མངོན་པ། 5:10 - གློ་བ།

¹⁰ དེ་ནས་ཁོང་ཀྱ་ལ་འོ་རི་དཀོན་མཆོག་གི་ཆེད་དུ་རྒྱལ་ཁབ་དང་མཆོད་དཔོན་ཀྱ་བཀོད་མཛད་པ་ལགས། དེ་ནས་ཁོང་ཀྱ་ཡིས་འཇིག་རྟེན་དུ་དབང་བྱེད་ཀྱི་ལགས།

མངོན་པ། 5:10 Iomraidhean Croise

མངོན་པ། 1:6

དེ་ནས་འོ་རང་ལ་ཁོང་གི་ཡབ་དཀོན་མཆོག་ལ་ཞབས་ཕྱི་ཞུ་ཡས་ལ་རྒྱལ་སྲིད་དང་། མཆོད་དཔོན་མཛད་ཀྱིན་ཁོང་པ་ལ་གཟི་བརྗིད་དང་། དབང་རྒྱུན་ནས་རྒྱུན་དུ་འོང་བར་ཤོག། ཨ་མེན།

མངོན་པ། 20:4

དེ་ནས་ངས་བཞུགས་ཁྲི་ཀྱ་དང་ཁྲིམས་བཅད་མཛད་ཡས་ལ་དབང་ཆ་ཐོབ་ཐ་འོ་དེ་བཞུགས་ཁྲི་ཁར་ལ་བཞུགས་མཁན་ཀྱ་མཐོང་སོང་། དེ་ནས་ཡེ་ཤུ་ལ་བདེན་དཔང་བྱས་བྱ་དང་། དཀོན་མཆོག་གི་བཀའི་དོན་དུ་མགོ་བ་བཅད་ཅ་ཀྱ་ཡི་སེམས་ཉིད་ཀྱ་ངས་མཐོང་སོང་། ཁོང་ཀྱ་ཡིས་འོ་དེ་སེམས་ཅན་དང་འོ་དེའི་སྐུ་ལ་ཕྱག་མཆོད་པ་མ་ཕུལ་བ་ལགས། དེ་ནས་འོ་དེའི་རྟགས་དཔྲལ་ལེ་ཡང་ན་ལག་པ་ལ་མ་བརྒྱབ་པ་ལགས། ཁོང་ཀྱ་གསོན་པོ་བྱུང་བ་ལགས། དེ་ནས་མཱ་ཤི་ཀ་མུ་ལ་ཁོང་ཀྱ་ཡིས་ལོ་གཅིག་སྟོང་ཐུག་པའི་དབང་བསྒྱུར་བྱས་བ་ལགས།

མངོན་པ། 20:6

སླར་གསོན་པོ་དང་པོ་བྱུང་མཁན་ཀྱ་བྱིན་རླབས་ཆེ་དང་དམ་པ་ལགས། ཁོང་ཀྱ་ལ་འཆི་བ་གཉིས་བ་ཡིས་དབང་བྱེད་མི་ཐུབ་ཀྱི་ལགས། ཡིན་ནའང་ཁོང་ཀྱ་དཀོན་མཆོག་དང་མཱ་ཤི་ཀའི་མཆོད་དཔོན་བྱུང་རེ། མཱ་ཤི་ཀ་མུ་ལ་ལོ་གཅིག་སྟོང་ཐུག་པའི་དབང་བསྒྱུར་བྱེད་ཀྱི་ལགས།

མངོན་པ། 22:5

འོ་དུ་རུ་ཡང་ནམ་མའང་མཚན་འབྱུང་གི་མ་ལགས། དེ་ནས་གློག་དང་ཉི་མའི་འོད་ཁོང་ཀྱ་ལ་དགོས་ཀྱི་མ་ལགས། གི་བྱས་རེ་སྨྲ་ན་གཙོ་བོ་དཀོན་མཆོག་ཁོང་ཀྱ་ཡི་འོད་འབྱུང་གི་ལགས། དེ་ནས་ཁོང་ཀྱ་ཡིས་རྒྱུན་ནས་རྒྱུན་དུ་དབང་བསྒྱུར་བྱེད་ཀྱི་ལགས།

མངོན་པ། 3:21

དེ་ནས་སུ་རྒྱལ་ལི། འོ་དེ་གོ་ལ་ང་རང་འང་རྒྱལ་རེ་ངའི་ཡབ་ཀྱི་བཞུགས་ཁྲི་ལ་བསྡད་ཀྱིན་ཅོག་རེ། འོ་དེ་ལ་ངའི་བཞུགས་ཁྲི་རུ་ངའི་མུ་ལ་བསྡད་ཡས་ཀྱི་དབང་ཆ་སྟེར་ཡས་ཡིན།