མངོན་པ། 2:5 - གློ་བ།

⁵ འོ་བྱས་རེ་ཁྱོད་ག་ནས་ཧ་ལ་མ་ལ་ལྷིམ་གྱིན་གོ་ཁྱོད་ག་མོ་མ་བསམ་བློ་གཏོང་། དེ་ནས་རང་གི་སྡིག་པ་སྤངས་རེ་སེམས་སྒྱུར་བ་གཏོང་། དེ་ནས་ཨེན་མ་ཁྱོས་གི་བྱེད་ཀྱིན་གོ་རང་བྱེད། ཁྱོས་དེ་རེ་བྱས་རེ་རང་གི་སེམས་སྒྱུར་བ་མེད་བཏང་ན། ང་ཁྱོད་རྩ་རུ་འོང་ང་ཡིན། དེ་ནས་ཁྱོའི་ཀྱུང་གོ་ལ་འོ་དེའི་གོག་ས་ནས་བཏོན་ཡས་ཡིན།

མངོན་པ། 2:5 Iomraidhean Croise

མད་ཐཱ། 5:14

ཁྱེད་ཀྱ་འཇིག་རྟེན་གྱི་འོད་ལགས། རི་ཁར་ལ་ཆགས་ཀྱིན་ཡུལ་འདི་སྦ་མི་ཐུབ་བ་ལགས།

མད་ཐཱ། 5:15

དེ་ནས་ཀྱུང་སྤར་ཏེ་འོ་དེ་ལ་སུས་འང་ཁ་བཀབ་སྟེ་མེད་བཞག་ལགས། ཡིན་ནའང་ནང་དུ་འོད་མཁན་གི་རི་ལ་འོད་སྟེར་ཡས་ཀྱི་ཕྱིར་ལ་རྟག་རྟག་ལ་བཞག་ལགས།

མར་ཀུ། 12:9

ད་ལྡུམ་རྭའི་བདག་པོ་ཡིས་གི་བྱེད་འདིག་འོད་གྲོ། ཁོ་འོངས་རེ་འོ་དེ་ཞིང་པ་ཀྱ་ལ་བསད་ཀྱི་ལགས། དེ་ནས་ལྡུམ་རྭ་གོ་མི་གཞན་མ་ཀྱ་ལ་སྟེར་གྱི་ལགས།

ལུ་ཀ། 1:17

དེ་ནས་ཨ་རྒས་ཀྱ་ཡི་སེམས་ཁོ་རི་ཕྲུ་བ་ཀྱ་ཕྱོགས་ལ་ལོག་ཡས་དང་། ཁ་ལ་མེད་ཉན་མཁན་ཀྱ་ཡི་སེམས་དྲང་པོའི་ཤེས་རབ་ལ་བསྒྱུར་ཡས། དེ་ནས་གཙོ་བོའི་ཆེད་དུ་མི་མང་ཀྱ་གྲ་སྒྲིག་བྱེད་ཡས་ཀྱི་ཆེད་དུ། ཁོ་མངོན་ཤེས་མཁན་ཨེ་ལི་ཡཱ་ལ་འོད་ཀྱིན་ཐུགས་ཉིད་དང་དབང་གི་སྒོ་ནས་གཙོ་བོའི་ཨེན་ལ་ཕེབས་ཀྱི་ལགས།

ལུ་ཀ། 20:16

ཁོ་འོངས་རེ་ཁོང་ཀྱ་ལ་བསད་ཀྱི་ལགས། དེ་ནས་ལྡུམ་ར་གོ་གཞན་མ་ཀྱ་ལ་སྟེར་གྱི་ལགས། མི་ཀྱ་ཡིས་འོ་དེ་གོ་སྟེ་སྨྲས་བ་ལགས། དེ་རེ་ནམ་མའང་མ་འབྱུང་ང་ཤོག།

ག་ལ་ཏི་ཡཱ་པ། 5:4

ཁྱེད་ཆོས་ཁྲིམས་ནས་དྲང་པོ་འགྱུར་ཡས་འདོད་མཁན་ཀྱ་མཱ་ཤི་ཀ་ནས་ཁ་འབྲལ་རེ་དཀོན་མཆོག་གི་ཐུགས་རྗེ་ནས་མ་ལ་ལྷིམ་འོད་ད་ལགས།

ཕི་ལིབ་པཱི་པ། 2:15

དེ་ནས་ཁྱེད་ཀྱ་སྐྱོན་མེད་ཀྱིན་དང་གཙང་མ་བྱུང་རེ་འདི་མེད་དྲང་ང་དང་། སྡུག་ཅག་མི་རབས་ཀྱི་ཁོག་ཏུ་སྐྱོན་མེད་ཀྱིན་དཀོན་མཆོག་གི་སྲས་དང་སྲས་མོ་འབྱུང་བར་ཤོག།དེ་ནས་ཁྱེད་ཀྱ་འཇིག་རྟེན་དུ་ཁོང་ཀྱ་ཁོག་ཏུ་གནམ་གྱི་སྐར་མ་ཀྱ་ཅོག་རེ་ཤར་ཏེ།

ཨིབ་རི་པ། 10:32

ཨེན་མའི་ཉིན་མ་ཀྱ་ལ་ཁྱེད་ཀྱ་དྲན་གསོ་བྱེད། དཀོན་མཆོག་གི་འོད་ཐོབ་ཚར་ཏེ་གཤམ་ནས་ཁྱེད་ཀྱ་ཡིས་སྡུག་པོ་མང་ང་མྱངས་བ་ལགས། ཡིན་ནའང་ཁྱེད་ཀྱ་ཡིས་བཟོད་པ་བྱས་བ་ལགས།

༢ པེ་ཏྲོ། 3:17

འོ་བྱས་རེ་གཅེས་བའི་ཀྱ་བོ། དོན་དེ་ཀྱ་ཨེན་ལ་རང་ཧ་གོ་སྟེ་གཟབ་གཟབ་བྱེད། དེ་རེ་བྱས་རེ་ཁྲིམས་མེད་ཀྱིན་མི་ཀྱ་ཡི་ནོར་འཁྲུལ་ལ་མགོ་མ་འཁོར། དེ་ནས་རང་གི་གནས་ས་བརྟན་པོ་གོ་བརླག་ཏུ་མ་ཆུག།

ཡུ་དཱ། 1:24

ད་ཁྱེད་ཀྱ་ལ་སྡིག་པའི་ནང་དུ་ཆུད་ཡས་ནས་སྐྱོབ་མཛད་ཐུབ་ཀྱིན་དང་། ཁྱེད་ཀྱ་ལ་དགའ་སྤྲོ་ཆེའི་ཐོག་ནས་ཁོང་པའི་གཟི་བརྗིད་ཀྱི་དྲུང་དུ་ཁྱེད་ཀྱ་ལ་སྐྱོན་མེད་ཀྱིན་སྟོན་མཛད་མཁན།

མངོན་པ། 1:20

ད་ཁྱོས་ངའི་ལག་པ་གཡས་ཕྱོགས་ལ་མཐོང་གིན་སྐར་མ་བདུན་དང་། གསེར་གྱི་ཀྱུང་བདུན་གྱི་གསང་བ་གོ་ནི་དེ་ལགས། སྐར་མ་བདུན་ཀྱ་ཆོས་ཚོགས་བདུན་གྱི་བང་ཆེན་ཀྱ་ལགས། དེ་ནས་ཀྱུང་བདུན་གོ་ཆོས་ཚོགས་བདུན་པོ་གོ་ལགས།།

མངོན་པ། 16:9

དེ་ནས་ཁོང་ཀྱ་ཚ་བ་ཚ་རག་ཏེ་ཚིག་པ་ལགས། དེ་ནས་ཁོང་ཀྱ་ཡིས་དེ་སྡུག་པོ་ཀྱ་ཡི་ཁར་ལ་དབང་ཆ་འོད་ཀྱིན་དཀོན་མཆོག་གི་མཚན་ལ་སྐུར་བ་འདེབས་པ་ལགས། ཡིན་ནའང་ཁོང་ཀྱ་རང་གི་སྡིག་པ་སྤངས་རེ་སེམས་བསྒྱུར་ཡས་དང་ཁོང་པ་ལ་བསྟོད་པ་འབུལ་ཡས་ལ་མ་མཉན་པ་ལགས།

མངོན་པ། 2:16

འོ་བྱས་རེ་སྡིག་པ་སྤངས་རེ་སེམས་སྒྱུར་བ་གཏོང་། ཡང་མེད་ན་ང་ཁྱེད་ཀྱི་རྩ་རུ་མགྱོགས་སེ་འོང་ཡས་ཡིན། དེ་ནས་ངའི་ཁ་ཡི་རལ་གྲིའི་ཁོང་ཀྱ་མུ་ལ་འཐྲབ་ཡས་ཡིན།

མངོན་པ། 2:19

ཁྱོའི་ལས་ཀ། ཁྱོའི་བྱམས་པ། ཁྱོའི་དད་པ། ཁྱོའི་ཞབས་ཕྱི་དང་། ཁྱོའི་བཟོད་པའི་སྐོར་ལ་ང་ལ་ཤེས་ཡས་འོད། དེ་ནས་ཁྱོའི་གཤམ་ལ་བྱས་བྱ་ལས་ཀ་ཀྱ་ཨེན་མ་བྱས་བྱ་ནས་ལྷག་འདུག།

མངོན་པ། 2:2

ཁྱོའི་ལས་ཀ་ཀྱ་དང་། དཀའ་ལས་ཀྱ་དང་། བཟོད་པ་ཀྱ་ང་ལ་ཤེས་ཡས་འོད། མི་ངན་པ་ཀྱ་ལ་ཁྱོས་བཟོད་པ་སྒོམ་མི་ཐུབ་ཀྱིན་དང་། སྐུ་ཚབ་མིན་ད་ལ་ཡིན་སྨྲ་མཁན་ཀྱ་ལ་ཁྱོས་ཚོད་ལྟ་བྱས་རེ་ཟོག་པོ་ཡིན་གྱིན་གོ་ཁྱོས་རྙེད་པ་ལགས་སྨྲས་རེ་ང་ལ་ཤེས་ཡས་འོད།

མངོན་པ། 3:19

ངས་བྱམས་པ་བྱེད་ཀྱིན་ཀྱ་ལ་ང་ཨང་ཇི་བཏང་ང་ཡིན། དེ་ནས་བཅུན་ད་ཡིན། འོ་བྱས་རེ་དྲང་པོ་བྱུང་རེ་རང་གི་སྡིག་པ་སྤངས་རེ་སེམས་སྒྱུར་བ་གཏོང་།