མངོན་པ། 3:4 - གློ་བ།

⁴ ཡིན་ནའང་སར་དཱི་རུ་རང་གི་གོས་ལག་མེད་གཙང་ང་མ་བཟོས་ཟ་མི་ཏི་ཏེ་རེ་འདུག། ཁོང་ཀྱ་ངའི་མུ་ལ་གོས་དཀར་བོ་གོན་ཏེ་བརྒྱུག་གི་ལགས། གི་བྱས་རེ་སྨྲ་ན་ཁོང་ཀྱ་ལ་དེ་རེ་བྱེད་ཡས་ཁ་ཡས་འདུག།

མངོན་པ། 3:4 Iomraidhean Croise

མད་ཐཱ། 10:11

དེ་ནས་ཁྱེད་ཀྱ་རྒྱལ་ས་ཡང་མེད་ན་ཡུལ་ག་རུ་འགྲོ་ན། འོ་དུ་རུ་ཁྱེད་ཀྱ་ལ་བསྡད་དུ་བཅུག་ཉིད་འདོད་མཁན་གོ་ལ་ཚོལ། དེ་ནས་འོ་དེ་ནས་མེད་འགྲོ་གིན་ཐུག་པའི་འོ་དུ་རུ་རང་སྡོད།

མར་ཀུ། 16:5

དུར་ཁྲོད་ནང་དུ་འཛུལ་ལི་གང་ལ། ཁོང་ཀྱ་ཡིས་གོས་ལག་དཀར་བོ་གོན་ག་མི་ཁྱོག་ཐོང་གཅིག་གཡས་ཕྱོགས་དུ་བསྡད་ད་མཐོང་རེ་ཁོང་ཀྱ་འཇིགས་པ་ལགས།

ལུ་ཀ། 20:35

ཡིན་ནའང་མ་འོངས་པར་གྱི་དུས་ལ་འགྲོ་ཡས་དང་། འཆི་བ་ནས་གསོན་ཡས་ཡིན་གྱིན་བརྩིས་ཙ་མི་ཀྱ་མནའ་མ་ལེན་ཡས་དང་མནའ་མ་ལ་བཏང་མི་བྱེད་ད་ལགས།

ལུ་ཀ། 21:36

ཡིན་ནའང་འོང་ཡས་བྱེད་ཀྱིན་དེ་གི་རི་ནས་ཐར་ཡས་དང་། མིའི་བུའི་དྲུང་དུ་ལངས་རེ་བསྡད་ཐུབ་ཡས་ཀྱི་ཕྱིར་ལ་ཙོག་བའི་གསོལ་བ་བརྒྱབ་སྟེ་སྤྱང་རྗེ་བྱས་རེ་སྡོད།

མཛད་པ། 1:15

ཞག་མོ་ཏི་ཏེ་གཤམ་ནས་ཡེ་ཤུ་ལ་དད་པ་བྱེད་མཁན་མི་བརྒྱ་དང་ཉི་ཤུ་ཚོད་ཀྱི་ཁོག་ཏུ་པེ་ཏྲོ་ལངས་རེ་དེ་རེ་སྨྲས་བ་ལགས།

༢ ཐེ་ས་ལོ་ནི་ཀེ་པ། 1:5

དེ་ནས་དཀོན་མཆོག་གི་རྒྱལ་སྲིད་ནང་དུ་ཁྱེད་ཀྱ་འགྲོ་ཐུབ་ཡས་མི་འབྱུང་ཡས་ཀྱི་དོན་ལ། ཁྱེད་ཀྱ་ཡི་སྡུག་པོ་མྱངས་ཀྱིན་གོ་དཀོན་མཆོག་གི་ཁྲིམས་གཅོད་དྲང་པོའི་དཔང་པོ་ལགས།

ཡུ་དཱ། 1:23

དེ་ནས་གཞན་མ་ཀྱ་ལ་མེའི་ཁོག་ནས་བཏོན་ཏེ་སྐྱོབས། དེ་ནས་དཀོན་མཆོག་གི་འཇིགས་སྣང་མུ་ལ་གཞན་མ་ཀྱ་ལ་སྙིང་རྗེ་སྟོན། ཡིན་ནའང་ཁོང་ཀྱ་ཡི་སྡིག་པའི་འདོད་ཆགས་ཀྱི་བཙོག་པ་བཟོ་གིན་གོས་ལ་སྡང་ང་བྱེད།

མངོན་པ། 1:11

འོ་དེ་ཡིས། ཁྱོས་གི་མཐོང་གིན་གོ་དེབ་ལ་བྲིས། དེ་ནས་དེ་ཆོས་ཚོགས་བདུན་ཀྱ་ཨེ་ཕེ་སུ་དང་། སི་མིར་ནཱ་དང་། པེར་ག་མོན་དང་། ཐི་ཡ་ཏི་རཱ་དང་། སར་དཱི་དང་། ཕི་ལ་དེལ་ཕི་ཡཱ་དང་། ལའོ་དི་ཀེ་ཡཱ་ལ་སྐུར་གསུངས་རེ་གསུངས་སོང་།

མངོན་པ། 11:13

འོ་དེ་དུས་ལ་རང་སུང་གུ་ཆེ་གཅིག་སོང་བ་ལགས། དེ་ནས་རྒྱལ་སའི་དུམ་བུ་བཅུ་ནས་གཅིག་བརྡིབས་པ་ལགས། དེ་ནས་སུང་གུ་གོ་ལ་མི་སྟོང་བདུན་ཤི་བ་ལགས། དེ་ནས་ལྷག་མ་ལྷག་ལ་ཀྱ་འཇིགས་པ་ལགས། དེ་ནས་ཁོང་ཀྱ་ཡིས་ནམ་མཁའི་ཞིང་ཁམས་ཀྱི་དཀོན་མཆོག་ལ་བསྟོད་པ་ཕུལ་བ་ལགས།

མངོན་པ། 14:4

ཁོང་ཀྱ་ནི་བུ་མོ་ཀྱ་མུ་ལ་མ་འདྲེས་བ་རང་ལ་གཙང་མ་བཞག་འོད་ད་ལགས། ཁོང་ཀྱ་ནི་ལུག་ཕྲུ་ག་རུ་ཕེབས་ས་རུ་གཤམ་པ་ལ་འབྲང་མཁན་ཀྱ་ལགས། དེ་ནས་ཁོང་ཀྱ་ནི་དཀོན་མཆོག་དང་ལུག་ཕྲུག་གི་ཆེད་དུ། ལོ་ཏོག་གི་ཕུད་ཅོག་རེ་མི་ཀྱ་ནས་རིན་སྟེར་ཏེ་བླུས་ལོ་བ་ཀྱ་ལགས།

མངོན་པ། 19:14

ནམ་མཁའི་ཞིང་ཁམས་ཀྱི་དམག་མི་ཀྱ་གོས་སྤུས་མ་དཀར་བོ་དང་གཙང་མ་གོན་ཏེ། རྟ་དཀར་བོ་ཀྱ་ཁར་ལ་བཞོན་ཏེ་ཁོང་པ་ཡི་གཤམ་ལ་འབྲངས་བ་ལགས།

མངོན་པ། 19:8

གོས་སྤུས་མ་དང་ཕྲ་ཆག་བའི་དང་གཙང་མ་གཅིག་མོ་ལ་གོན་ཡས་ལ་གནང་བ་ལགས། རས་སྤུས་མ་དེ་ནི་དམ་པའི་མི་ཀྱ་ཡི་ལས་བཟང་པོ་ཀྱ་ལ་སྟོན་ད་ལགས།

མངོན་པ། 3:18

འོ་བྱས་རེ་ཁྱོད་ཕྱུག་པོ་འབྱུང་ཡས་ཀྱི་ཆེད་དུ་ང་ནས་མེ་ཡིས་གཙང་མ་བཟོས་ཟ་གསེར་དང་། རང་གི་དམར་ཧྲང་ང་བྱུང་བྱ་ཡི་ངོ་ཚ་བཀབ་ཡས་ཀྱི་ཆེད་དུ། གོས་དཀར་བོ་དང་ཁྱོད་མཐོང་ཐུབ་ཡས་ཀྱི་ཆེད་དུ་ཁྱོའི་མིག་ལ་སྨན་ང་ནས་ཉོས་སྨྲས་རེ་ང་ཁྱོད་ལ་བསླབ་བྱ་སྟེར་ར་ཡིན།

མངོན་པ། 3:5

དེ་ནས་སུ་རྒྱལ་ལི། འོ་དེ་གོ་ལ་ང་ཁོང་ཀྱ་ལ་ཅོག་རེ་གོས་དཀར་བོ་བསྐོན་ཡས་ཡིན། དེ་ནས་ཁོའི་མིང་གོ་ང་ཚེ་སྲོག་གི་དེབ་ནས་བསུབ་ཡས་མིན། དེ་ནས་ང་ཁོའི་མིང་ངའི་ཡབ་དང་ཁོང་པའི་བང་ཆེན་ཀྱ་ཡི་དྲུང་དུ་ཁས་ལེན་བྱེད་ཡས་ཡིན།

མངོན་པ། 4:4

འོ་དེ་བཞུགས་ཁྲིའི་མཐའ་འཁོར་ལ་བཞུགས་ཁྲི་ཉི་ཤུ་རྩ་བཞི་འདུག། དེ་ནས་དབུ་ལ་གསེར་གྱི་ཅོད་པན་དང་གོས་དཀར་བོ་གོན་ག་སློབ་དཔོན་ཉི་ཤུ་རྩ་བཞི་འོ་དེ་བཞུགས་ཁྲི་ཀྱ་ཁར་ལ་བཞུགས་ཀྱིན་གོ་ངས་མཇལ་སོང་།

མངོན་པ། 6:11

ཁོང་ཀྱ་གི་རི་ལ་གོས་དཀར་བོ་གནང་བ་ལགས། དེ་ནས་ཁོང་ཀྱ་ཡི་ལས་རོགས་དང་། སྤུན་ཀྱའང་ཁོང་ཀྱ་ལ་ཅོག་རེ་བསད་དེ་གྲངས་ཀ་མ་ཚང་གིན་ཐུག་པའི། དོ་རང་འང་ཅེ་གཅིག་ངལ་གསོས་རེ་སྡོད་སྨྲས་རེ་གསུངས་བ་ལགས།

མངོན་པ། 7:9

འོ་དེ་གཤམ་ནས་སུས་འང་གྲངས་ཀ་བརྒྱབ་མི་ཐུབ་ཀྱིན་མི་རིགས་འོད་ལེ་དང་། རྒྱུད་པ་འོད་ལེ་དང་། མི་མང་འོད་ལེ་དང་། སྐད་རིགས་འོད་ལེའི་མི་ཚོགས་ཆེ་གཅིག་བཞུགས་ཁྲི་དང་། ལུག་ཕྲུག་གི་གདོང་དུ་ལངས་རེ་བསྡད་ཀྱིན་གོ་ངས་མཐོང་སོང་། དེ་ནས་ཁོང་ཀྱ་གོས་དཀར་བོ་གོན་ཏེ་ལག་པ་རུ་ཤིང་ཏ་ལའི་ཡལ་ག་ཀྱ་འཁྱེར་ཏེ་བསྡད་འདུག།