མངོན་པ། 21:2 - གློ་བ།

² དེ་ནས་ངས་དམ་པའི་རྒྱལ་ས་ཡང་ན་ཡེ་རུ་ཤ་ལེམ་གསར་པ་གོ་རང་གི་མག་པའི་ཆེད་དུ། ཆོས་གཟབ་སྟེ་བསྡད་ད་བག་མ་ཅོག་རེ་དཀོན་མཆོག་ནས་ནམ་མཁའི་ཞིང་ཁམས་ནས་མ་ལ་བབས་ཀྱིན་གོ་མཐོང་སོང་།

མངོན་པ། 21:2 Iomraidhean Croise

ཡོ་ཧ་ནན། 3:29

མནའ་མ་ནི་མག་པའི་ཡིན། དེ་ནས་མག་པ་མུ་ལ་ལངས་མཁན་དང་ཁོ་ལ་ཉན་མཁན་རོགས་བ་གོ་མག་པ་ཡི་སྐད་གོ་སྟེ་དམི་ཅིག་གི་ཉམ་མོ་དགའ་ལ་ལགས། འོ་བྱས་རེ་ད་ངས་དགའ་སྤྲོ་འདི་གྲུབ་སོང་།

༢ ཀོ་རིན་ཐུ་པ། 11:2

དཀོན་མཆོག་གི་ལད་མོ་ང་ཁྱེད་ཀྱ་ཡི་ཆེད་དུ་ཕྲག་དོག་བྱེད་འདིག་འོད། གི་བྱས་རེ་སྨྲ་ན་ཁྱོ་ག་གཅིག་གཅིག་ཀ་ཡིན་གྱིན་མཱ་ཤི་ཀའི་ཆེད་དུ། ངས་ཁྱེད་ཀྱ་ལ་ན་ཆུང་མ་གཙང་མ་གཅིག་ཅོག་རེ་མནའ་མ་ལ་འབུལ་ཡས་གོ་ངས་ཆོད་དམ་བྱས་བའི།

ཨིབ་རི་པ། 11:10

གི་བྱས་རེ་སྨྲ་ན་རྨང་གཞི་བརྟན་པོ་འོད་ཀྱིན་རྒྱལ་ས་གོ་ལ་ཁོ་སྒུག་སྟེ་བསྡད་པ་ལགས། དེ་ནས་འདི་རྒྱལ་སའི་ཇུས་མཛད་ཀྱིན་དང་བཟོ་ཀྱིན་གོ་དཀོན་མཆོག་ལགས།

ཨིབ་རི་པ། 11:16

ཡིན་ནའང་ཁོང་ཀྱ་དེ་ནས་ལྷག་བཟང་ང་ནམ་མཁའི་ཞིང་ཁམས་ཀྱི་ཡུལ་ཅོག་རེ་གཅིག་གི་འདོད་པ་བྱེད་ད་ལགས། འོ་བྱས་རེ་དཀོན་མཆོག་ཁོང་ཀྱ་ཡི་དཀོན་མཆོག་ཡིན་གསུངས་རེ་གསུངས་ཡས་ལ་ངོ་ཚ་མེད་མཛད་ད་ལགས། གི་བྱས་རེ་སྨྲ་ན་ཁོང་པ་ཡིས་ཁོང་ཀྱ་ཡི་ཕྱིར་ལ་རྒྱལ་ས་གཅིག་གྲ་སྒྲིག་མཛད་འོད་ད་ལགས།

ཨིབ་རི་པ། 12:22

ཡིན་ནའང་ཁྱེད་ཀྱ་གསོན་པོ་དཀོན་མཆོག་གི་རྒྱལ་ས་ནམ་མཁའི་ཞིང་ཁམས་ཀྱི་ཡེ་རུ་ཤ་ལེམ། དེ་ནས་གྲངས་ཀ་མེད་ཐེབས་ཀྱིན་ནམ་མཁའི་བང་ཆེན་སྟོང་ཕྲག་གི་དགའ་སྤྲོ་ཀྱི་ཚོགས་འདུ་རུ་སི་ཡོན་གྱི་རི་ལ་འོངས་འོད་ད་ལགས།

ཨིབ་རི་པ། 13:14

གི་བྱས་རེ་སྨྲ་ན་འདི་འཇིག་རྟེན་དུ་འོ་རང་ལ་གཏན་འཇགས་བསྡད་ཡས་ལ་རྒྱལ་ས་མེད་ད་ལགས། ཡིན་ནའང་འོངས་ཡས་ཡིན་གྱིན་རྒྱལ་ས་གོ་ལ་འོ་རང་སྒུག་སྟེ་བསྡད་ད་ལགས།

མངོན་པ། 1:1

མགྱོགས་སེེ་འགྲུབ་དགོས་ཡས་ཡིན་གྱིན་གནས་ཚུལ་ཀྱ་རང་གི་ཞབས་ཕྱི་པ་ཀྱ་ལ་སྟོན་ཡས་ཀྱི་ཆེད་དུ། དཀོན་མཆོག་གིས་ཡེ་ཤུ་མཱ་ཤི་ཀ་ལ་གནང་ང་མཛད་ཛ་མངོན་པ་གོ་དེ་ལགས། དེ་ནི་ཁོང་པ་ཡིས་རང་གི་བང་ཆེན་ལ་རང་གི་ཞབས་ཕྱི་ཡོ་ཧ་ནན་རྩ་རུ་བརྫངས་ང་མཛད་དེ་མངོན་མཛད་པ་ལགས།

མངོན་པ། 1:4

ང་ཡོ་ཧ་ནན་ནས་ཨེ་ཞི་ཡཱ་རུ་འོད་ཀྱིན་ཆོས་ཚོགས་བདུན་ལ་ཡིག་འདི་འབུལ་ལ་ཡིན། ད་ལྟ་བཞུགས་འོད་ཀྱིན་དང་། ཨེན་མ་བཞུགས་མྱོང་འོད་ཀྱིན་དང་། གཤམ་ལ་ཕེབས་ཡས་ཡིན་གྱིན་དཀོན་མཆོག་ནས། དེ་ནས་ཁོང་གི་བཞུགས་ཁྲི་གདོང་དུ་འོད་ཀྱིན་ཐུགས་ཉིད་བདུན་དང་། བདེན་པའི་དཔང་པོ་མཛད་ཀྱིན་གཤིན་པོ་ཀྱ་ནས་དང་པོ་གསོན་པོ་བཞེངས་ང་མཛད་ཛ་དང་། འཛམ་བུ་གླིང་གི་རྒྱལ་བོ་ཀྱ་ཡི་ཁར་ལ་དབང་མཛད་ཀྱིན་ཁོང་ཡེ་ཤུ་མཱ་ཤི་ཀའི་ཐོག་ནས་ཐུགས་རྗེ་དང་ཞི་བདེ་ཁྱེད་ཀྱ་ལ་འཐོབ་པར་ཤོག འོ་རང་ཀྱ་ལ་བྱམས་པ་མཛད་ཀྱིན་དང་རང་གི་སྐུ་ཁྲག་གི་ཐོག་ནས་འོ་རི་སྡིག་པ་ཀྱ་ནས་འོ་རང་ལ་ཐར་པ་མཛད་ཀྱིན།

མངོན་པ། 1:9

ཡེ་ཤུའི་ཐོག་ནས་སྡུག་པོ་དང་། དཀོན་མཆོག་གི་རྒྱལ་སྲིད་དང་། བཟོད་པའི་ནང་ལ་ཁྱེད་ཀྱ་ཡི་རོགས་བ་དང་སྤུན་ང་ཡོ་ཧ་ནན་ཡིན། ང་ནི་དཀོན་མཆོག་གི་བཀའ་དང་། ཡེ་ཤུ་ལ་དཔང་པོ་བྱས་བྱ་ཡི་རྐྱེན་གྱིས་པད་མོ་ཟེར་སྨྲ་གིན་གླིང་ཕྲན་དུ་འོད་ད་ལགས།

མངོན་པ། 11:2

ཡིན་ནའང་མཆོད་ཁང་ཕི་ལ་འོད་ཀྱིན་ཨང་སྒོ་གོ་འབོར་ཤོག།དེ་ནས་ཚད་མ་བརྒྱབ། གི་བྱས་རེ་སྨྲ་ན་འོ་དེ་མི་རིགས་ཀྱ་ལ་གནང་འོད་ད་ལགས། དེ་ནས་ཁོང་ཀྱ་ཡིས་དམ་པའི་རྒྱལ་ས་ལ་ཟླ་བ་བཞི་བཅུ་ཞེ་གཉིས་ཐུག་པའི་རྐང་པས་ལད་ཀྱི་ལགས།

མངོན་པ། 21:10

དེ་ནས་དམ་པའི་ཐུགས་ཉིད་ཀྱི་ཐོག་ནས་ཁོང་པ་ཡིས་ང་ལ་རི་ཆེ་མཐོ་བ་གཅིག་གི་གང་ལ་ཁྲིད་བ་མཛད་སོང་། དེ་ནས་ཁོང་པ་ཡིས་ང་ལ་དམ་པའི་རྒྱལ་ས་ཡེ་རུ་ཤ་ལེམ་དཀོན་མཆོག་ནས་ནམ་མཁའི་ཞིང་ཁམས་ནས་བབས་ཀྱིན་གོ་སྟོན་མཛད་སོང་།

མངོན་པ། 21:9

ད་མཐའི་སྡུག་པོ་བདུན་གྱིས་ཁངས་ཁ་ཕོར་ར་བདུན་ཟིམ་གྱིན་ནམ་མཁའི་བང་ཆེན་བདུན་ཀྱ་ནས་གཅིག་ངའི་རྩ་རུ་ཕེབས་ཏེ་ང་ལ་དེ་རེ་གསུངས་སོང་། ཤོག། ངས་ཁྱོད་ལ་ལུག་ཕྲུག་གི་མནའ་མ་ཡིན་གྱིན་བག་མ་གོ་སྟོན་དོ།

མངོན་པ། 22:17

དམ་པའི་ཐུགས་ཉིད་དང་བག་མ་ཡིས་གསུངས་ང་ལགས། ཕེབས་ཤོག། དེ་ནས་གོ་མཁན་ཀྱ་ཡིས་དེ་རེ་སྨྲ་དགོས། ཕེབས་ཤོག། སྐོམ་གྱིན་གོ་འོང་བར་ཤོག། དེ་ནས་འདོད་པ་བྱེད་མཁན་ཀྱ་ཡིས་ཚེ་སྲོག་གི་ཆུ་ཤུས་དུས་ལ་འཐུང་བར་ཤོག།

མངོན་པ། 22:19

དེ་ནས་དེ་མངོན་ཤེས་ཀྱི་དེབ་ཀྱི་བཀའ་ནས་མི་སུ་གཅིག་གིས་འང་ཚིག་གཅིག་འང་ཕྲིས་ན། དེ་དེབ་ནང་ལ་བྲིས་བྲ་ཚེ་སྲོག་གི་སྡོང་པོ་དང་དམ་པའི་རྒྱལ་ས་ནས་འོ་དེ་མི་ལ་འཐོབ་ཡས་ཡིན་གྱིན་སྐལ་ད་གོ། དཀོན་མཆོག་གིས་འོ་དེ་ནས་འཕྲོག་བ་མཛད་ཀྱི་ལགས།

མངོན་པ། 3:12

དེ་ནས་སུ་རྒྱལ་ལི། འོ་དེ་གོ་ལ་ང་འོ་དེའི་ཕྱིར་ལ་ངའི་དཀོན་མཆོག་གི་མཆོད་ཁང་ནང་དུ་ཀ་བ་གཅིག་བཙུགས་ཡས་ཡིན། དེ་ནས་ཁོ་འོ་དེ་ནས་ནམ་མའང་ཐོན་དགོས་གུ་མ་ལགས། ང་ཁོའི་ཁར་ལ་ངའི་དཀོན་མཆོག་གི་མཚན་འབྲི་ཡས་ཡིན། དེ་ནས་ནམ་མཁའི་ཞིང་ཁམས་ནས་མ་ལ་ཕེབས་ཀྱིན་ངའི་དཀོན་མཆོག་གི་རྒྱལ་སའི་མིང་ཡེ་རུ་ཤ་ལེམ་གསར་པ་འབྲི་ཡས་ཡིན། དེ་ནས་ང་རི་མིང་གསར་པ་གོའང་ཁོའི་ཁར་ལ་འབྲི་ཡས་ཡིན།