མངོན་པ། 7:2 - གློ་བ།

² དེ་ནས་ཤར་ཕྱོགས་ནས་ནམ་མཁའི་བང་ཆེན་གཞན་མ་གཅིག་གིས། གསོན་པོ་དཀོན་མཆོག་གི་ཐེལ་ཙེ་འཁྱེར་ཏེ་ཡར་ལ་ཕེབས་ཀྱིན་གོ་ངས་མཐོང་སོང་། དེ་ནས་ས་གཞི་དང་རྒྱ་མཚོ་ལ་གནོད་བསྐྱལ་ཡས་ཀྱི་དབང་ཆ་ཐོབ་ཐ་ནམ་མཁའི་བང་ཆེན་བཞི་ལ། ཁོང་གིས་གསུང་སྐད་ཆེ་ལ་དེ་རེ་གསུངས་སོང་།

མངོན་པ། 7:2 Iomraidhean Croise

མད་ཐཱ། 16:16

སི་མོན་པེ་ཏྲོ་ཡིས་སྨྲས་བ་ལགས། ཁྱེད་རང་ནི་མཱ་ཤི་ཀ་གསོན་པོ་དཀོན་མཆོག་གི་སྲས་གོ་ལགས།

མད་ཐཱ། 26:63

ཡིན་ནའང་ཡེ་ཤུ་ཡིས་གིའང་མ་གསུངས་བ་ལགས། དེ་ནས་གཙོ་མཆོད་དཔོན་གྱིས་ཁོང་པ་ལ་སྨྲས་བ་ལགས། ང་དཀོན་མཆོག་གསོན་པོ་ལ་མནའ་བསྐྱལ་རེ་སྨྲ་ཡིན། ཁྱོད་དཀོན་མཆོག་གི་སྲས་མཱ་ཤི་ཀ་གོ་ཡིན་ནེ། འེ་ཀྱ་ལ་ཤོད།

ཡོ་ཧ་ནན། 6:27

མེད་ད་ལ་འགྲོ་གིན་ཟ་མ་ཡི་ཕྱིར་ལ་མིན་ད། ཡིན་ནའང་མིའི་བུ་ཡིས་གནང་གིན་མཐའ་མེད་པའི་ཚེ་སྲོག་འཚོ་གིན་ཟ་མ་ཡི་ཕྱིར་ལ་དཀའ་ལས་རྒྱོབ། གི་བྱས་རེ་སྨྲ་ན་ཁོང་པ་ཡི་ཁར་ལ་ཡབ་དཀོན་མཆོག་རང་གིས་རྟགས་མཛད་འོད་ད་ལགས།

༢ ཀོ་རིན་ཐུ་པ། 1:22

དེ་ནས་ཁོང་པ་ཡིས་འོ་རང་ཀྱ་ཁར་ལ་རང་གི་ཡིན་གྱིན་གྱི་ཐེལ་ཙེ་བརྒྱབ་མཛད་འོད་ད་ལགས། དེ་ནས་ཁོང་པ་ཡི་ཐུགས་ཉིད་གོ་འོ་རི་སེམས་ནང་ལ་འགན་ལེན་གྱི་ཆེད་དུ་གནང་འོད་ད་ལགས།

ཨེ་ཕེ་སུ་པ། 1:13

ཐར་པ་ཡི་གཏམ་བཟང་བདེན་པའི་བཀའ་མཉན་ཏེ་མཱ་ཤི་ཀ་ལ་དད་པ་བྱེད་མཁན་ཁྱེད་ཀྱ་ལ་དཀོན་མཆོག་ནས་རང་། དམ་བཅའ་མཛད་ཛ་དམ་པའི་ཐུགས་ཉིད་ཀྱིས་ཐེལ་ཙེ་བརྒྱབ་འོད་ད་ལགས།

ཨེ་ཕེ་སུ་པ། 4:30

དེ་ནས་ཐར་པའི་ཉིན་མའི་ཕྱིར་ལ་དམ་པའི་ཐུགས་ཉིད་ཀྱི་རྟགས་བརྒྱབ་གྱ་བྱས་རེ། དཀོན་མཆོག་གི་དམ་པའི་ཐུགས་ཉིད་ལ་སྐྱོ་རུ་མ་ཆུག།

༡ ཐེ་ས་ལོ་ནི་ཀེ་པ། 1:9

གི་བྱས་རེ་སྨྲ་ན་ཁྱེད་ཀྱ་ཡིས་འེ་ཀྱ་ལ་ཕེབས་ཞུ་གིན་དང་། སྐུ་འདྲ་ཀྱ་ལ་བོར་ཏེ་ཁྱེད་ཀྱ་གསོན་པོ་དང་བདེན་པ་དཀོན་མཆོག་ལ་བསྙེན་བཀུར་ཞུ་ཡས་ལ་འོང་གིན་དང་།

༢ ཏི་མོ་ཐེའུ། 2:19

ཡིན་ནའང་གཙོ་བོ་ཡིས་རང་གི་མི་ཀྱ་ལ་མཁྱེན་ད་ལགས། དེ་ནས་གཙོ་བོའི་མཚན་འབོད་མཁན་ཀྱ་ལས་ངན་ཀྱ་སྤངས་བར་ཤོག་སྨྲས་རེ་བྲིས་བྲ་དཀོན་མཆོག་གི་རྩིག་རྨང་གོ་བརྟན་པོ་བྱས་རེ་གནས་ལ་ལགས།

ཨིབ་རི་པ། 12:22

ཡིན་ནའང་ཁྱེད་ཀྱ་གསོན་པོ་དཀོན་མཆོག་གི་རྒྱལ་ས་ནམ་མཁའི་ཞིང་ཁམས་ཀྱི་ཡེ་རུ་ཤ་ལེམ། དེ་ནས་གྲངས་ཀ་མེད་ཐེབས་ཀྱིན་ནམ་མཁའི་བང་ཆེན་སྟོང་ཕྲག་གི་དགའ་སྤྲོ་ཀྱི་ཚོགས་འདུ་རུ་སི་ཡོན་གྱི་རི་ལ་འོངས་འོད་ད་ལགས།

མངོན་པ། 1:3

ད་འདི་མངོན་ཤེས་ཀྱི་ཚིག་ཀྱ་སྐད་བརྒྱབ་སྟེ་ཀློག་མཁན་ཀྱ་བྱིན་རླབས་ཆེ་ལགས། དེ་ནས་འདིའི་ནང་ལ་བྲིས་བྲ་ཀྱ་ཉན་དེ་སྲུང་མཁན་ཀྱ་བྱིན་རླབས་ཆེ་ལགས། གི་བྱས་རེ་སྨྲ་ན་དུས་ཚོད་གོ་ནི་ཉེ་སླེབས་འདུག།

མངོན་པ། 10:1

དེ་ནས་ངས་ནམ་མཁའི་ཞིང་ཁམས་ནས་གཞན་མ་དབང་ཆེ་ནམ་མཁའི་བང་ཆེན་གཅིག་བབ་སྟེ་ཕེབས་ཀྱིན་གོ་མཐོང་སོང་། ཁོང་ནི་སྲིང་པ་ཡིས་བཏུམས་ཏ་དང་ཁོང་གི་དབུ་ལ་འཇའ་འོད་ད་ལགས། དེ་ནས་ཁོང་གི་ཞལ་གོ་ཉི་མ་ཅོག་རེ་དང་ཞབས་ཀྱ་ནི་མེའི་ཀ་བ་ཅོག་རེ་འོད་ད་ལགས།

མངོན་པ། 10:4

དེ་ནས་འོ་དེ་འབྲུག་སྐད་བདུན་གྱིས་སྐད་བརྒྱབ་བ་རང་། ངས་འོ་དེ་འབྲི་གུ་བྱས་བའི། ཡིན་ནའང་ནམ་མཁའི་ཞིང་ཁམས་ནས་དེ་རེ་གསུངས་ཀྱིན་གསུང་སྐད་གཅིག་ངས་གོ་སོང་། འོ་དེ་འབྲུག་སྐད་བདུན་གྱི་གསུང་སྐད་གོ་ཁྱོས་མ་འབྲི་བ་གསང་བ་ཤོག།

མངོན་པ། 16:12

དེ་ནས་ནམ་མཁའི་བང་ཆེན་དྲུག་པ་ཡིས་རང་གི་ཕོར་ར་གོ་གཙང་པོ་ཆེ་ཡུ་ཕ་རཱད་ཀྱི་ཁར་ལ་པོས་བ་ལགས། དེ་ནས་ཤར་ཕྱོགས་ནས་འོངས་ཡས་ཡིན་གྱིན་རྒྱལ་བོ་ཀྱ་ཡི་ལམ་གྲ་སྒྲིག་བྱེད་ཡས་ཀྱི་ཆེད་དུ་འོ་དེ་གཙང་པོའི་ཆུ་སྐམས་པ་ལགས།

མངོན་པ། 5:2

དེ་ནས་ནམ་མཁའི་བང་ཆེན་དབང་ཆེ་གཅིག་གིས་གསུང་སྐད་ཆེ་ལ་དེ་རེ་གསུངས་ཀྱིན་གོ་ངས་མཐོང་སོང་། འདི་ཐེལ་ཙེ་ཀྱ་བཀོག་སྟེ་ཤོག་སྒྲིལ་གོ་བཤིག་རིན་ཁ་ཡས་སུ་འོད་ད་ལེ།

མངོན་པ། 8:3

དེ་ནས་ནམ་མཁའི་བང་ཆེན་གཞན་མ་གཅིག་གསེར་གྱི་སྤོས་ཕོར་འཁྱེར་ཏེ་ཕེབས་སོང་། དེ་ནས་མཆོད་ཁྲིའི་འགྲམ་དུ་བཞེངས་རེ་བཞུགས་སོང་། དེ་ནས་བཞུགས་ཁྲིའི་གདོང་དུ་འོད་ཀྱིན་གསེར་གྱི་མཆོད་ཁྲི་ཁར་ལ། དམ་པའི་མི་ཀྱ་ཡི་སྨོན་ལམ་ཀྱ་འབུལ་ཡས་ལ་ཁོ་ལ་སྤོས་མང་ང་གནང་བ་ལགས།

མངོན་པ། 9:14

དེ་ནས་དུང་ཆེན་འོད་ཀྱིན་ནམ་མཁའི་བང་ཆེན་དྲུག་པ་གོ་ལ་འདི་སྐད་ཀྱིས་དེ་རེ་གསུངས་སོང་། གཙང་པོ་ཆེ་ཡུ་ཕ་རཱད་འགྲམ་དུ་བསྡམས་དེ་བཞག་ཞ་ནམ་མཁའི་བང་ཆེན་བཞི་ལ་བཀྲོལ།

མངོན་པ། 9:4

འོ་དེ་ཀྱ་ལ་ས་གཞི་ལ་འོད་ཀྱིན་རྩྭ་དང་། རྩི་ཤིང་སྣ་ཚོགས་དང་། ཤིང་སྡོང་གི་ལ་གནོད་མ་བསྐྱལ། ཡིན་ནའང་དཔྲལ་ལེ་ལ་དཀོན་མཆོག་གི་ཐེལ་ཙེ་མེད་ཀྱིན་མི་ཀྱ་ལ་གཅིག་ཀ་གནོད་སྐྱོལ་གསུངས་རེ་གསུངས་བ་ལགས།