མངོན་པ། 21:3 - གློ་བ།

³ དེ་ནས་བཞུགས་ཁྲི་ནས་གསུང་སྐད་ཆེ་གཅིག་གིས་དེ་རེ་གསུངས་ཀྱིན་གོ་ངས་གོ་སོང་། ལྟོས་དང་། དཀོན་མཆོག་གི་གནས་ས་གོ་ད་མི་ཀྱ་ཡི་ཁོག་ཏུ་བྱུང་འདུག། དེ་ནས་ཁོང་པ་ཁོང་ཀྱ་ཡི་ཁོག་ཏུ་བཞུགས་བ་མཛད་ཀྱི་ལགས། དེ་ནས་ཁོང་ཀྱ་དཀོན་མཆོག་གི་མི་འབྱུང་གི་ལགས། དེ་ནས་དཀོན་མཆོག་ཁོང་པ་རང་ཁོང་ཀྱ་མུ་ལ་འོང་གི་ལགས། དེ་ནས་ཁོང་ཀྱ་ཡི་དཀོན་མཆོག་འབྱུང་གི་ལགས།

མངོན་པ། 21:3 Iomraidhean Croise

ཡོ་ཧ་ནན། 1:14

དེ་ནས་བཀའ་གོ་ལུས་ལ་གྱུར། དེ་ནས་འོ་རང་མུ་ལ་བཞུགས། ཁོང་ནི་ཐུགས་རྗེ་དང་བདེན་པ་ཡིས་ཁངས་འོད་ད་ལགས། ཁང་གི་གཟི་བརྗིད་ཡབ་དཀོན་མཆོག་ནས་ཡིན་གྱིན་སྲས་གཅིག་པོའི་གཟི་བརྗིད་འོ་རི་མཇལ་བ་ལགས།

ཡོ་ཧ་ནན། 14:23

ཡེ་ཤུ་ཡིས་ཁོ་ལ་བཀའ་ལན་གསུངས་བ་ལགས། ང་ལ་བྱམས་པ་བྱེད་མཁན་གྱིས་ངའི་བཀའ་སྲུང་གི་ལགས། དེ་ནས་ངའི་ཡབ་ཀྱིས་ཁོ་ལ་བྱམས་པ་མཛད་ཀྱི་ལགས། དེ་ནས་ང་དང་ངའི་ཡབ་ཁོ་རྩ་རུ་ཕེབས་ཏེ་ཁོའི་མུ་ལ་གནས་ཡས་ཡིན།

༢ ཀོ་རིན་ཐུ་པ། 6:16

དཀོན་མཆོག་གི་མཆོད་ཁང་དང་ལྷ་སྐུ་འདྲ་ཀྱ་འབྲེལ་བ་གི་འོད་ད་ལེ། གི་བྱས་རེ་སྨྲ་ན་འོ་རང་སྐུ་གསོན་པོ་དཀོན་མཆོག་གི་མཆོད་ཁང་ལགས། འོ་བྱས་རེ་དཀོན་མཆོག་གིས་དེ་རེ་གསུངས་འོད་ད་ལགས། ང་ཁོང་ཀྱ་ཡི་གུང་དུ་གནས་ཡས་ཡིན། དེ་ནས་ཁོང་ཀྱ་མུ་ལ་བརྒྱུག་ཡས་ཡིན། དེ་ནས་ང་ཁོང་ཀྱ་ཡི་དཀོན་མཆོག་འབྱུང་ཡས་ཡིན། དེ་ནས་ཁོང་ཀྱ་ངའི་མི་རྒྱུད་འབྱུང་གི་ལགས།

༢ ཀོ་རིན་ཐུ་པ། 6:18

དེ་ནས་ང་ནི་ཁྱེད་ཀྱ་ཡི་ཡབ་འབྱུང་ཡས་ཡིན། དེ་ནས་ཁྱེད་ཀྱ་ངའི་བུ་དང་བུ་མོ་འབྱུང་གི་ལགས། གསུངས་རེ་ཀུན་དབང་དཀོན་མཆོག་གིས་གསུངས་བའི།།

༡ ཐེ་ས་ལོ་ནི་ཀེ་པ། 3:11

ད་འོ་རི་ཡབ་དཀོན་མཆོག་དང་། འོ་རི་གཙོ་བོ་ཡེ་ཤུ་ཡིས་རང་འེ་ལ་ཁྱེད་ཀྱ་རྩ་རུ་འགྲོ་ཡས་ལ་ལམ་གྲ་སྒྲིག་གནང་བར་ཤོག

ཨིབ་རི་པ། 11:16

ཡིན་ནའང་ཁོང་ཀྱ་དེ་ནས་ལྷག་བཟང་ང་ནམ་མཁའི་ཞིང་ཁམས་ཀྱི་ཡུལ་ཅོག་རེ་གཅིག་གི་འདོད་པ་བྱེད་ད་ལགས། འོ་བྱས་རེ་དཀོན་མཆོག་ཁོང་ཀྱ་ཡི་དཀོན་མཆོག་ཡིན་གསུངས་རེ་གསུངས་ཡས་ལ་ངོ་ཚ་མེད་མཛད་ད་ལགས། གི་བྱས་རེ་སྨྲ་ན་ཁོང་པ་ཡིས་ཁོང་ཀྱ་ཡི་ཕྱིར་ལ་རྒྱལ་ས་གཅིག་གྲ་སྒྲིག་མཛད་འོད་ད་ལགས།

ཨིབ་རི་པ། 8:10

གཙོ་བོ་གསུངས་ང་ལགས། འོ་དེ་ཉིན་མ་གོ་གཤམ་ནས་ང་ཡིས་ར་ཨེལ་གྱི་ནང་མི་མུ་ལ་དམ་བཅའ་འདི་བཅུག་ཡས་ཡིན། ང་ང་རི་ཆོས་ཁྲིམས་ཁོང་ཀྱ་ཡི་བློ་ལ་བཞག་ཡས་ཡིན། དེ་ནས་ཁོང་ཀྱ་ཡི་སེམས་ལ་འབྲི་ཡིས་ཡིན། ང་ཁོང་ཀྱ་ཡི་དཀོན་མཆོག་འབྱུང་ཡས་ཡིན། དེ་ནས་ཁོང་ཀྱ་ངའི་མི་དམངས་འབྱུང་གི་ལགས།

ཨིབ་རི་པ། 8:2

དེ་ནས་མི་ཀྱ་ཡིས་མིན་ད་ཡིན་ནའང་དཀོན་མཆོག་གིས་བཙུགས་མཛད་ཛ། དངོས་གནས་གུར་ཁང་གི་དམ་པའི་དམ་པ་གནས་ས་རུ་ཁོང་པ་ཞབས་ཕྱི་ཞུ་བ་མཛད་ད་ལགས།

མངོན་པ། 10:4

དེ་ནས་འོ་དེ་འབྲུག་སྐད་བདུན་གྱིས་སྐད་བརྒྱབ་བ་རང་། ངས་འོ་དེ་འབྲི་གུ་བྱས་བའི། ཡིན་ནའང་ནམ་མཁའི་ཞིང་ཁམས་ནས་དེ་རེ་གསུངས་ཀྱིན་གསུང་སྐད་གཅིག་ངས་གོ་སོང་། འོ་དེ་འབྲུག་སྐད་བདུན་གྱི་གསུང་སྐད་གོ་ཁྱོས་མ་འབྲི་བ་གསང་བ་ཤོག།

མངོན་པ། 10:8

དེ་ནས་ནམ་མཁའི་ཞིང་ཁམས་ནས་ངས་གོ་ཀ་གསུང་སྐད་ཀྱིས་ང་ལ་ཡང་ད་དེ་རེ་གསུངས་སོང་། སོང་། དེ་ནས་རྒྱ་མཚོ་དང་སའི་ཁར་ལ་བཞེངས་རེ་བཞུགས་ཞ་ནམ་མཁའི་བང་ཆེན་གྱི་ཕྱག་ལ་བཤིག་སྟེ་བཞག་ཞ་ཤོག་སྒྲིལ་གོ་ལེན།

མངོན་པ། 12:10

དེ་ནས་ངས་ནམ་མཁའི་ཞིང་ཁམས་དུ་དེ་རེ་གསུངས་ཀྱིན་གསུང་སྐད་ཆེ་གོ་སོང་། ད་འོ་རི་དཀོན་མཆོག་གི་ཐར་པ་དང་ནུས་མཐུ་དང་རྒྱལ་སྲིད། དེ་ནས་ཁོང་པ་ཡི་མཱ་ཤི་ཀའི་དབང་ཆ་གོ་ཕེབས་འདུག། གི་བྱས་རེ་སྨྲ་ན་འོ་རི་དཀོན་མཆོག་གི་དྲུང་དུ་འོ་རི་སྤུན་ཀྱ་ལ་ཉིན་མཚན་སྐྱོན་འཛུགས་ཀྱིན། འོ་དེ་སྐྱོན་འཛུགས་མཁན་གོ་ལ་མ་ལ་གཡུགས་འདུག

མངོན་པ། 21:7

རྒྱལ་མཁན་གོ་ལ་དེ་དོན་གི་རིའི་རྒྱུ་འཛིན་འཐོབ་ཀྱི་ལགས། དེ་ནས་ང་ཁོའི་དཀོན་མཆོག་འབྱུང་ཡས་ཡིན། དེ་ནས་ཁོ་ངའི་བི་ཛ་འབྱུང་གི་ལགས།

མངོན་པ། 22:3

ད་དེ་ནས་ཧ་ལ་འོ་དུ་རུ་ནམ་མའང་དམོད་མོ་མི་ཟུག་གི་ལགས། དཀོན་མཆོག་དང་ལུག་ཕྲུག་གི་བཞུགས་ཁྲི་གོ་འོ་དེ་རྒྱལ་ས་རུ་འབྱུང་གི་ལགས། དེ་ནས་ཁོང་པ་ཡི་ཞབས་ཕྱི་ཀྱ་ཡིས་ཁོང་པ་ལ་ཕྱག་མཆོད་པ་འབུལ་གྱི་ལགས།

མངོན་པ། 7:15

འོ་བྱས་རེ། ཁོང་ཀྱ་དཀོན་མཆོག་གི་བཞུགས་ཁྲིའི་གདོང་དུ་འདུག། དེ་ནས་ཉིན་མཚན་ཁོང་པ་ཡི་མཆོད་ཁང་དུ་ཁོང་གི་ཞབས་ཕྱི་ཞུ་བ་ལགས། དེ་ནས་བཞུགས་ཁྲི་རུ་བཞུགས་མཁན་གྱིས་རང་འོད་ས་རུ་ཁོང་ཀྱ་ལ་སྐྱོང་མཛད་ཀྱི་ལགས།