མངོན་པ། 2:12 - གློ་བ།

¹² དེ་ནས་པེར་ག་མོན་གྱི་ཆོས་ཚོགས་ཀྱི་བང་ཆེན་ལ་དེ་རེ་བྲིས། ཁ་གཉིས་ཀ་ར་རྣོ་བ་བྱས་བྱ་རལ་གྲི་འོད་ཀྱིན་ཁོང་པ་ཡིས་དེ་བཀའ་ཀྱ་གསུངས་བའི།

མངོན་པ། 2:12 Iomraidhean Croise

ཨིབ་རི་པ། 4:12

གི་བྱས་རེ་སྨྲ་ན་དཀོན་མཆོག་གི་བཀའ་ནི་གསོན་པོ་དང་ནུས་མཐུ་ཆེ་འོད་ད་ལགས། དེ་ནས་ཁ་གཉིས་འོད་ཀྱིན་རལ་གྲི་ལས་རྣོ་བ་འོད་ད་ལགས། དེ་ཡིས་བློ་དང་སེམས། དེ་ནས་ཚིགས་དང་རྐང་གཉིས་ལ་དུམ་བུ་དུམ་བུ་ལ་གཤག་བ་ལགས། དེ་ནས་སེམས་ཀྱི་བསམ་ཚུལ་ཀྱ་དང་འདོད་པ་ཀྱ་ལ་ལྟ་སྤྱོད་བྱེད་ད་ལགས།

མངོན་པ། 1:11

འོ་དེ་ཡིས། ཁྱོས་གི་མཐོང་གིན་གོ་དེབ་ལ་བྲིས། དེ་ནས་དེ་ཆོས་ཚོགས་བདུན་ཀྱ་ཨེ་ཕེ་སུ་དང་། སི་མིར་ནཱ་དང་། པེར་ག་མོན་དང་། ཐི་ཡ་ཏི་རཱ་དང་། སར་དཱི་དང་། ཕི་ལ་དེལ་ཕི་ཡཱ་དང་། ལའོ་དི་ཀེ་ཡཱ་ལ་སྐུར་གསུངས་རེ་གསུངས་སོང་།

མངོན་པ། 1:16

ཁོང་པ་ཡི་ཕྱག་གཡས་ལ་སྐར་མ་བདུན་བསྣུམས་འོད་ད་ལགས། དེ་ནས་ཁོང་པ་ཡི་ཞལ་ནས་ཁ་གཉིས་ཀ་ར་རྣོ་བ་འོད་ཀྱིན་རལ་གྲི་གཅིག་ཐོན་པ་ལགས། ཁོང་པ་ཡི་ཞལ་གདོང་གོ་ཉིན་མོའི་ཉི་མ་ཅོག་རེ་ཤར་འོད་ད་ལགས།

མངོན་པ། 19:15

མི་རིགས་ཀྱ་ལ་བརྒྱབ་ཡས་ཀྱི་ཕྱིར་ལ་ཁོང་པ་ཡི་ཞལ་ནས་རལ་གྲི་རྣོ་བ་གཅིག་ཐོན་འདིག། དེ་ནས་ཁོང་པ་ཡི་ལྕགས་ཀྱི་བེར་ཀྱོག་གིས་ཐོག་ནས་ཁོང་ཀྱ་ཁར་ལ་དབང་བསྒྱུར་མཛད་ཀྱི་ལགས། དེ་ནས་རྒུན་ཆང་བཙིར་ས་གཞོང་ནང་ནས་ཁུ་བ་བཏོན་གྱིན་ཅོག་རེ། ཁོང་པ་ཡིས་ཀུན་དབང་དཀོན་མཆོག་གི་ཐུགས་ཁྲོའི་ནང་ཁོང་ཀྱ་ལ་བཙིར་གྱི་ལགས།

མངོན་པ། 19:21

དེ་ནས་ལྷག་མ་ལྷག་ལ་ཀྱ་ལ་རྟ་ལ་འཆིབ་མཁན་གྱི་ཞལ་ནས་ཐོན་ད་རལ་གྲི་ཡིས་བསད་པ་ལགས། དེ་ནས་བྱ་གི་རི་ཡིས་འོ་དེ་ཀྱ་ཡི་ཤ་ཀྱ་འགྲང་གིན་ཐུག་པའི་བཟས་བ་ལགས།།

མངོན་པ། 2:1

ཨེ་ཕེ་སུའི་ཆོས་ཚོགས་ཀྱི་བང་ཆེན་ལ་དེ་རེ་བྲིས། རང་གི་ཕྱག་གཡས་ལ་སྐར་མ་བདུན་ཟིམ་གྱིན་དང་གསེར་གྱི་ཀྱུང་བདུན་གྱི་གུང་ལ་ཞབས་འཆག་མཛད་མཁན་ཁོང་པ་ཡིས་དེ་བཀའ་ཀྱ་གསུངས་བའི།

མངོན་པ། 2:16

འོ་བྱས་རེ་སྡིག་པ་སྤངས་རེ་སེམས་སྒྱུར་བ་གཏོང་། ཡང་མེད་ན་ང་ཁྱེད་ཀྱི་རྩ་རུ་མགྱོགས་སེ་འོང་ཡས་ཡིན། དེ་ནས་ངའི་ཁ་ཡི་རལ་གྲིའི་ཁོང་ཀྱ་མུ་ལ་འཐྲབ་ཡས་ཡིན།