མངོན་པ། 19:9 - གློ་བ།

⁹ དེ་ནས་འོ་དེ་ནམ་མཁའི་བང་ཆེན་གྱིས་ང་ལ་གསུངས་སོང་། འདི་བྲིས། ལུག་ཕྲུག་ཡིས་མནའ་མ་ལེན་ས་རུ་མགྲོན་ལ་བོས་པ་ཀྱ་བྱིན་རླབས་ཆེ་ལགས། དེ་ནས་ཡང་ཁོང་པ་ཡིས་ང་ལ་གསུངས་སོང་། དེ་ཀྱ་ནི་དཀོན་མཆོག་གི་གསུང་ལ་བདེན་པ་ཀྱ་ལགས།

མངོན་པ། 19:9 Iomraidhean Croise

ལུ་ཀ། 22:16

གི་བྱས་རེ་སྨྲ་ན་ང་ཁྱེད་ཀྱ་ལ་སྨྲ་ཡིན། དཀོན་མཆོག་གི་རྒྱལ་སྲིད་དུ་དེ་མ་འགྲུབ་ཀྱིན་ཐུག་པའི་ང་ཡང་ད་འདི་ཞལ་ལག་དེ་ཟ་ཡས་མིན།

༡ ཏི་མོ་ཐེའུ། 1:15

མཱ་ཤི་ཀ་ཡེ་ཤུ་ནི་སྡིག་ཅན་ཀྱ་ལ་སྐྱོབ་ཡས་ལ་འཇིག་རྟེན་དུ་ཕེབས་པ་ལགས་སྨྲ་གིན་དེ། བློ་བཀལ་ཐུབ་ཀྱིན་དང་གི་རིའི་ཐོག་ནས་ཁས་ལེན་བྱེད་དགོས་ཀྱིན་འདུག། འོ་དེ་སྡིག་ཅན་ཀྱ་ནས་ང་གོ་གཙོ་ཡིན།

༡ ཏི་མོ་ཐེའུ། 4:9

འདི་གཏམ་དེ་བློ་བཀལ་ཐུབ་ཀྱིན་དང་གི་རིའི་ཐོག་ནས་ཁས་ལེན་བྱེད་དགོས་ཀྱིན་འདུག།

༢ ཏི་མོ་ཐེའུ། 2:11

འདི་གཏམ་དེ་བློ་འཁེལ་ལ་འདུག། འོ་རང་ཁོང་པ་མུ་ལ་ཤི་འོད་ན། ཁོང་པ་མུ་ལ་རང་གསོན་གྱི་ལགས།

ཏི་ཏོས། 3:8

འདི་ལབ་དེ་བདེན་པ་ལགས། དེ་ནས་དཀོན་མཆོག་ལ་དད་པ་བྱེད་མཁན་མི་ཀྱ་ལས་བཟང་ང་བྱེད་ཡས་ལ་འདོད་པ་འོང་བར་ཤོག་སྨྲས་རེ་དེ་བསླབ་བྱ་ཀྱ་ལ། ཁྱོད་ཤུགས་བརྒྱབ་ཡས་ལ་ངས་འདོད་པ་འོད། དེ་ཀྱ་མི་ཀྱ་ལ་བཟང་པོ་དང་ཕན་ཐོགས་བ་འདུག

མངོན་པ། 1:1

མགྱོགས་སེེ་འགྲུབ་དགོས་ཡས་ཡིན་གྱིན་གནས་ཚུལ་ཀྱ་རང་གི་ཞབས་ཕྱི་པ་ཀྱ་ལ་སྟོན་ཡས་ཀྱི་ཆེད་དུ། དཀོན་མཆོག་གིས་ཡེ་ཤུ་མཱ་ཤི་ཀ་ལ་གནང་ང་མཛད་ཛ་མངོན་པ་གོ་དེ་ལགས། དེ་ནི་ཁོང་པ་ཡིས་རང་གི་བང་ཆེན་ལ་རང་གི་ཞབས་ཕྱི་ཡོ་ཧ་ནན་རྩ་རུ་བརྫངས་ང་མཛད་དེ་མངོན་མཛད་པ་ལགས།

མངོན་པ། 1:19

འོ་བྱས་རེ་ཁྱོས་མཐོང་ཐ་དང་། ད་ལྟ་འོད་ཀྱིན་དང་། མ་འོང་པར་ལ་འབྱུང་ཡས་ཡིན་གྱིན་གོ་བྲིས།

མངོན་པ། 10:4

དེ་ནས་འོ་དེ་འབྲུག་སྐད་བདུན་གྱིས་སྐད་བརྒྱབ་བ་རང་། ངས་འོ་དེ་འབྲི་གུ་བྱས་བའི། ཡིན་ནའང་ནམ་མཁའི་ཞིང་ཁམས་ནས་དེ་རེ་གསུངས་ཀྱིན་གསུང་སྐད་གཅིག་ངས་གོ་སོང་། འོ་དེ་འབྲུག་སྐད་བདུན་གྱི་གསུང་སྐད་གོ་ཁྱོས་མ་འབྲི་བ་གསང་བ་ཤོག།

མངོན་པ། 14:13

དེ་ནས་ནམ་མཁའི་ཞིང་ཁམས་ནས་དེ་རེ་གསུང་སྐད་གཅིག་ངས་གོ་སོང་། དེ་རེ་བྲིས། ད་དེ་ནས་ཧ་ལ་གཙོ་བོ་ལ་དད་པ་བྱས་རེ་གྲོངས་མཁན་ཀྱ་བྱིན་རླབས་ཆེ་ལགས། དེ་ནས་དམ་པའི་ཐུགས་ཉིད་ཀྱིས་གསུངས་ང་ལགས། ལགས། ཁོང་ཀྱ་རང་གི་དཀའ་ལས་ནས་ངལ་གསོ་གི་ལགས། གི་བྱས་རེ་སྨྲ་ན་ཁོང་ཀྱ་ཡི་ལས་ཀའི་བྱ་དགའ་ཁོང་ཀྱ་ལ་གནང་གི་ལགས།

མངོན་པ། 17:1

འོ་དེ་ཕོར་ར་བདུན་འོད་ཀྱིན་ནམ་མཁའི་བང་ཆེན་བདུན་ནས་གཅིག་ངའི་རྩ་རུ་ཕེབས་ཏེ་དེ་རེ་གསུངས་སོང་། དུ་རུ་ཤོག། ང་ཁྱོད་ལ་ཆུ་མང་ང་ཡི་འགྲམ་ལ་བསྡད་ཀྱིན་འོ་དེ་གཞང་འཚོང་མ་སྐད་གྲགས་ཆེ་ལ་འཕོག་ཡས་ཡིན་གྱིན་ཁྲིམས་གཅོད་གོ་སྟོན་དོ།

མངོན་པ། 17:17

གི་བྱས་རེ་སྨྲ་ན་དཀོན་མཆོག་གི་བཀའ་མ་འགྲུབ་ཀྱིན་ཐུག་པའི་ཁོང་པ་རང་གི་འཆར་གཞི་གོ་སྒྲུབ་ཏུ་བཅུག་ཡས་ལ། ཁོང་པ་ཡིས་ཁོང་ཀྱ་ལ་སེམས་གཅིག་བྱུང་རེ་རང་གི་རྒྱལ་བོ་ཡི་དབང་ཆ་གོ་འོ་དེ་སེམས་ཅན་ལ་སྟེར་དུ་བཅུག་པ་ལགས།

མངོན་པ། 2:1

ཨེ་ཕེ་སུའི་ཆོས་ཚོགས་ཀྱི་བང་ཆེན་ལ་དེ་རེ་བྲིས། རང་གི་ཕྱག་གཡས་ལ་སྐར་མ་བདུན་ཟིམ་གྱིན་དང་གསེར་གྱི་ཀྱུང་བདུན་གྱི་གུང་ལ་ཞབས་འཆག་མཛད་མཁན་ཁོང་པ་ཡིས་དེ་བཀའ་ཀྱ་གསུངས་བའི།

མངོན་པ། 2:12

དེ་ནས་པེར་ག་མོན་གྱི་ཆོས་ཚོགས་ཀྱི་བང་ཆེན་ལ་དེ་རེ་བྲིས། ཁ་གཉིས་ཀ་ར་རྣོ་བ་བྱས་བྱ་རལ་གྲི་འོད་ཀྱིན་ཁོང་པ་ཡིས་དེ་བཀའ་ཀྱ་གསུངས་བའི།

མངོན་པ། 2:18

དེ་ནས་ཐི་ཡ་ཏི་རཱའི་ཆོས་ཚོགས་ཀྱི་བང་ཆེན་ལ་དེ་རེ་བྲིས། སྤྱན་གོ་མེ་ལྕེ་ཅོག་རེ་དང་། ཞབས་གོ་མེ་ཐབ་ནང་ལ་འོད་སྟོན་ཏེ་བཞག་ཞ་ལི་དིང་ཅོག་རེ་འོད་ཀྱིན་ཁོང་དཀོན་མཆོག་གི་སྲས་ཀྱིས་དེ་བཀའ་ཀྱ་གསུངས་བའི།

མངོན་པ། 2:8

དེ་ནས་སི་མིར་ནཱའི་ཆོས་ཚོགས་ཀྱི་བང་ཆེན་ལ་དེ་རེ་བྲིས། ཨེན་མ་གྲོངས་ང་མཛད་དེ་ཡང་སྐུ་གསོན་པོ་བཞེངས་ང་མཛད་ཛ་ཁོང་པ་ཐོག་མ་དང་མཐའ་མ་ཡིན་གྱིན་གྱིས་དེ་བཀའ་ཀྱ་གསུངས་བའི།

མངོན་པ། 21:5

བཞུགས་ཁྲི་རུ་བཞུགས་བ་མཛད་མཁན་གྱིས་ང་ལ་གསུངས་སོང་། ལྟོས་དང་། ངས་དོན་གི་རི་གསར་པ་བཟོའི་འོད། དེ་ནས་ཁོང་པ་ཡིས་དེ་གསུངས་སོང་། དེ་ལབ་ཀྱ་བྲིས། གི་བྱས་རེ་སྨྲ་ན་དེ་ལབ་ཀྱ་བློ་བཀལ་ཐུབ་བ་དང་བདེན་པ་འདུག།

མངོན་པ། 22:6

དེ་ནས་ནམ་མཁའི་བང་ཆེན་གྱིས་ང་ལ་གསུངས་སོང་། དེ་ལབ་ཀྱ་བློ་བཀལ་ཐུབ་ཀྱིན་དང་བདེན་པ་འདུག། ད་མགྱོགས་སེ་འབྱུང་ཡས་ཡིན་གྱིན་ལབ་ཀྱ་རང་གི་ཞབས་ཕྱི་ཀྱ་ལ་སྟོན་ཡས་ཀྱི་ཆེད་དུ། མངོན་ཤེས་མཁན་ཀྱ་ཡི་སེམས་ཉིད་ཀྱི་གཙོ་བོ་དཀོན་མཆོག་གིས་རང་གི་བང་ཆེན་ལ་བརྫངས་ང་མཛད་འདུག།

མངོན་པ། 3:1

སར་དཱིའི་ཆོས་ཚོགས་ཀྱི་བང་ཆེན་ལ་དེ་རེ་བྲིས། དཀོན་མཆོག་གི་ཐུགས་ཉིད་བདུན་དང་སྐར་མ་བདུན་འོད་ཀྱིན་གྱིས་དེ་བཀའ་ཀྱ་གསུངས་བའི། ཁྱོའི་ལས་ཀ་ཀྱ་ང་ལ་ཤེས་ཡས་འོད། དེ་ནས་མིང་གི་ཆ་ནས་ཁྱེད་ཀྱ་གསོན་པོ་འོད་ན་ཁྱེད་ཀྱ་ཤི་འོད་ད་ལགས།

མངོན་པ། 3:14

ལའོ་དི་ཀེ་ཡཱའི་ཆོས་ཚོགས་ཀྱི་བང་ཆེན་ལ་དེ་རེ་བྲིས། ཨ་མེན་དང་། བློ་གཏད་ཆོག་པ་དང་། དཔང་པོ་བདེན་པ་དང་། དཀོན་མཆོག་གིས་བཀོད་པའི་དཔོན་པོ་ཡིས་དེ་བཀའ་ཀྱ་གསུངས་བའི།

མངོན་པ། 3:20

ལྟོས་དང་། ང་སྒོ་འགྲམ་དུ་ལངས་རེ་སྒོ་རྡུང་ང་ཡིན། དེ་ནས་ངའི་སྐད་གོ་སྟེ་སྒོ་པེ་ན། ང་ནང་དུ་འཛུལ་ཡས་ཡིན། དེ་ནས་འོ་དེ་མི་མུ་ལ་ཟ་མ་ཟ་ཡས་ཡིན། དེ་ནས་འོ་དེ་ངའི་མུ་ལ་ཟ་གི་ལགས།

མངོན་པ། 3:7

ཕི་ལ་དེལ་ཕི་ཡཱ་ཡི་ཆོས་ཚོགས་ཀྱི་བང་ཆེན་ལ་དེ་རེ་བྲིས། དམ་པ་དང་བདེན་པ། དེ་ནས་དཱ་བིད་ཀྱི་ལྡེ་མིག་འོད་ཀྱིན་ཁོང་པ་ཡིས་དེ་བཀའ་ཀྱ་གསུངས་བའི། ཁོང་པ་ཡིས་པེ་ཀྱིན་སྒོ་གོ་སུས་འང་བརྒྱབ་མི་ཐུབ་ཀྱི་ལགས། དེ་ནས་ཁོང་པ་ཡིས་བརྒྱབ་ཀྱིན་སྒོ་གོ་སུས་འང་པེ་མི་ཐུབ་ཀྱི་ལགས།