མངོན་པ། 4:1 - གློ་བ།

¹ འོ་དེ་གཤམ་ནས་ངས་བལྟས་བའི། དེ་ནས་ནམ་མཁའི་ཞིང་ཁམས་དུ་སྒོ་གཅིག་པེ་རེ་བཞག་ཞ་ངས་མཐོང་སོང་། དེ་ནས་ངའི་ཨེན་ཡོག་ལ་གོ་ག་དུང་སྐད་ཀྱི་སྐད་ཅོག་རེ་ཡིས་ང་ལ་དེ་རེ་གསུངས་སོང་། དུ་རུ་ཡར་ལ་ཤོག།དེ་ནས་འདིའི་གཤམ་ནས་འབྱུང་དགོས་ཡས་ཡིན་གྱིན་དོན་ཀྱ་ངས་ཁྱོད་ལ་སྟོན་དོ།

མངོན་པ། 4:1 Iomraidhean Croise

མད་ཐཱ། 3:16

ཡེ་ཤུ་ཁྲུས་གསོལ་བཞེས་ཚར་ཏེ་ལམ་སང་ཁོང་པ་ཆུ་ནས་ཡར་ལ་བཞེངས་བའི་གང་ལ། ནམ་མཁའ་བས་རེ་དཀོན་མཆོག་གི་ཐུགས་ཉིད་ཕུག་རོན་གྱི་གཤིས་ཀ་ལ་བབ་ཀྱིན་དང་། ཁོང་པ་ཐོག་ལ་བཞུགས་ཀྱིན་གོ་གཟིགས་པ་ལགས།

མར་ཀུ། 1:10

ཆུའི་ནང་ནས་ཐོན་ལུང་མེད་ད་ལ་ཁོང་པ་ཡིས་ནམ་མཁའ་བབ་པ་དང་། དམ་པའི་ཐུགས་ཉིད་ཕུག་རོན་གྱི་གཤིས་ཀ་ལ་བབ་ཀྱིན་གོ་གཟིགས་པ་ལགས།

ལུ་ཀ། 3:21

ད་མི་གི་རི་ཡིས་ཁྲུས་གསོལ་ལེན་ཏེ་གང་ལ་ཡེ་ཤུ་ཡིས་འང་ཁྲུས་གསོལ་བཞེས་བ་ལགས། དེ་ནས་ཡེ་ཤུ་གསོལ་བ་འདེབས་བའི་གང་ལ་ནམ་མཁའ་གོ་བས་བ་ལགས།

ཡོ་ཧ་ནན། 16:13

དེ་ནས་བདེན་པ་ཡི་ཐུགས་ཉིད་ཕེབས་བའི་གང་ལ་ཁོང་གིས་ཁྱེད་ཀྱ་ལ་བདེན་པ་གི་རི་ནང་དུ་འཁྲིད་བ་མཛད་ཀྱི་ལགས། ཁོང་པ་ཡིས་རང་གི་ཐོག་ནས་གསུངས་ཀྱི་མ་ལགས། ཡིན་ནའང་ཁོང་གིས་གི་གསན་གྱིན་གོ་གསུང་བར་མཛད་ཀྱི་ལགས། དེ་ནས་མ་འོངས་པར་གྱི་དོན་ཀྱ་ཁྱེད་ཀྱ་ལ་བཤད་ཀྱི་ལགས།

མཛད་པ། 10:11

ཁོས་ནམ་མཁའི་ཞིང་ཁམས་བས་རེ་འོ་དེ་ནས་རས་ཆེ་གཅིག་ཟུར་བཞི་ནས་བཏགས་ཏེ་འཛམ་བུ་གླིང་ཕྱོགས་ལ་བབ་ཀྱིན་མཐོང་བ་ལགས།

མཛད་པ། 7:56

ཁོས་སྨྲས་བ་ལགས། ལྟོས་དང་། ངས་ནམ་མཁའི་ཞིང་ཁམས་བས་ཀྱིན་དང་། དཀོན་མཆོག་གི་གཡས་ཕྱོགས་ལ་མིའི་བུ་བཞེངས་ཏེ་བཞུགས་ཀྱིན་གོ་མཐོང་བའི།

མངོན་པ། 1:10

དེ་ནས་གཙོ་བོའི་ཉིན་མ་གོ་ལ་ང་དམ་པའི་ཐུགས་ཉིད་ཀྱི་དབང་འོག་ལ་འོད་ད་ལགས། དེ་ནས་ངའི་རྒྱབ་ནས་དུང་ཆེན་ཆེའི་སྐད་གཅིག་ཅོག་རེ་སྐད་ཆེ་གཅིག་ངས་གོ་སོང་།

མངོན་པ། 1:12

དེ་ནས་ང་ལ་བཀའ་མོལ་གསུངས་མཁན་གསུང་སྐད་ཕྱོགས་ལ་ངས་ཁ་བསློགས་ཏེ་བལྟས་བའི། དེ་ནས་ལོག་སྟེ་ལྟའི་གང་ལ། འོ་དུ་རུ་གསེར་གྱི་ཀྱུང་བདུན།

མངོན་པ། 1:19

འོ་བྱས་རེ་ཁྱོས་མཐོང་ཐ་དང་། ད་ལྟ་འོད་ཀྱིན་དང་། མ་འོང་པར་ལ་འབྱུང་ཡས་ཡིན་གྱིན་གོ་བྲིས།

མངོན་པ། 11:12

དེ་ནས་ནམ་མཁའི་ཞིང་ཁམས་ནས་ཁོང་ཀྱ་ལ་དེ་རེ་གསུངས་ཀྱིན་གསུང་སྐད་ཆེ་གཅིག་ཁོང་ཀྱ་ཡིས་གོ་པ་ལགས། དུ་རུ་ཡར་ལ་ཤོག། དེ་ནས་ཁོང་ཀྱ་ནམ་མཁའི་ཞིང་ཁམས་ཕྱོགས་ལ་སྲིང་པ་ནང་ལ་ཕེབས་པ་ལགས། དེ་ནས་ཁོང་ཀྱ་ཡི་དགྲ་ཀྱ་ཡིས་ཁོང་ཀྱ་ལ་བལྟས་རེ་བསྡད་པ་ལགས།

མངོན་པ། 11:19

དེ་ནས་ནམ་མཁའི་ཞིང་ཁམས་དུ་དཀོན་མཆོག་གི་མཆོད་ཁང་གི་སྒོ་གོ་བས་བ་ལགས། དེ་ནས་ཁོང་པ་ཡི་མཆོད་ཁང་ནང་དུ་ཁོང་པ་ཡི་དམ་བཅའ་འི་སྒམ་གོ་མཐོང་བ་ལགས། དེ་ནས་འོ་དུ་རུ་གློག་དམར་དང་། ལྡིར་སྒྲ་དང་། འབྲུག་སྒྲ་ཀྱ་ཐོན་པ་ལགས། དེ་ནས་སུང་གུ་སོང་བ་ལགས། དེ་ནས་སེར་ར་ཆེ་ཀྱ་བབ་པ་ལགས།།

མངོན་པ། 16:17

དེ་ནས་ནམ་མཁའི་བང་ཆེན་བདུན་པ་ཡིས་རང་གི་ཕོར་ར་གོ་རླུང་ལ་པོས་བ་ལགས། དེ་ནས་མཆོད་ཁང་གི་བཞུགས་ཁྲི་ནས་གསུང་སྐད་ཆེ་གཅིག་གིས་དེ་རེ་གསུངས་བ་ལགས། ད་རྫོགས་སོ།

མངོན་པ། 19:11

དེ་ནས་ངས་ནམ་མཁའི་ཞིང་ཁམས་བས་ཀྱིན་གོ་མཐོང་སོང་། དེ་ནས་འོ་དུ་རུ་རྟ་དཀར་བོ་གཅིག་འདུག། འོ་དེ་རྟ་ཁར་ལ་འཆིབ་མཁན་གྱི་མཚན་ལ་བློ་གཏད་ཆོག་པ་དང་བདེན་པ་འདུག། དྲང་བདེན་གྱི་ཐོག་ནས་ཁོང་པ་ཡིས་ཁྲིམས་གཅོད་མཛད་ཀྱི་ལགས། དེ་ནས་དམག་འཐྲབ་ཀྱི་ལགས།

མངོན་པ། 22:6

དེ་ནས་ནམ་མཁའི་བང་ཆེན་གྱིས་ང་ལ་གསུངས་སོང་། དེ་ལབ་ཀྱ་བློ་བཀལ་ཐུབ་ཀྱིན་དང་བདེན་པ་འདུག། ད་མགྱོགས་སེ་འབྱུང་ཡས་ཡིན་གྱིན་ལབ་ཀྱ་རང་གི་ཞབས་ཕྱི་ཀྱ་ལ་སྟོན་ཡས་ཀྱི་ཆེད་དུ། མངོན་ཤེས་མཁན་ཀྱ་ཡི་སེམས་ཉིད་ཀྱི་གཙོ་བོ་དཀོན་མཆོག་གིས་རང་གི་བང་ཆེན་ལ་བརྫངས་ང་མཛད་འདུག།