ཏི་ཏོས། 1:10 - གློ་བ།

¹⁰ མི་མང་ཆེ་གཞན་མ་ཡི་འོག་ལ་མེད་བསྡད་ཀྱིན་དང་། དོན་དོག་མེད་ཀྱིན་ལབ་བཏང་གིན་དང་། མགོ་སྐོར་གྱིན་འོང་ང་ལགས། འོ་དེ་ཀྱ་ཡི་ཁོག་ནས་མང་ཆེ་ལྤགས་བོ་བཅད་ཀྱིན་སྲོལ་བྱེད་དགོས་ཀྱི་ལགས་སྨྲ་གིན་མི་ཀྱ་ལགས།

ཏི་ཏོས། 1:10 Iomraidhean Croise

མད་ཐཱ། 23:14

ཁྱེད་ཟོག་པོ་ཆོས་ཁྲིམས་ཀྱི་སློབ་དཔོན་དང་ཕཱ་རུ་ཤི་པ་ཀྱ་ལ་སྡུག་བསྔལ་ཆེ་འོང་བར་ཤོག། གི་བྱས་རེ་སྨྲ་ན་ཁྱེད་ཀྱ་ཡུག་ཟ་མ་ཀྱ་ཡི་ནང་ཧམ་པ་བྱས་རེ་འཕྲོག་བ་ལགས། དེ་ནས་སྨོན་ལམ་རིང་ང་རིང་ང་བརྒྱབ་སྟེ། མི་དྲང་པོ་ཡིན་དོག་དོག་བྱེད་ད་ལགས། འོ་བྱས་རེ་གཞན་མ་ནས་ཁྱེད་ཀྱ་ལ་མང་ང་ཆད་པ་ཕོག་གི་ལགས།

མཛད་པ། 11:2

འོ་བྱས་རེ་པེ་ཏྲོ་ཡེ་རུ་ཤ་ལེམ་དུ་སླེབས་ཏེ་ཡ་ཧུ་དཱ་པ་དད་པ་བྱེད་མཁན་ཀྱ་ཡིས་ཁོ་ལ་སྐྱོན་བཙུགས་པ་ལགས།

མཛད་པ། 15:1

འོ་དེ་གཤམ་ནས་མི་རིང་འགའ་ཡུ་དེ་ཡཱ་ནས་འོངས་རེ། ཨན་ཏི་ཡོག་རྒྱལ་ས་ཡི་དད་པ་བྱེད་མཁན་ཀྱ་ལ་དེ་རེ་བསླབ་བྱ་སྟེར་པ་ལགས། མོ་ཤེ་ཡིས་གནང་ན་ཆོས་ཁྲིམས་ཀྱི་སྲོལ་ཅོག་རེ་བྱེད་ཡས་ཡིན་ན། ལྤགས་བོ་བཅད་དེ་རྟགས་མ་བརྒྱབ་པ་ཁྱེད་ཀྱ་ལ་ཐར་པ་རག་ཐུབ་ཀྱི་མ་ལགས།

མཛད་པ། 15:24

འེ་ཀྱ་ཁོག་ནས་སོང་ས་མི་རིང་འགའ་ཡིས་བསླབ་བྱ་ཟོག་པོ་སྟེར་ཏེ། ཁྱེད་རང་ཀྱ་ལ་སྡུག་པོ་སྟེར་པ་ལགས་སྨྲ་གིན་ལབ་འེ་ཀྱ་ཡིས་ཧ་གོ་འོད། ཡིན་ནའང་འེ་ཀྱ་ཡིས་འོ་དེ་མི་ཀྱ་ལ་བརྫངས་བ་མ་ལགས།

མཛད་པ། 20:29

ང་སོང་ཚར་ཏེ་དམི་ཅིག་གི་འཇིགས་སྐྲག་ཆེ་སྤྱུང་གུ་ཅོག་རེ་མི་གཞན་མ་ཀྱ་ཁྱེད་རི་གུང་དུ་འཛུལ་གྱི་ལགས། དེ་ནས་དེ་ལུག་ཀྱ་ལ་སྡུག་པོ་སྟེར་གྱི་ལགས་སྨྲས་རེ་ང་ལ་ཆ་འོད།

ག་ལ་ཏི་ཡཱ་པ། 2:4

གི་བྱས་རེ་སྨྲ་ན་འེ་ཀྱ་ཡི་ཁོག་ལ་མཱ་ཤི་ཀ་བ་ཟོག་པོ་རིང་འགའ་གསང་རེ་འཛུལ་རེ། མཱ་ཤི་ཀ་ནས་འོ་རང་ལ་འོད་ཀྱིན་རང་དབང་གོ་ལ་སོ་པ་བརྒྱབ་ཏུ་འོངས་རེ། འོ་རང་ལ་ཆོས་ཁྲིམས་ཀྱི་དབང་ལ་ཤོར་དུ་བཅུག་ཡས་ཐབས་ཤེས་བྱེད་འདིག།

ག་ལ་ཏི་ཡཱ་པ། 3:1

ག་ལ་ཏི་ཡཱ་པ་གླེན་པ་ཀྱ་བོ། ཁྱེད་ཀྱ་ལ་སུས་མཐུ་བརྒྱབ་སོ། ཡེ་ཤུ་མཱ་ཤི་ཀ་རྒྱང་ཤིང་ཁར་ལ་གྲོངས་ཀྱིན་གོ། ཁྱེད་ཀྱི་མིག་གི་གདོང་དུ་ངས་གསལ་བོ་སྟོན་གྱིན་གོ་དྲན་པ་མིན་འདུག་བའི།

ཨེ་ཕེ་སུ་པ། 4:14

ད་འོ་རང་དེ་ནས་ཧ་ལ་མིའི་གཡོ་སྒྱུ་ནས། དེ་ནས་བསླུ་བྲིད་འོག་ལ་ཆུད་དེ། རྦ་རླབས་ཀྱ་ཡིས་ཧ་ལ་ཚུར་ལ་གཡོས་ཡ་དང་། ལྟ་བ་ལོག་པ་སྣ་ཚོགས་ཀྱིས་དཀྲུགས་ཀྲ་ཕྲུ་བ་ཀྱ་ཅོག་རེ་མི་བྱུང་བ།

༡ ཏི་མོ་ཐེའུ། 1:4

དེ་ནས་ཁུངས་ལུང་མེད་ཀྱིན་གཏམ་ཀྱ་དང་། རྫོགས་ཡས་མེད་ཀྱིན་རིགས་རྒྱུད་ཀྱ་ཡི་གཤམ་ལ་ཁོང་ཀྱ་ལ་འབྲང་དུ་མ་ཆུག། དེ་རེ་ཀྱ་ཡི་དད་པ་ནས་རག་ལུས་ཀྱིན་དཀོན་མཆོག་གི་ཕྱག་ལས་ཀྱ་སྒྲུབ་ཏུ་མི་བཅུག་བ་ལགས།

༡ ཏི་མོ་ཐེའུ། 1:6

མི་རིང་འགའ་དེ་ཀྱ་སྤངས་རེ་དོན་དག་མེད་ཀྱིན་བགྲོ་གླེང་ལ་མགོ་འཁོར་སྟེ་བསྡད་འདུག།

༡ ཏི་མོ་ཐེའུ། 1:9

དེ་ཤེས་རེ་ཆོས་ཁྲིམས་དེ་མི་དྲང་པོའི་ཕྱིར་ལ་མིན་ད་ཁྲིམས་གཏོར་མཁན་དང་། ཁ་ལ་མེད་ཉིན་མཁན། དེ་ནས་ཆོས་མི་རྩི་མཁན་ཀྱ་དང་། སྡིག་ཅན་ཀྱ། དེ་ནས་དམ་པ་མེད་མཁན་དང་། ཆོས་ལ་དོ་སྣང་མི་བྱེད་མཁན་ཀྱ། དེ་ནས་ཕ་མ་བསད་མཁན་ཀྱ་དང་། མི་བསད་མཁན་ཀྱ།

༢ ཏི་མོ་ཐེའུ། 3:13

ཡིན་ནའང་མི་ངན་པ་ཀྱ་དང་ཟོག་བྱེད་མཁན་ཀྱ་གཞན་མ་ཀྱ་ལ་མགོ་བ་སྐོར་ཏེ། དེ་ནས་རང་མགོ་སྐོར་ལ་ཆུད་དེ། སྡུག་ཏུ་སྡུག་ཏུ་འགྲོ་གི་ལགས།

༢ ཏི་མོ་ཐེའུ། 4:4

དེ་ནས་བདེན་པ་ནས་ལོག་སྟེ་ཁུངས་ལུང་མེད་ཀྱིན་གཏམ་རྒྱུད་ཀྱ་ཡི་གཤམ་ལ་འབྲངས་ཀྱི་ལགས།

ཏི་ཏོས། 1:6

འགོ་ཁྲིད་གོ་སྐྱོན་མེད་ཀྱིན་དང་། སྐྱེས་དམན་གཅིག་འོད་ཀྱིན་ཁྱོ་ག་འོང་དགོས་ཀྱི་ལགས། དེ་ནས་ཁོའི་ཕྲུ་བ་ཀྱ་དད་པ་བྱེད་ཀྱིན་དང་། སྤྱོད་པ་དགའ། དེ་ནས་ཁ་ལ་ཉན་གྱིན་འོང་དགོས་ཀྱི་ལགས།

ཡ་ཀོབ། 1:26

དེ་ནས་རང་ལ་དྲང་པོ་བསམས་ཏེ་ཡིན་ནའང་རང་གི་ལྕེ་མོ་ལ་བདག་པོ་མེད་བརྒྱབ་མཁན་མི་ཡིས་རང་ལ་མགོ་སྐོར་བཏང་ང་ལགས། དེ་ནས་ཁོས་ཆོས་གོའང་ཕན་མེད་ཐོག་བ་ལགས།

༡ ཡོ་ཧ་ནན། 2:18

གཅེས་བའི་ཕྲུ་བ་ཀྱ་བོ། ད་ལྟ་དུས་ཀྱི་མཐའ་མ་གོ་ལགས། མཱ་ཤི་ཀའི་དགྲ་གོ་འོང་བའི་སྨྲས་རེ་ཁྱེད་ཀྱིས་ཧ་གོ་མྱོང་འོད་ད་ལགས། དེ་ནས་ད་ལྟ་མཱ་ཤི་ཀའི་དགྲ་མང་ང་འོང་ཚར་འོད་ད་ལགས། འོ་བྱས་རེ་དུས་ཀྱི་མཐའ་མ་གོ་སླེབས་འདུག་སྨྲས་རེ་འོ་རིས་ཧ་གོ་ར་ལགས།

༡ ཡོ་ཧ་ནན། 2:4

ང་ཁོང་པ་ལ་ངོ་ཤེས་ལི་འོད་སྨྲས་རེ་སྨྲ་ཡས། ཡིན་ནའང་ཁོང་པ་ཡི་བཀའ་ཁྲིམས་ཀྱ་མི་སྲུང་ན། ཁོ་ཟོག་པོ་ལགས། དེ་ནས་ཁོའི་ནང་ལ་བདེན་པ་མེད་ཡོང་ང་ལགས།

༡ ཡོ་ཧ་ནན། 4:1

ངའི་གཅེས་བའི་ཀྱ་བོ། སེམས་ཉིད་འོད་ལེ་ལ་དད་པ་མ་བྱེད། ཡིན་ནའང་འོ་དེ་སེམས་ཉིད་ཀྱ་དཀོན་མཆོག་ནས་ཡིན། ཡང་ན་མིན་སྨྲས་རེ་ཚོད་ལྟ་བྱེད། གི་བྱས་རེ་སྨྲ་ན་འཇིག་རྟེན་དུ་མངོན་ཤེས་མཁན་ཟོག་པོ་མང་ང་ཐོན་ཚར་འདུག།

མངོན་པ། 2:14

ཡིན་ནའང་ང་ལ་ཁྱེད་ཀྱ་ལ་སྐྱོན་འཛུགས་ཡས་ཀྱི་ལབ་ཀྱ་འོད། ཁྱེད་ཀྱ་ཡི་ཁོག་ཏུ་བཱ་ལམ་གྱི་ཆོས་ལ་བསྟུན་གྱིན་མི་རིང་འགའ་འདུག ཡིས་ར་ཨེལ་པ་ཀྱ་ལ་སྡིག་པའི་ནང་དུ་སླུ་ཡས་ལ་ལྷ་སྐུ་འདྲ་ཀྱ་ལ་ཕུལ་པ་ཟ་མ་ཟ་ཡས་དང་། ལོག་གཡེམ་བྱེད་ཡས་ལ་བ་ལམ་གྱིས་བ་ལག་ལ་བསླབས་པ་ལགས།

མངོན་པ། 2:6

ཡིན་ནའང་ཁྱེད་ཀྱི་ཕྱོགས་ལ་བཟང་ང་གོ་གི་འདུག་སྨྲ་ན་ང་ཅོག་རེ་ཁྱེད་ཀྱ་ཡིས་འང་ནི་ཀོ་ལཱ་པ་ཀྱ་ཡི་ལས་ཀ་ལ་སྡང་ང་བྱེད་ད་ལགས།