མངོན་པ། 8:7 - གློ་བ།

⁷ ནམ་མཁའི་བང་ཆེན་དང་པོ་ཡིས་རང་གི་དུང་ཆེན་གོ་བུས་བ་ལགས། དེ་ནས་འོ་དུ་རུ་ཁྲག་བསྲེས་སྲ་གསེར་དང་མེ་ས་གཞིའི་ཁར་ལ་བབ་པ་ལགས། དེ་ནས་ས་གཞིའི་དུམ་བུ་གསུམ་ནས་གཅིག་དང་ཤིང་སྡོང་ཀྱ་ཡི་དུམ་བུ་གསུམ་ནས་གཅིག་དང་། རྩྭ་སྔོན་པོ་གི་རི་མེ་ཡིས་ཚིག་པ་ལགས།

མངོན་པ། 8:7 Iomraidhean Croise

ཡ་ཀོབ། 1:11

གི་བྱས་རེ་སྨྲ་ན་ཉི་མ་ཚ་ཤར་ཏེ་རྩྭ་ཀྱ་སྐམ་མ་ལགས། དེ་ནས་མེ་ཏོག་ས་ལ་བབ་སྟེ་འོ་དེའི་མཛེས་བ་གི་རི་ཡལ་ལ་ལགས། འོ་བྱས་རེ་རང་ཕྱུག་པོ་ཀྱ་རང་གི་ལས་ཀྱི་དོན་དག་གི་ཁོག་ལ་མེད་ད་ལ་འགྲོ་གི་ལགས།

༡ པེ་ཏྲོ། 1:24

གི་བྱས་རེ་སྨྲ་ན། ཤ་ཁྲག་གི་རི་རྩྭ་དང་འདྲ། གཟི་བརྗིད་གི་རི་རྩྭའི་མེ་ཏོག་འདྲ། རྩྭ་ནི་སྐམ་ནས་མེ་ཏོག་ཡལ།

མངོན་པ། 12:4

དེ་ནས་འོ་དེའི་རྔ་མ་ཡིས་གནམ་ནས་སྐར་མ་དུམ་བུ་གསུམ་ནས་གཅིག་རུག་སྟེ་ས་གཞི་དུ་གཡུགས་པ་ལགས། དེ་ནས་ཕྲུ་སྐྱེ་ལུང་མེད་ད་ལ་འོ་དེ་ཕྲུ་གོ་ལ་མིད་ཡས་ཀྱི་བསམ་བློ་བཏང་རེ། འོ་དེ་འབྲུག་གོ་འོ་དེ་ཕྲུ་སྐྱེ་ཡས་བྱེད་ཀྱིན་བུ་མོའི་གདོང་དུ་ལངས་རེ་བསྡད་འོད་ད་ལགས།

མངོན་པ། 16:2

དེ་ནས་ནམ་མཁའི་བང་ཆེན་དང་པོ་གོ་སོང་རེ་རང་གི་ཕོར་ར་གོ་ས་གཞི་ཁར་ལ་པོས་བ་ལགས། དེ་ནས་སེམས་ཅན་གྱི་རྟགས་འོད་ཀྱིན་དང་། འོ་དེའི་སྐུ་ལ་ཕྱག་མཆོད་པ་འབུལ་གྱིན་མི་གི་རི་ལ་འཇིགས་སྐྲག་ཆེ་དང་། ཟུག་ཆེ་བརྒྱབ་ཀྱིན་རྨ་ཐོན་པ་ལགས།

མངོན་པ། 16:21

དེ་ནས་གནམ་ནས་མ་ལ་ཀི་ལོ་བཞི་བཅུ་བཞི་བཅུ་ཚོད་འོད་ཀྱིན་སེར་ར་ཆེ་ཀྱ་མི་ཀྱའི་ཁར་ལ་བབས་པ་ལགས། དེ་ནས་སེར་ར་བརྒྱབ་ཀྱིན་སྡུག་པོ་ཡིས་བྱས་རེ་མི་ཀྱ་ཡིས་དཀོན་མཆོག་ལ་སྐུར་བ་འདེབས་པ་ལགས། གི་བྱས་རེ་སྨྲ་ན་སྡུག་པོ་དེ་དམི་ཅིག་གི་འཇིགས་སྐྲག་ཆེ་འོད་ད་ལགས།།

མངོན་པ། 6:8

ངས་བལྟས་བའི། དེ་ནས་འོ་དུ་རུ་རྟ་སེར་བོ་གཅིག་མཐོང་སོང་། འོ་དེ་ཁར་ལ་ཞོན་མཁན་གྱི་མིང་གོ་འཆི་བ་འདུག། དེ་ནས་གཤིན་པོ་ཀྱ་བསྡད་ས་གོ་འོ་དེའི་གཤམ་གཤམ་ལ་འབྲངས་བ་ལགས། དེ་ནས་ཁོང་ཀྱ་ལ་རལ་གྲི་དང་། མུ་གེ་དང་། འགོས་ནད་དང་། འཇིག་རྟེན་གྱི་གཅན་གཟན་གྱི་སྒོ་ནས་བསད་དུ་བཅུག་ཡས་ལ། འཇིག་རྟེན་གྱི་དུམ་བུ་བཞི་ནས་གཅིག་གི་ཁར་ལ་དབང་སྟེར་འོད་ད་ལགས།

མངོན་པ། 7:1

འོ་དེ་གཤམ་ནས་ས་གཞི། ཡང་ན་རྒྱ་མཚོ། ཡང་ན་སྡོང་པོ་གཅིག་འང་ཁར་ལ་རླུང་བུ་མི་རྒྱུག་བ་ཤོག་སྨྲས་རེ། ནམ་མཁའི་བང་ཆེན་བཞི་ས་གཞིའི་ཕྱོགས་བཞི་ཀ་ར་ཡི་རླུང་བུ་ལ་བཀག་སྟེ། ས་གཞིའི་ཕྱོགས་བཞི་ལ་བཞེངས་རེ་བཞུགས་ཀྱིན་གོ་ངས་མཐོང་སོང་།

མངོན་པ། 9:15

ད་མི་རིགས་ཀྱི་དུམ་བུ་གསུམ་ནས་དུམ་བུ་གཅིག་ལ་བསད་ཡས་ལ་འོ་དེ་དུས་ཚོད་དང་། འོ་དེ་ཉིན་མ་དང་། འོ་དེཟླ་བ་དང་། འོ་དེ་ལོའི་ཆེད་དུ་གྲ་སྒྲིག་བྱས་བྱ་འོ་དེ་ནམ་མཁའི་བང་ཆེན་བཞི་ལ་བཀྲོལ་བ་ལགས།

མངོན་པ། 9:18

དེ་ནས་ཁོང་ཀྱ་ཡི་ཁ་ནས་ཐོན་ཐ་མེ་དང་། དུད་པ་དང་། མུ་ཟིའི་གནོད་སྐྱོན་གསུམ་གྱིས་ཐོག་ནས་མི་རིགས་ཀྱི་དུམ་བུ་གསུམ་ནས་གཅིག་ལ་བསད་པ་ལགས།

མངོན་པ། 9:4

འོ་དེ་ཀྱ་ལ་ས་གཞི་ལ་འོད་ཀྱིན་རྩྭ་དང་། རྩི་ཤིང་སྣ་ཚོགས་དང་། ཤིང་སྡོང་གི་ལ་གནོད་མ་བསྐྱལ། ཡིན་ནའང་དཔྲལ་ལེ་ལ་དཀོན་མཆོག་གི་ཐེལ་ཙེ་མེད་ཀྱིན་མི་ཀྱ་ལ་གཅིག་ཀ་གནོད་སྐྱོལ་གསུངས་རེ་གསུངས་བ་ལགས།