མངོན་པ། 15:7 - གློ་བ།

⁷ དེ་ནས་འོ་དེ་སེམས་ཅན་བཞི་བོ་ནས་གཅིག་གིས་དུས་གཏན་དུ་གནས་ཀྱིན། དཀོན་མཆོག་ཁོང་པའི་ཐུགས་ཁྲོ་ཡིས་ཁང་ཁ་གསེར་གྱི་ཕོར་ར་བདུན་གོ། འོ་དེ་ནམ་མཁའི་བང་ཆེན་བདུན་ལ་གནང་བ་ལགས།

མངོན་པ། 15:7 Iomraidhean Croise

༡ ཐེ་ས་ལོ་ནི་ཀེ་པ། 1:9

གི་བྱས་རེ་སྨྲ་ན་ཁྱེད་ཀྱ་ཡིས་འེ་ཀྱ་ལ་ཕེབས་ཞུ་གིན་དང་། སྐུ་འདྲ་ཀྱ་ལ་བོར་ཏེ་ཁྱེད་ཀྱ་གསོན་པོ་དང་བདེན་པ་དཀོན་མཆོག་ལ་བསྙེན་བཀུར་ཞུ་ཡས་ལ་འོང་གིན་དང་།

མངོན་པ། 1:18

ང་ནི་གསོན་པོ་གོ་ཡིན། ཨེན་མ་ང་ཤི་བ་ལགས། དེ་ནས་ད་ལྟ་ལྟོས་དང་། ང་དུས་གཏན་གྱི་ཆེད་དུ་གསོན་པོ་འོད། དེ་ནས་ང་ལ་འཆི་བ་དང་གཤིན་པོ་ཀྱ་བསྡད་སའི་ལྡེ་མིག་ཀྱ་འོད།

མངོན་པ། 10:6

དེ་ནས་ནམ་མཁའི་ཞིང་ཁམས་དང་འོ་དེ་ནང་དུ་འོད་ཀྱིན། དེ་ནས་ས་གཞི་དང་འོ་དེ་ནང་འོད་ཀྱིན། དེ་ནས་རྒྱ་མཚོ་དང་འོ་དེ་ནང་འོད་ཀྱིན་གི་རི་བཀོད་མཛད་མཁན་དང་། རྒྱུན་ནས་རྒྱུན་དུ་གནས་ཀྱིན་ཁོང་གི་མཚན་ལ་དབུ་མནའ་བཞེས་རེ་ཁོང་གིས་གསུངས་བ་ལགས། ད་དེ་ནས་ལྷག་དལ་ལ་འབྱུང་གི་མ་ལགས།

མངོན་པ། 14:10

འོ་དེ་མི་ཡིས་འང་དཀོན་མཆོག་གི་ཐུགས་ཁྲོའི་མཆོད་ཞལ་ནང་དུ་གིའང་མ་བསྲེས་བ་བླུགས་ལ། དཀོན་མཆོག་གི་ཐུགས་ཁྲོའི་རྒུན་ཆང་གོ་འཐུང་གི་ལགས། དེ་ནས་དམ་པའི་ནམ་མཁའི་བང་ཆེན་ཀྱ་དང་ལུག་ཕྲུག་གི་དྲུང་དུ་ཁོ་ལ་མེ་དང་མུ་ཟི་ཡིས་སྡུག་པོ་བཏང་གི་ལགས།

མངོན་པ། 15:1

དེ་ནས་ངས་ནམ་མཁའི་ཞིང་ཁམས་དུ་གཞན་མ་རྟགས་ཆེ་དང་ཧང་སང་གིན་གཅིག་མཐོང་སོང་། ནམ་མཁའི་བང་ཆེན་བདུན་ཀྱ་ཡིས་མཐའ་མའི་སྡུག་པོ་བདུན་འཁྱེར་འོད་ད་ལགས། གི་བྱས་རེ་སྨྲ་ན་དཀོན་མཆོག་གི་ཐུགས་ཁྲོ་ནི་འོ་དེ་སྡུག་པོ་ལ་འགྲུབ་འོད་ད་ལགས།

མངོན་པ། 16:2

དེ་ནས་ནམ་མཁའི་བང་ཆེན་དང་པོ་གོ་སོང་རེ་རང་གི་ཕོར་ར་གོ་ས་གཞི་ཁར་ལ་པོས་བ་ལགས། དེ་ནས་སེམས་ཅན་གྱི་རྟགས་འོད་ཀྱིན་དང་། འོ་དེའི་སྐུ་ལ་ཕྱག་མཆོད་པ་འབུལ་གྱིན་མི་གི་རི་ལ་འཇིགས་སྐྲག་ཆེ་དང་། ཟུག་ཆེ་བརྒྱབ་ཀྱིན་རྨ་ཐོན་པ་ལགས།

མངོན་པ། 17:1

འོ་དེ་ཕོར་ར་བདུན་འོད་ཀྱིན་ནམ་མཁའི་བང་ཆེན་བདུན་ནས་གཅིག་ངའི་རྩ་རུ་ཕེབས་ཏེ་དེ་རེ་གསུངས་སོང་། དུ་རུ་ཤོག། ང་ཁྱོད་ལ་ཆུ་མང་ང་ཡི་འགྲམ་ལ་བསྡད་ཀྱིན་འོ་དེ་གཞང་འཚོང་མ་སྐད་གྲགས་ཆེ་ལ་འཕོག་ཡས་ཡིན་གྱིན་ཁྲིམས་གཅོད་གོ་སྟོན་དོ།

མངོན་པ། 21:9

ད་མཐའི་སྡུག་པོ་བདུན་གྱིས་ཁངས་ཁ་ཕོར་ར་བདུན་ཟིམ་གྱིན་ནམ་མཁའི་བང་ཆེན་བདུན་ཀྱ་ནས་གཅིག་ངའི་རྩ་རུ་ཕེབས་ཏེ་ང་ལ་དེ་རེ་གསུངས་སོང་། ཤོག། ངས་ཁྱོད་ལ་ལུག་ཕྲུག་གི་མནའ་མ་ཡིན་གྱིན་བག་མ་གོ་སྟོན་དོ།

མངོན་པ། 4:10

འོ་དེ་སློབ་དཔོན་ཉི་ཤུ་རྩ་བཞི་གོ་བཞུགས་ཁྲི་རུ་བཞུགས་བ་མཛད་མཁན་གྱི་གདོང་དུ་ཕྱག་འཚལ་ལི། དེ་ནས་དུས་གཏན་དུ་གནས་བ་མཛད་མཁན་གོ་ལ་ཁོང་ཀྱ་ཕྱག་མཆོད་པ་འབུལ་ལི། དེ་ནས་ཁོང་ཀྱ་ཡིས་རང་རང་གི་ཅོད་པན་ཀྱ་བཞུགས་ཁྲི་གདོང་དུ་བཞག་སྟེ་དེ་རེ་གླུ་འབུལ་ལི།

མངོན་པ། 5:8

དེ་ནས་ཁོང་པ་ཡིས་འོ་དེ་ཤོག་སྒྲིལ་གོ་བསྣུམས་མ་མཛད་ཚར་ཏེ། འོ་དེ་སེམས་ཅན་བཞི་དང་སློབ་དཔོན་ཉི་ཤུ་རྩ་བཞི་གོ་ཀྱ་ལུག་ཕྲུག་གི་གདོང་དུ་ཕྱག་འཚལ་བ་ལགས། ཁོང་རེ་རེའི་ཕྱག་ལ་པི་ཝང་དང་སྤོས་ཁངས་ཁ་གསེར་གྱི་ཕོར་ར་ཀྱ་བསྣུམས་འོད་ད་ལགས། འོ་དེ་སྤོས་ཀྱ་དཀོན་མཆོག་གི་མི་ཀྱ་ཡིས་ཕུལ་པ་སྨོན་ལམ་ཀྱ་ལགས།