མངོན་པ། 4:10 - གློ་བ།

¹⁰ འོ་དེ་སློབ་དཔོན་ཉི་ཤུ་རྩ་བཞི་གོ་བཞུགས་ཁྲི་རུ་བཞུགས་བ་མཛད་མཁན་གྱི་གདོང་དུ་ཕྱག་འཚལ་ལི། དེ་ནས་དུས་གཏན་དུ་གནས་བ་མཛད་མཁན་གོ་ལ་ཁོང་ཀྱ་ཕྱག་མཆོད་པ་འབུལ་ལི། དེ་ནས་ཁོང་ཀྱ་ཡིས་རང་རང་གི་ཅོད་པན་ཀྱ་བཞུགས་ཁྲི་གདོང་དུ་བཞག་སྟེ་དེ་རེ་གླུ་འབུལ་ལི།

མངོན་པ། 4:10 Iomraidhean Croise

མད་ཐཱ། 2:11

ད་ནང་ལ་འཛུལ་རེ་ཕྲུ་གོ་ལ་ཁོ་རི་ཡུམ་མིར་ཡམ་མུ་ལ་མཇལ་བ་ལགས། དེ་ནས་པུས་མོ་ས་ལ་བཙུགས་ཏེ་ཁོང་ཀྱ་ཡིས་ཁོང་པ་ལ་ཕྱག་འཚལ་བ་ལགས། དེ་ནས་གཏེར་སྒམ་ཁ་པེ་རེ་གསེར་དང་། སྤོས་དཀར་དང་། དྲི་ཞིམ་ཀྱ་བཏོན་ཏེ་ཁོང་པ་ཡི་གདོང་ལ་བྱ་དགའ་ཀྱ་ཕུལ་བ་ལགས།

ལུ་ཀ། 24:52

དེ་ནས་ཁོང་ཀྱ་ཡིས་ཁོང་པ་ལ་ཕྱག་འཚལ་རེ་དམི་ཅིག་གི་ཉམ་མོ་དགྱེས་རེ་ཡེ་རུ་ཤ་ལེམ་ལ་ལོག་པ་ལགས།

༡ ཀོ་རིན་ཐུ་པ། 15:10

ཡིན་ནའང་ང་ག་རེ་འོད་ཀྱིན་གོ་དཀོན་མཆོག་གི་ཐུགས་རྗེ་སྒོ་ནས་ཡིན། དེ་ནས་ང་ལ་ཐོབ་ཐ་ཁོང་པ་ཡི་ཐུགས་རྗེ་དེ་དོན་མེད་དུ་མ་བྱུང་སོང་། ཡིན་ནའང་ཁོང་ཀྱ་གི་རི་ནས་ལྷག་ངས་དཀའ་ལས་མང་ང་བརྒྱབ་པའི། གི་ཡིན་ན་ངས་ང་རང་གི་བྱས་རེ་མ་ལགས། ཡིན་ནའང་ངའི་མུ་ལ་བཞུགས་ཀྱིན་དཀོན་མཆོག་གི་ཐུགས་རྗེའི་ཐོག་ནས་ལགས།

མངོན་པ། 10:6

དེ་ནས་ནམ་མཁའི་ཞིང་ཁམས་དང་འོ་དེ་ནང་དུ་འོད་ཀྱིན། དེ་ནས་ས་གཞི་དང་འོ་དེ་ནང་འོད་ཀྱིན། དེ་ནས་རྒྱ་མཚོ་དང་འོ་དེ་ནང་འོད་ཀྱིན་གི་རི་བཀོད་མཛད་མཁན་དང་། རྒྱུན་ནས་རྒྱུན་དུ་གནས་ཀྱིན་ཁོང་གི་མཚན་ལ་དབུ་མནའ་བཞེས་རེ་ཁོང་གིས་གསུངས་བ་ལགས། ད་དེ་ནས་ལྷག་དལ་ལ་འབྱུང་གི་མ་ལགས།

མངོན་པ། 11:16

དེ་ནས་དཀོན་མཆོག་གི་གདོང་དུ་རང་རང་གི་བཞུགས་ཁྲིའི་ཁར་ལ་བཞུགས་ཀྱིན་སློབ་དཔོན་ཉི་ཤུ་རྩ་བཞི་ཀྱ་ཡིས་ཕྱག་འཚལ་རེ་དཀོན་མཆོག་ལ་ཕྱག་མཆོད་པ་ཕུལ་རེ།

མངོན་པ། 15:4

ཀྱེ་གཙོ་བོ། ཁྱེད་རང་ལ་འཇིགས་སྐྲག་སུས་མི་བྱེད་ཀྱི་ལགས་སེ། དེ་ནས་ཁྱེད་རང་གི་མཚན་ལ་སུས་བསྟོད་པ་མི་འབུལ་གྱི་ལགས་སེ། གི་བྱས་རེ་སྨྲ་ན་ཁྱེད་རང་གཅིག་ཀ་དམ་པ་འོད་ད་ལགས། དེ་ནས་མི་རིགས་གི་རི་འོངས་རེ་ཁྱེད་རང་ལ་ཕྱག་མཆོད་པ་འབུལ་གྱི་ལགས། གི་བྱས་རེ་སྨྲ་ན་ཁྱེད་རང་གི་དྲང་བདེན་གྱི་ཕྱག་ལས་ཀྱ་མངོན་འདུག།

མངོན་པ། 15:7

དེ་ནས་འོ་དེ་སེམས་ཅན་བཞི་བོ་ནས་གཅིག་གིས་དུས་གཏན་དུ་གནས་ཀྱིན། དཀོན་མཆོག་ཁོང་པའི་ཐུགས་ཁྲོ་ཡིས་ཁང་ཁ་གསེར་གྱི་ཕོར་ར་བདུན་གོ། འོ་དེ་ནམ་མཁའི་བང་ཆེན་བདུན་ལ་གནང་བ་ལགས།

མངོན་པ། 19:4

དེ་ནས་འོ་དེ་སློབ་དཔོན་ཉི་ཤུ་རྩ་བཞི་དང་སེམས་ཅན་བཞི་ཡིས་བཞུགས་ཁྲི་ལ་བཞུགས་མཁན་དཀོན་མཆོག་གི་དྲུང་དུ་ལུས་ས་ལ་བརྡབས་ཏེ། དེ་རེ་སྨྲས་རེ་ཕྱག་མཆོད་པ་ཕུལ་བ་ལགས། ཨ་མེན། ཧ་ལེ་ལུ་ཡཱ།

མངོན་པ། 4:2

དེ་ནས་ལམ་སང་ང་དམ་པའི་ཐུགས་ཉིད་ཀྱིས་ཁངས་སོང་། དེ་ནས་ནམ་མཁའི་ཞིང་ཁམས་དུ་བཞུགས་ཁྲི་གཅིག་འདུག། དེ་ནས་འོ་དེ་བཞུགས་ཁྲིའི་ཁར་ལ་བཞུགས་མཁན་གཅིག་འདུག།

མངོན་པ། 4:4

འོ་དེ་བཞུགས་ཁྲིའི་མཐའ་འཁོར་ལ་བཞུགས་ཁྲི་ཉི་ཤུ་རྩ་བཞི་འདུག། དེ་ནས་དབུ་ལ་གསེར་གྱི་ཅོད་པན་དང་གོས་དཀར་བོ་གོན་ག་སློབ་དཔོན་ཉི་ཤུ་རྩ་བཞི་འོ་དེ་བཞུགས་ཁྲི་ཀྱ་ཁར་ལ་བཞུགས་ཀྱིན་གོ་ངས་མཇལ་སོང་།

མངོན་པ། 4:9

དེ་ནས་འོ་དེ་སེམས་ཅན་ཀྱ་ཡིས་བཞུགས་ཁྲི་རུ་བཞུགས་བ་མཛད་མཁན་དང་། དུས་གཏན་དུ་གནས་བ་མཛད་མཁན་ཁོང་པ་ལ་གཟི་བརྗིད་དང་། བཀུར་སྟི་དང་། ཐུགས་རྗེ་འབུལ་ལི་གང་ལ།

མངོན་པ། 5:14

དེ་ནས་འོ་དེ་སེམས་ཅན་བཞི་ཀ་ར་ཡིས་ཨ་མེན་སྨྲས་བ་ལགས། དེ་ནས་འོ་དེ་སློབ་དཔོན་ཀྱ་ཡིས་ལུས་ས་ལ་བརྡབས་ཏེ་ཕྱག་འཚལ་བ་ལགས།།

མངོན་པ། 5:8

དེ་ནས་ཁོང་པ་ཡིས་འོ་དེ་ཤོག་སྒྲིལ་གོ་བསྣུམས་མ་མཛད་ཚར་ཏེ། འོ་དེ་སེམས་ཅན་བཞི་དང་སློབ་དཔོན་ཉི་ཤུ་རྩ་བཞི་གོ་ཀྱ་ལུག་ཕྲུག་གི་གདོང་དུ་ཕྱག་འཚལ་བ་ལགས། ཁོང་རེ་རེའི་ཕྱག་ལ་པི་ཝང་དང་སྤོས་ཁངས་ཁ་གསེར་གྱི་ཕོར་ར་ཀྱ་བསྣུམས་འོད་ད་ལགས། འོ་དེ་སྤོས་ཀྱ་དཀོན་མཆོག་གི་མི་ཀྱ་ཡིས་ཕུལ་པ་སྨོན་ལམ་ཀྱ་ལགས།

མངོན་པ། 7:11

དེ་ནས་ནམ་མཁའི་བང་ཆེན་ཀྱ་གི་རི་བཞུགས་ཁྲི་དང་། སློབ་དཔོན་ཀྱ་དང་། སེམས་ཅན་བཞི་ཀྱ་ཡི་མཐའ་འཁོར་ལ་བཞེངས་རེ་བཞུགས་འདུག། དེ་ནས་ཁོང་ཀྱ་བཞུགས་ཁྲིའི་གདོང་དུ་ཕྱག་འཚལ་རེ་དཀོན་མཆོག་ལ་དེ་རེ་སྨྲས་རེ་ཕྱག་མཆོད་པ་འབུལ་ལི།