་སྐད་ཀྱ་རིགས་པ་མེད་ཀྱིན་དང་། རང་འདོད་ཀྱི་སྤྱོད་པ་བྱེད་ཀྱིན་སེམས་ཅན་ཀྱ་ཅོག་རེ་ལགས། དེ་ནས་སེམས་ཅན་ཀྱ་ཅོག་རེ་ཁོང་ཀྱའང་མེད་ད་ལ་འགྲོ་གི་ལགས།

༢ པེ་ཏྲོ། 2:15

ཁོང་ཀྱ་ཡིས་དྲང་བདེན་གྱི་ལམ་སྤངས་རེ་ལམ་ནོར་ཏེ་བེ་ཨོར་གྱི་བི་ཛ་བཱ་ལམ་གྱི་གཤམ་པ་ལ་འབྲངས་འོད་ད་ལགས། ཁོ་ནི་མེད་དྲང་ང་བྱས་རེ་ཐོབ་ཀྱིན་གླ་ཆ་ལ་དགའ་ལ་ལགས།